PUASAINA 23:23 - Mara Bible RV (BSI)

²³ “Ei vâlyuhchâpa na hmia lâta sie aw ta, Amawri mo, Hiti mo, Perizi mo, Kâna mo, Hivi mo nata Zebu mozy yna lâ châ chhi aw ta, âmo cha ei pahleipadia aw ei.

PUASAINA 23:23 ပူးပေါင်းရင်းမြစ်များ

ÂTHAONA 24:7

Avâ Khazohpa Abeipa, ei paw o tawhta nata ei pina râh tawhta na chhihthapa ta, bie na chho ta, ‘He râh he na pathlazy ei pie aw,’ tahpa ta bie nâ taihtuhpa tlai chata a vâlyuhchâpa na hmia lâta pasiesa aw ta, cha tawhna chata ei sawchapawpa châta lapinô na hiapa aw.

ÂTHAONA 34:2

Cha râh bei Hivi chyhsa Hamô sawchapawpa Sekhe ta vaw hmô ta, patu ta, a ziakhei ta, a noh pazao ha ta.

PUASAINA 18:8

Izarei mo vâta Abeipa ta Phiraoh nata Izi mo chô liata a taopa zydua zy, lâpi liata rairuna amâ tyhpa zydua zy, Abeipa ta Izarei sawzy a pachhazie zy, Mawsi ta a puhpa cha chho ta.

PUASAINA 23:20

“Moh teh, lâpi liata châ vaih awpa nata su ei chhuahdypa châ tlôkhei awpa ta, na hmia lâta vâlyuhchâpa ei pasiesa.

PUASAINA 3:17

Chavâta Izi râh pasataona tawhta châ chhi papuapa ta, Kâna mo, Hiti mo, Amawri mo, Perizi mo, Hivi mo nata Zebu mozy râh, sâhpiti nata kheihti lona râh lâ châ chhi awpa ei ta, bie ei châ taih ei,’ tahpa ta.

PUASAINA 32:2

Arawna ta ama hnohta, “Nama lapinôzy, nama sawchapawzy nata nama sawchanôzy ta ama nakao liata amâ bapa ngôh rahyzy pahluh u la, kei lâ vaw chei teh u,” tah ta.

ISAI 5:13

Chavâta ei phopi cha pahnona amâ phahlapa vâta sei ta a chhipa ta y ei ta, Ama chyhsa zachhihpazy nodipa ta thi ei ta, Ama zawpizy dâhphipa ta ama thi.

RYHPACHANEINA 9:3

Chavâta Abeipa nama Khazohpa cha, mei a kâsao theipa hawhta nama hmia lâta a siepa a châ tahpa tanoh pahno teh u. Ano ta âmo cha nama hmiakô liata pahleipadia aw ta, a panawh aw ei. Abeipa ta bie a châ taihpa hawh ei ta, âmo cha papua aw ei chi ta, thlai nama pahleipadia aw.

ZAWSUA 23:9

Abeipa ta chi laipa nata thatlôpazy nama hmiakô tawhta papua khai ta, nama hmiakô liata a duah theipa tanoh taihta ahy hmah y veih ei.

ZAWSUA 5:13

Zawsua cha Zerikô khihpi kiapâh liata a y nota, mohmia pasaih ta, a hmiakô liata chyhsa pakha, zaozi a paih tawhta phia chiehpa a chabapa ta a vaw duah thlâh ha ta. Zawsua ta kei pangai ta, a hnohta, “Keimo chhâh a châpa ma na châ, eima khakhaipazy chhâh a châpa chi maw?” tah ta.

ZAWSUA 9:1

Zawdâh haosâ tlâh râh nata bypi nata Tilaipi Laipa ngiahkâ zydua liata Lebanaw taihta a ypa bei zydua, Hiti bei, Amawri bei, Kâna bei, Perizi bei, Hivi bei nata Zebu beizy ta Izarei sawzy thâtih ama thei nahta,