PUASAINA 23:21 - Mara Bible RV (BSI)

²¹ Na nah pachôhpa ta, a bie nathlie la, ano cha chakhia khah y. Ei moh ano liata y tlôh ta, chavâta nama paraonazy a ngiahthai aw vei.

PUASAINA 23:21 ပူးပေါင်းရင်းမြစ်များ

HLAZY 2:12

Sawchapawpa cha pahnâ teh u, Chataleipatala a hiehâh aw ta, Lâpi liata nama leidia pathlei aw na, A pathi thlai ia tyh tlôh ta. Abeipa a chhaipa zydua cha ama nohlao na.

HLAZY 72:19

A moh rônahpa cha chhâzaw ta reithaipa ta y sala, Leilô zydua he a rônahna ta bie mawh sy! Amen! Amen!

HLAZY 78:40

Râhchawhpa liata ei hluhpi chakhia ei ta, Râraohpa liata ei hluhpi a pachâ ama parôh.

HLAZY 78:56

Chatanachôta Chônôchai Khazohpa cha pasiapa ta chakhia ei ta, A bieraopazy zyh veih ei.

HLAZY 83:18

Nâ deita he Zehôvâh moh a phaohpa châ chi ta, Khizaw zydua liata Chônôchaipa na châ tahpa ama pahno aw.

PUASAINA 3:14

Khazohpa ta Mawsi hnohta, “Kei he Zehôvâh ei châ. Izarei sawzy hnohta, ‘Zehôvâh ta nâmo lâ eina vaw tuah,’ na tah aw,” tah ta.

PUASAINA 32:34

Tahmâ zu la, phopi cha, sie nawpa ei cha chhopa su lâ a chhi mah y. Ei vâlyuhchâpa ta hmia a châ sahpa aw. Chatahrasala ei cha vaw tly ti ei ta cha, ama moleina vâta ei hrie pyly aw ei,” tah ta.

PUASAINA 6:3

Abarahâ, Aisika nata Zakaw zy hnohta Khazohpa Atotaotheipa ta a vaw luah na ta, ei moh Zehôvâh ta deikua cha ama hnohta a pahnosa va na.

ISAI 42:8

Kei he Zehôvâh châ na ta, Cha cha ei moh a châ; Ahy hnohta hmah ei rônahna pie leipa na ta, Nothlahpazy hnohta chhao, Keima reithaina pie veih ei na.

ISAI 45:6

Chatanachata kei he Abeipa châ na ta, Keima leipa ta Abeipa hropa y leipa ei ta, Abeipa hropa rai y veih ei tahpa cha, Noh chhina su tawhta noh tlana su taihta Chyhsazy ta ama pahno khai aw.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

ISAI 9:5

Tlypâna pheiky nata thisaih a hlaopa chysia zydua cha, Mei liata phôh ta pakâ khaipa a châ aw.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 23:6

“Zudâh cha ano ryureina daihtizy liata pachhapa châ aw ta, Izarei chhao â bohpa ta a y aw. A moh cha Zehôvâh Sede a châ aw.

ZEREMIAH 5:7

“Kheihta ma ei châ ngiahthai thei aw? Na sawzy ta na siesai ei ta, Khazoh a châ leipazy moh reipa ta bie amâ taih hapa cha. Ama rihbiena taihta ei pasapa chhao ei ta, Nâ pheisai pyly ei ta, Âzuahnôzy o lâ a hripi ta ama ngai tyh.

MALAKHAI 3:1

“Moh teh u, ei hmia lâta lâpi a chhuahdy awpa ta, ei lyuhchâpa ei vaw tuah aw. Nama tluapa Abeipa cha ano Achhyna o lâ eikhapi ta â vy aw. Moh teh u, nama tlaichhaipa biehrai lyuhchâpa cha â vy hai,” Pheisaihzy Abeipa ta a tah.

MALUHREINA 14:11

Abeipa ta Mawsi hnohta, “He chyhsazy heta khachâ ma eina mohnao aw ei? Ama hry liata ngiana hmonoâhpazy ei taona chôta khachâ ma na ngâ leipa ta ama y aw?

MALUHREINA 14:35

Kei Abeipa heta ei reih: he zawpi moleipa, keima nâ dyuh awpa ta a hmaohpakhypazy chô liana heta, he hmo he tao tlai aw na ta, he râhchawhpa liana heta leidia aw ei ta, he liata ama thi aw,’ tahpa ta chho teh u,” tah ta.

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

MATHAI 17:5

A rei hai no tlai chata, meihdo râhpa ta âmo cha vaw khu ta, meihdo tawhta ao vaw pua ta, “He he ei Sawchapawpa kho ngaitapa, a chô liata ei ly ngaitapa a châ, a bie nathlie teh u,” tah ta.

ZAWHÂNA 10:30

Kei nata Paw cha pôhkha eima châ,” tah ta.

ZAWHÂNA 10:38

Paw rai a hriapa ei châ khiahta deikua cha, kei na zo vei hra u la, ei raihriazy chhâ zo teh u. Chatanachata Paw cha keima liata y ta, kei chhao Paw liata ei y tahpa pahno aw ei chi ta, nama no â vâh aw,” tah ta.

ZAWHÂNA 5:23

Chatanachata chyhsa zydua ta Paw ama zapa hawhta, Sawchapawpa chhao ama za hra aw. Ahy rai Sawchapawpa a za leipa cha, ano tuahtuhpa Paw a za leipa a châ.

EPHESI 4:30

Khazohpa Thlahpa Pathaihpa pachâ parôh khuh vy, chatlaina noh châta ano ta ngiapa nama châ.

RYHPACHANEINA 18:19

Hrohsopa ta ei moh ta ei bie a reipazy a thei khoh leipa cha, kei tlai ta ei pachia aw.

RYHPACHANEINA 9:7

“Râhchawhpa liata Abeipa pathi nama pa-iapa kha a thei thlâh ha u la, my beih khuh vy. Izi râh tawhta nama kaw pua noh tawhta, he su nama vaw tlôna taihta, Abeipa a dyuhtuhpazy nama châ.

KAOLAOSÂ 2:9

Khazohpa châna zydua cha, â kipa nata a pôhpa tlai ta Krista liata a pahrâ.

HEBRAI 12:25

Biereituhpa khoh leipa ta nama y pathlei lei nawpa ta a chado teh u. Alei liata zikyurâtuhpazy khoh leipa hmahta hriena ama khôkhâh vei khiahta cha, vârâh tawhta zikyu miah râtuhpa eima dytha khiahta cha, hriena eima khôkhâh lei pachai aw dia!

HEBRAI 3:16

Cha khiahta la pahno thlâh tlôh ta ano a dyuhpazy kha ahyzy ma ama châ? Mawsi chhihthapa ta Izi râh tawhta a kaw puapa zydua kha châ veih ei ma?

ZAWSUA 24:19

Châhrasala Zawsua ta zawpi hnohta, “Abeipa chakao thei aw veih ei chi. Ano cha Khazoh pathaihpa châ ta, hiatlia a pasapa Khazohpa a châ. Nama paraonazy nata nama moleinazy a ngiahthai aw vei.

1 ZAWHÂNA 5:16

Chyhsa ta thina taih a châ leipa moleina a unawhpa taopa a hmô khiahta cha, thlah a chhâpa awpa a châ. Chatanachata thina taih a châ leipa moleina a taotuhpazy cha Khazohpa ta hrona a pie aw ei. Thina taih a châpa moleina y ta, cha hawhpa châta thlahchhâpa awpa ei tahpa châ vei.

BIEPHUAH 1:8

Abeipa Khazohpa ta, “Kei he Alphâ nata Ômekâ châ na ta, a y haipa, a y hapa nata a vaw y awpa, Atotaotheipa ei châ,” a tah.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.

BIEPHUAH 2:8

“Smynâ Awnanopa vâlyuhchâpa hnohta hetana heta roh teh: ‘Âthaona nata achhâna, thi ha ta, a vaw hroh heihpa khata he biezy he a reih.

BIEPHUAH 3:7

“Philadelphia Awnanopa vâlyuhchâpa hnohta hetana heta roh teh: ‘Mopathaihpa, a hmeiseihpa, Dâvi châhbi hnei ta, ahy hmahta khaw thei lei awpa ta a pahytuhpa, ahy hmahta pahy thei lei awpa ta a khawtuhpa ta he biezy he a reih.

RYUREITUHPAZY 13:18

Abeipa vâlyuhchâpa ta a hnohta, “Hmo noâhchhihpa hmô ha chi ta, khazia ei mo eina hiahri chi?” tah ta.