PUASAINA 23:19 - Mara Bible RV (BSI)

¹⁹ “Na lyu liata chicheipa a daih tua chaipazy hry liata a pha chaipazy cha, Abeipa na Khazohpa o liata na hlâ awpa a châ. “Mietaw sa cha a panô sâhpiti ta na chho awpa châ vei.

PUASAINA 23:19 ပူးပေါင်းရင်းမြစ်များ

NEHEMIAH 10:35

Kô chareih eima chhaohlei a pathei tuapazy nata tho thei a pathei tuapa maih Abeipa o lâ eima cheih lymâ aw.

NEHEMIAH 10:36

Ryhpa liata ropa hawhta, eima sawchapaw uhtheipazy, eima sahroh a pataw tuapazy, eima viahchao hri nata mietaku zaw hry ta a pataw tuapazy cha, eima Khazohpa o liata chakaotuhpa theihthaipazy pie awpa ta, eima Khazohpa o lâ eimâ chhi tyh aw.

PUASAINA 22:28

“Khazohpa na rei pachhie awpa châ leipa ta, na phopi ryureituhpa chô liata bie pha leipa na reih awpa châ vei.

PUASAINA 22:29

“Na kôvei tawhta nata na kresawhti saohpazy tawhta hlâ awpazy na pahawhpasâh awpa châ vei. Na sawchapawzy hry liata a pih tua chaipa cha, kei eina pie aw chi.

PUASAINA 34:26

Na lyu liata chicheipa a daih tua chaipazy hry liata a pha chaipazy cha, Abeipa na Khazohpa o liata na hlâ awpa a châ. Mietaw sa cha a panô sâhpiti ta na chho awpa châ vei,” tah ta.

BIESOZY 12:10

Mosiapa cha a sahroh hrona pachâ peimawh ta, Moleipa zawngiahna deikua cha nôchhiena a châ.

BIESOZY 3:9

Na hneina ta Abeipa palyupalih la, Na kôvei a daih tuachaipa zydua ta Abeipa cha palyupalih mah y.

ZEREMIAH 10:3

Phopizy phôryhpazy cha hraoleipa deita ama châ. Râhmâhpa liata tho thlu ei ta, Ahrei hmâpa ta zôthaipa ku ta khazoh nothlahpa ama tao.

EZEKIA 44:30

Thei hmiatuapazy hry liata a pha chaipa maih nata nama hmohlâpa to tawhta a pha chaipa maih cha theihthaipazy tovyuh a châ aw. Nama o liata byhnâ a y lymâ thei nawpa ta, viahdie pahlypa pha chaipa cha theihthaipazy hnohta nama pie awpa a châ.

EZEKIA 48:13

“Theihthaipazy râh kiapâh ta sie lymâpa ta, Livai chizy ta râh hnei aw ei ta, a doh lâ dy 25,000, a hâ lâ dy 10,000 a châ aw. A doh zydua dy 25,000 châ aw ta, a hâ zydua dy 20,000 a châ aw.

EZEKIA 48:14

Râh cha ama zua awpa châ leipa ta, amâ ri awpa châ hra vei. Cha râh pha chaipa cha, Abeipa châta râh pathaihpa a châpa vâta, mohropa hnohta ama pie awpa châ vei.

MALUHREINA 15:21

Nama chhâ zydua liata, viahchhâ nama nyh tua chaipa tawhta Abeipa tovyuh nama pie lymâ awpa a châ.

1 KAWRINI 15:20

Châhrasala Krista cha athihpazy hry tawhta pathyupa ta a y hmeiseihpa a châ, a môpazy thyuheihna hmia a sahtuhpa a vaw châ haw.

RYHPACHANEINA 14:21

“Ano kho ta a thipa sa kheihawhpa hmah nama nie awpa châ vei. Nama khihzy liata a ypa chihropa nie awpa ta pie thei ei chi ta, râh hropa chyhsa hnohta nama zuah thei hra. Nâmo cha Abeipa nama Khazohpa châta phopi pathaihpa nama châ. Mie taw sa cha a panô sâhpiti ta nama chhoh awpa châ vei.

RYHPACHANEINA 26:10

Chavâta Hy Abeipa, tahmâ nâ ta miah na piepa chhaohlei thei pathei tua chaipazy eima vaw cheih,’ nama tah aw. Thei hmiatuapa nama hlâpazy cha Abeipa nama Khazohpa hmiakô liata soh aw ei chi ta, Abeipa nama Khazohpa cha a hmiakô liata a bôhpa ta namâ naoh aw.

RYHPACHANEINA 26:2

Abeipa nama Khazohpa ta râh a cha piepa liata chhaohlei patheipa tawhta kô a veih tua chaipa zydua la aw chi ta, hrâbyh liata khô aw chi ta, Abeipa nama Khazohpa ta a moh y nawpa ta â tlyh awpa su lâ nama siekhei tyh aw.

BIEPHUAH 14:4

Cha chyhsazy cha chanô liata a papua leipa, chapaw kôpazy ama châ. Mietakutaw siena lâ maih a zituhpazy châ ei ta, Khazohpa châta nata Mietakutaw châta a pathei tua chaipazy châ awpa ta, chyhsa hry tawhta chatlaipazy ama châ.