PUASAINA 23:18 - Mara Bible RV (BSI)

¹⁸ “Atheihna sa thisaih eina hlâ ti chi ta, viahchhâ thinô pahlaopa chhaota na hlâ awpa châ leipa ta, ei kyhchhi thaw chhao a mylâ taihta a y awpa châ vei.

PUASAINA 23:18 ပူးပေါင်းရင်းမြစ်များ

PUASAINA 12:10

Mydi taih khâpa hmah nama so awpa châ leipa ta, mydi taih a ypa cha mei liata nama rao khai awpa a châ.

PUASAINA 12:15

Noh sari chhôh viahchhâ thinô pahlao leipa nama nie awpa a châ. Noh khana noh ta, nama o chhôh tawhta thinô nama pathai khai ha awpa châ ta, ahy rai noh kha noh tawhta noh sari noh taihta viahchhâ thinô pahlaopa a niepa maih cha, cha chyhsa cha Izarei tawhta chhawh pathlahpa a châ aw.

PUASAINA 12:8

A sa cha, cha zâ ta mei liata rao aw ei ta, viahchhâ thinô pahlao leipa nata âhna khapa a hmiepa ta ama nie aw.

PUASAINA 16:19

Mawsi ta ama hnohta, “Ahy hmahta mylâ châta a khai khuh vy,” tah ta.

PUASAINA 29:34

Chahnaona sa tlyma, viahchhâ tlyma, a mylâ taihta a laibâhpa a y khiahta cha, a laibâhpa cha mei ta na rao awpa a châ. Hmo pathaihpa a châpa vâta nie awpa châ vei.

PUASAINA 34:25

“Atheihna sa thisaih eina hlâ ti chi ta, viahchhâ thinô pahlaopa chhaota na vaw hlâ awpa châ leipa ta, Zawpakhô Kyhchhi atheihna chhao a mylâ taihta a y awpa châ vei.

THEIHTHAINA 2:11

“Abeipa lâta mei ta hlâpa châta thinô nata kheihtizy na rao awpa a châ leipa vâta, Abeipa hnohta na hlâ awpa niepa hlânazy cha thinô pahlaopa ta tao awpa châ vei.

THEIHTHAINA 7:12

Alyna biereina châta a hlâ khiahta cha, thinô pahlao leipa ta sathaw pahlaopa viahchhâ pakâhpazy, sathaw hniapa thinô pahlao leipa viahchhâ apapazy nata viahdie dipa ta taopa sathaw ta nyhpa viahchhâ pakâhpazy cha, atheihna hlâna sa a hlâna liata a hlâ pâ awpa a châ.

THEIHTHAINA 7:15

Alyna biereina châta aryhna hlâna atheihna sa cha, a hlâ noh ta nie khai ha awpa a châ. A mylâ my taihta khâpa hmah a pahlôh awpa châ vei.

RYHPACHANEINA 16:4

Nama pahrâna râh zydua liata noh sari chhôh thinô hmô awpa a y awpa châ vei. Noh khana noh zâlâ ta namâ theihna sa cha, a kheihawhpa hmah zâ chhôh zydua nata a mylâ taihta a y awpa châ vei.