PUASAINA 23:14 - Mara Bible RV (BSI)

¹⁴ “Kô kha ta ei thôh kei châta kyhchhi na tao tyh awpa a châ.

PUASAINA 23:14 ပူးပေါင်းရင်းမြစ်များ

1 ABEIZY 9:25

Sawlawmaw ta Abeipa châta maisâh a taopa liata kô kha ta ei thôh raopa hlâna nata aryhna hlâna hlâ tyh ta. Abeipa hmiakô liata maisâh liana chata ropahâhpazy chhao rao tyh ta. Chatanachata Achhyna o cha a paloh haw.

2 THÂTIHZYRONA 8:13

Cha raopa hlânazy cha Mawsi biepiepa hawhta noh chareih ta â ngiahna lymâ hawh ta hlâ tyhpa a châ. Pahânoh nata thla thieh nohzy liata hlâ tyhpa châ ta, kô chareih ta taopa kyhchhi miathôhpa, viahchhâ thinô pahlao leipa kyhchhi, Hâta Kyhchhi nata Byureih Kyhchhi lia zy ta hlâ tyhpa a châ.

PUASAINA 23:17

Chapaw zydua ta kô kha ta ei thôh Zehôvâh Khazohpa hmiakô liata amâ luah tyh awpa a châ.

PUASAINA 34:17

“Thua ta leihpa nothlahpa khazohzy na tao awpa châ vei.

PUASAINA 34:18

“Viahchhâ thinô pahlao leipa kyhchhi na chay awpa a châ. Bie ei cha piepa hawhna khata, Abi thla daihti raopa liata noh sari chhôh viahchhâ thinô pahlao leipa na nie awpa a châ, Abi thla liata Izi râh tawhta na kaw puapa vâta.

EZEKIA 46:9

“Kyhchhi nohzy liata, râh zawpizy ta Abeipa a chhy awpa ta a hmiakô liata amâ vy tita, maw chhikao lâ tawhta a ngiapazy cha, chho chhikao lâ tawhta pua aw ei ta, chho chhikao lâ tawhta a ngiapazy cha, maw chhikao lâ tawhta ama pua aw. Ahy hmahta amâ ngiana chhikao lâ tawhta amâ lie awpa châ leipa ta, chyhsa to ama hmia lâta ama sie lymâ awpa a châ.

THEIHTHAINA 23:16

Pahânoh ei sarina my taihta noh sypangawh reih aw ei chi ta, niepa hlâna sâh thiehpa cha Abeipa lâ nama hlâ aw.

THEIHTHAINA 23:34

“Izarei sawzy chho la, ama hnohta hetana heta reih teh: He thla sarina, noh hrawh hleipangawhna noh he, Abeipa lâta noh sari chhôh Byureih Kyhchhi hmâna nohzy a châ.

THEIHTHAINA 23:4

“Hezy he Abeipa châta kyhchhi raopa, pakhypi pathaihpa châ ta, hmâh awpa ta a daihti raopa liata nama phuah tyh awpa a châ:

THEIHTHAINA 23:5

Thla khana, noh hrawh hleipalihna noh zâlâ a zoh chy daihti cha Abeipa Zawpakhô kyhchhi a châ.

RYHPACHANEINA 16:1

“Abeipa nama Khazohpa ta Abi thla liata Izi râh tawhta zâ ta a châ kaw chhi papuapa vâ ei ta, Abi thla cha chay aw chi ta, Abeipa nama Khazohpa châta zawpakhô kyhchhi nama tao aw.

RYHPACHANEINA 16:16

“Chapaw zydua ta Abeipa nama Khazohpa ta â tlyh awpa su liata kô kha ta ei thôh a hmiakô liata namâ luah tyh awpa a châ. Viahchhâ thinô pahlao leipa kyhchhi liata zy, hâta kyhchhi liata zy, byureih kyhchhi liata zy, Abeipa hmiakô liata ku ruapa ta namâ luah awpa châ vei.

1 SAMUELA 1:3

Cha chyhsa cha Pheisaihzy Abeipa a chhy awpa nata atheihna hlâ awpa ta ano khih tawhta Silô khih lâ kô chareih ta sie tyh ta. Eli sawchapawpa pano Hôphani nata Phinehâ zy cha Silô khih liata Abeipa theihthaipazy châ ei ta.