PUASAINA 23:12 - Mara Bible RV (BSI)

¹² “Noh charu chhôh na rai hria aw chi ta, a noh sarina noh deikua cha, nâ pahâ tyh awpa a châ. Chatanachata na viahchao tôhpa nata alâ zy chhao a pahâ aw ei ta, na o liata a pihpa sei nata na hnohta a ypa chihropa zy ama tha a dâh hra aw.

PUASAINA 23:12 ပူးပေါင်းရင်းမြစ်များ

NEHEMIAH 13:16

Khihpi liata a ypa Tyre mo chhao ta, nga nata hmo to vaw phaoh ei ta, Zudâh mo nata Zerusale mo hnohta Pahânoh ta zuah tyh ei ta.

PUASAINA 16:23

Mawsi ta, “He he Abeipa biepiepa a châ: ‘Mylâ cha a pahâna noh, noh ziehpa, Abeipa châta Pahânoh pathaihpa a châ aw. Chavâta pakâh awpazy cha pakâh u la, chho awpazy chhoh u la, a laibâhpa zydua mylâ châta namâ so aw,’” tah ta.

PUASAINA 23:11

A kô sarina kô liata deikua cha, lyu cha pahâsa aw chi ta, pachihpa ta na paysa aw. Chatanachata na chiheihzy hry liata dyhchhiepazy ta nie aw ei ta, ama la bâhpazy cha lyurâhpa sazy ta ama nie aw. Cha hawhna chata na kre sadô nata na ôli sadô chhao na tao aw.

PUASAINA 34:21

“Noh charu chhôh rai hria aw chi ta, a noh sarina noh deikua cha nâ pahâ aw. Leipalie daihti nata sâh hria daihti hmahta châ hra sala, nâ pahâ awpa a châ.

PUASAINA 35:2

Noh charu chhôh rai hria awpa châ ta, a noh sarina noh deikua cha, nama châta noh pathaihpa, Abeipa châta a pahâ nawpa Pahânoh zachhihpa a châ aw. Ahy rai cha noh ta rai a hriapa cha thie awpa a châ.

PUASAINA 35:3

Pahânoh cha nama pahrâna su zydua liata mei rai nama patih awpa châ vei,” tah ta.

ISAI 58:3

‘Kâhvileipa ta y pi ta, Khazia na hmô khoh vei? Keimosasyh ta a panawh pi ta, Khazia na pahno khoh vei?’ ama tah. Pachâ teh u, kâhvileipa ta y tlai ei chi ta, Châhrasala nâmo pha nawpa ta nama tao; Nama rai hriatuhpazy nama tlybai pyly.

THEIHTHAINA 23:3

“Noh charu chhôh rai hria awpa châ ta, a noh sarina noh deikua cha apahâna zachhihpa Pahânoh, pakhypi pathaihpa noh a châ aw. Khâpa rai hmah nama hria awpa châ vei. Cha cha nama pahrâna maih liata Abeipa châta Pahânoh a châ.

MÂKA 2:27

Ama hnohta, “Pahânoh cha chyhsapa châta taopa châ ta, chyhsapa cha Pahânoh châta taopa châ vei.

LUKA 13:14

Zisu ta Pahânoh ta chyhsa a patlâhpa vâta, pakhyna o hyutuhpa cha a hiehâh kaw ta, zawpi hnohta, “Chyhsapa raihria nawpa ta noh charu y ta, cha chhôh chata a vy u la, patlâhpa ta y teh u. Pahânoh ta la tao awpa châ vei,” tah ta.