PUASAINA 23:1 - Mara Bible RV (BSI)

¹ “Bie pathâhpa doleipa na rei pachhuah awpa châ vei. Pahnokheituhpa haiphiahpa châ awpa ta, moleipa hry liata nâ hlao awpa châ vei.

PUASAINA 23:1 ပူးပေါင်းရင်းမြစ်များ

ÂTHAONA 39:17

Pawtipha hnohta a rei hmopa pyly reih heih ta, “Hebrai sei eima o lâ nâ vaw chhipa khata, ei noh na pazao awpa ta kei lâ a vaw ngia ta,

2 SAMUELA 16:3

Abei ta, “Na zibeipa sawchapawpa zaw, khataih liata ma a y?” tah ta. Zibâ ta abei hnohta, “‘Tanoh he Izarei phopi ta ei paw khinarâh eina pie pakhua aw ei,’ tah ta, Zerusale liata a vaw y haw,” tah ta.

2 SAMUELA 19:27

Châhrasala nâ chakaotuhpa ta châ chakaotuhpa he ei zibeipa abei lâta â do leipa ta eina leih hapa tlao a châ. Ei zibeipa abei cha Khazohpa vâlyuhchâpa hawhta châ chi ta, pha na tahpa hawhta tao mah y.

HLAZY 101:5

Ahy rai arulâta a vaih a leihtuhpa cha, Ei pahleipadia aw. Ahy rai a mo â sâhpa nata palôh laipa cha, Chhyh thai aw va na.

HLAZY 120:3

Nâ, paleih dôthaipa, Abeipa ta khâpa cha pie aw ta, Khâpa a cha taopa via aw?

HLAZY 15:3

A paleih ta kyh rei a hmâh leipa, A vaih chô liata hmo chhiepa a tao leipa, Â doleipa ta a viasa a reipachhie leipa;

HLAZY 27:12

Ei khakhaipazy khopa lâta na hlâ khah y; Pahnokheituh pakheipazy ta na thyuhnao ei ta, Nôchhiena hu eina so thlu ei.

HLAZY 35:11

Pahnokheituhpa pakheipazy thyu ei ta, Ei pahno beih leipa hmozy eina hiahri ei.

PUASAINA 20:16

Haipa ta na vaih na leih awpa châ vei.

PUASAINA 23:7

Moleipa cha thai ei pachâsa lei awpa vâta, haipa bie ta chyhsa na leih awpa châ leipa ta, paraona a hnei leipa nata mosiapa na thie awpa châ vei.

BIESOZY 10:18

Ahaona a phihtuhpa cha hmao haihthaipa hnei ta, Kyh reina bie a papuapa cha ahrupa a châ.

BIESOZY 12:17

Pahnokheituh ngâchhihpa cha biedopa reih ta, Pahnokheituh pakheipa deikua cha haipa bie a reih tyh.

BIESOZY 14:5

Pahnokheituhpa ngâchhihpa cha haipa bie reih leipa aw ta, Pahnokheituhpa pakheipa deikua cha hai­pa biezy a papua tyh.

BIESOZY 17:4

Hmo pha leipa a taotuhpa cha moleipa hmaokah nathlie tyh ta, Haihthaipa chhao chochhiepa paleih lâ a nah a pachôh tyh.

BIESOZY 19:28

Pahnokheituhpa leilôpa ta adona pahneisao ta, Moleipa pakah ta moleina a palâ tyh.

BIESOZY 19:5

Pahnokheituh pakheipa cha hrie leipa ta y leipa aw ta, Haipa hu a sopa chhao pua aw vei.

BIESOZY 19:9

Pahnokheituh pakheipa cha hrie leipa ta y leipa aw ta, Haipa bie a reihpa cha a leidia aw.

BIESOZY 21:28

Pahnokheituh pakheipa cha leidia aw ta, Bie a thei hmeiseihpa bie deikua cha â duah aw.

BIESOZY 24:28

A chhâpa y leipa ta na vaih kyh liata pahnokheituhpa ta y leipa la, Na hmao ta dôvei khah y.

BIESOZY 25:18

A vaih chô liata pahnokheituhpa pakheipa ta a ypa chyhsa cha, Byuthô, zaozi nata châtai tiahpa hawhta a châ.

BIESOZY 25:23

Maw thlih ta vâsua vaw tlôkhei ta, Kyh rei a hmâhpa paleih ta hiehâhna hmia a tlôkhei.

BIESOZY 6:19

Haipa hu a sopa pahnokheituh pakheipa nata Unawhzy achhaihna chi tutuhpazy ama châ.

ZEREMIAH 20:10

Bieparu hluhpi thei na ta, Su to liata chichhihpa a y. Ei viasa phapazy ta, Ei pao awpa a byhpa ta, “Leih teh u! Leih ei suh u! Dôvei theipa a châ thlâh ngyu aw; Chatanachata pahnie aw pi ta, A chô liata eima phuh eima la thei aw,” ama tah.

THEIHTHAINA 19:11

“Nama paru awpa châ leipa ta, dôveipa ta hmo nama tao awpa châ hra leipa ta, haipa bie namâ chho raihrie awpa châ vei.

THEIHTHAINA 19:16

Chyhsa kyh reipa ta na chiheihzy hry liata nâ khie awpa châ leipa ta, na vaih hrona châta chichhihpa bie nâ duakhei awpa châ vei. Kei he Abeipa ei châ.

MATHAI 19:18

Ano ta a hnohta, “Kheihawhpa biepiepazy maw?” tah ta. Zisu ta, “Liany na cheih awpa châ vei, Nâ phei awpa châ vei, Na paru awpa châ vei, Haipa ta chyhsa na leih awpa châ vei,

LUKA 19:8

Zakia cha a duah ta, Abeipa hnohta, “Abeipa, moh tua, ei sôh khophie dyhchhiepazy hnohta pie aw na ta, chyhsa hmo kheihawhpa rai â doleipa ta ei lapa a y khiahta cha, a lie palih ta ei thô aw,” tah ta.

LUKA 3:14

Pheisaihzy chhao ta a hnohta, “Keimo chhao he khâpa eima tao aw?” tah ei ta. Ano ta ama hnohta, “Pachhiparypa nata â doleipa ta leihpa ta ahy sôh hmah nama la awpa châ vei. Nama hlao liata palôhtlâh namâ paoh awpa a châ,” tah ta.

ZAWHÂNA 7:51

“Thaichâna bie pareisa ha tua leipa nata a hmotaopazy pahno ha tua leipa ta, eima ryhpa ta chyhsa thailei a pachâsa thei rai ma?” tah ta.

RAWMA 3:8

Chyhsa thokha ta, “‘Hmo phapa a vaw pua thei nawpa ta, hmo moleipa tao ei suh u,’ ama tah na,” tahpa ta â doleipa ta miah ama baipa hawhna khata eima tao thlâh ha aw ma? Cha hawhpa chyhsazy cha thailei a châ awpa rai ama châ.

EPHESI 4:25

Chavâta haipa bâhsai u la, nama vaih hnohta biedopa reih chyu teh u. Pôhpa miakha tawhta a pachiahpa sai eima châ.

RYHPACHANEINA 5:20

“Haipa ta na vaih na leih awpa châ vei.

2 TIMAWTHY 3:3

kyhpachâna a pikhei leipazy, aryhna a tao khoh leipazy, haipa ta chyhsa leih hmâhpazy, a sohsi thei leipazy, nôchhiepazy, hmo pha a khoh leipazy,

1 PITY 3:16

chhie nata pha pahnona pathaihpa hmâpa ta nama tao awpa a châ. Chatanachata Krista liata nama hrozie phapa a reipachhie tyhpazy cha maophyuhpa ta ama y aw.

BIEPHUAH 12:10

Chatawhcha avâ liata ao paro ngaitapa thei na ta, ao chata, “Tahmâ cha eima Khazohpa pachhana, hmotaotheina, khinarâh nata a Krista biehneina zy a vaw tlô haw. Eima unawhzy a leihtuhpa, eima Khazohpa hmiakô liata chhô nah zâ ta âmo a leih tyhtuhpa cha, za thy pathlahpa a châ haw.