PUASAINA 22:9 - Mara Bible RV (BSI)

⁹ “Parupa hmo maih, viahchao tôhpa tlyma, alâ tlyma, mietaku tlyma, chysia tlyma, hmo leipa khâpa rai, chyhsa ta, ‘He he kei eih a châ,’ a tah khiahta cha, ama pano likah biepeipa cha, Khazohpa hnohta tlôkheipa châ aw ta, Khazohpa ta thailei a pachâsapa ta a lie no ta a vaih cha a thô awpa a châ.

PUASAINA 22:9 ပူးပေါင်းရင်းမြစ်များ

ÂTHAONA 31:39

Sahrâhpa ta a taipazy chhao, na hnohta vaw cheih beih va na. Aleipazy vyuhpa kei ta ei pabie lymâ tyh. Nohchhô ta ama parupa tlyma, zâ ta ama parupa tlyma, thô awpa ta einâ hnaw tyh chi.

1 ABEIZY 8:31

“Chyhsa ahy tlyma a vaih chô liata hmo a paraopa vâta bie pataihsa awpa byuh sala, he o lâ a vypa ta na maisâh hmiakô liata bie â taih khiahta cha,

2 THÂTIHZYRONA 19:10

Khihpizy liata a ypa nama chiheihzy ta thisaih palona kyh liata tlyma, ryhpa kyh liata tlyma, biepiepa kyh liata tlyma, bieraopa kyh liata tlyma, pachiana kyh liata tlyma, nama hnohta biepeipa ama vaw tlôkhei tita, Abeipa hmiakô liata thaileichâpa ta ama y lei nawpa nata nâmo nata nama chiheihzy chô liata Khazohpa pathiiana a vaw tlô lei nawpa ta, zikyu namâ râ awpa a châ. Cha hawhta tao u la, thailei châ aw veih ei chi.

PUASAINA 22:10

“Chyhsa ta alâ tlyma, viahchao tôhpa tlyma, mietaku tlyma, sahroh kheihawhpa rai, a vaih pamokhâhsa sala, athipa ta tlyma, hmahphaopa ta tlyma, hraopa ta tlyma vaw y sala, a hmôpa ama y vei khiahta cha,

PUASAINA 22:28

“Khazohpa na rei pachhie awpa châ leipa ta, na phopi ryureituhpa chô liata bie pha leipa na reih awpa châ vei.

PUASAINA 22:4

“Parupa viahchao tôhpa tlyma, alâ tlyma, mietaku tlyma, parutuhpa ku liata ahrohpa ta hmôpa a châ khiahta cha, a lie no ta a thô awpa a châ.

THEIHTHAINA 6:5

Haipa ta bie â taihpa hmo zydua â kipa ta thô khai aw ta, thailei a châna noh liata, hneituhpa hnohta su pangawh su kha a baichha aw.

MATHAI 18:15

“Na unawhpa ta na chô liata hmo a parao khiahta cha, ano lâ charei la, ano nata nâma deita pahnopa ta â do leina cha chho mah y. A cha nathlie khiahta cha, na unawhpa cha na pahnie hapa a châ.

MATHAI 18:35

Palôh hmeiseihpa ta nama unawhzy namâ ngiahthai vei khiahta cha, ei Paw vârâh liatapa ta, cha hawhna chata nama zydua chô liata a tao aw,” tah ta.

RYHPACHANEINA 25:1

“Chyhsazy ta ama likah liata biepeipa ama hnei khiahta cha, ryureina lâ tlôkhei aw ei ta, ryureituhpazy ta ama pachia aw. Mosiapa cha thai pachâsa aw ei ta, moleipa cha thailei ama pachâsa aw.