PUASAINA 22:30 - Mara Bible RV (BSI)

³⁰ Cha hawhna chata, na viahchao tôhpazy nata na mietakuzy chhao na tao aw. Noh sari chhôh a panô hnohta y aw ta, a noh chariena noh ta kei lâta na vaw hlâ aw.

PUASAINA 22:30 ပူးပေါင်းရင်းမြစ်များ

ÂTHAONA 17:12

Chhâ vaw y lymâ awpa zydua liata, nama hry liata chapaw maih, na o liata a pihpa nata na pathla a châ hlei leipa chihropa tawhta sôh ta na chaleipazy chhao, noh charie uhtheipa ama châ nahta chopaw tai khai awpa a châ.

PUASAINA 13:12

chhi a pahy tuapa maih cha Abeipa châta nama panano lymâ awpa a châ. Nama sahroh a pataw tuapa a chapawpa maih cha Abeipa châta a châ aw.

EZEKIA 4:14

Chatawhcha kei ta, “Âh, Abeipa Zehôvâh y, pachâ tua, a papuapalei beih va na. Ei thyutlia daihti tawhta tahmâ taihta, ano thi ta a thipa sa tlyma, sahrâhpa ta a taipa sa tlyma, sa pathaih leipa tlyma, ei pakah liata a ngia beih vei,” tah na ta.

THEIHTHAINA 11:44

Kei he Abeipa nama Khazohpa ei châ. Kei pathaih tlôh na ta, chavâta a pathai u la, pathaihpa ta y teh u. Alei chô liata alyhpasa kheihawhpa ta hmah namâ papuapalei awpa châ vei.

THEIHTHAINA 11:45

Kei he nama Khazohpa châ awpa ta Izi râh tawhta châ kaw chhi papuatuhpa Abeipa ei châ. Kei pathaih tlôh na ta, chavâta nâmo chhao nama pathaih awpa a châ.

THEIHTHAINA 12:3

A noh chariena noh ta, hawtipa cha a chopaw vo tai awpa a châ.

THEIHTHAINA 17:15

“Ano kho ta a thipa tlyma, sa taipa tlyma a niepa cha, a râh chyhsa chhao, chihropa chhao, a chysiazy pasu aw ta, ti liata a ngai a si aw ta, zâlâ taih pathaih leipa a châ aw. Cha khai tawhta a pathaih aw.

THEIHTHAINA 22:27

“Viahchao tôhpa tlyma, mietaku tlyma, mie tlyma a pataw nahta, a panô hnohta noh sari y aw ta, a noh chariena noh tawhta, Abeipa lâta mei ta hmohlâpa châta a pyh theipa a châ aw.

THEIHTHAINA 22:8

Theihthaipa cha, ano kho ta a thipa sa tlyma, sahrâhpa ta a taipa tlyma niepa ta â papuapalei awpa châ vei. Kei he Abeipa ei châ.

THEIHTHAINA 7:23

“Izarei sawzy chho la, ama hnohta hetana heta reih teh: Viahchao thaw tlyma, mietaku thaw tlyma, mie thaw tlyma nama nie awpa châ vei.

THEIHTHAINA 7:24

Sa thiruapa thaw nata sahrâhpa ta a taipa thaw cha, a hmâ nawpa hropazy liata hmâ theipa châ ta, a nie deikua nama nie cheita awpa châ vei.

THEIHTHAINA 7:26

Cha hleikhô ta, nama pahrâna lia maihta, kheihawhpa thisaih rai, pavaw thisaih tlyma, sa thisaih tlyma, nama nie cheita awpa châ vei.

RYHPACHANEINA 14:21

“Ano kho ta a thipa sa kheihawhpa hmah nama nie awpa châ vei. Nama khihzy liata a ypa chihropa nie awpa ta pie thei ei chi ta, râh hropa chyhsa hnohta nama zuah thei hra. Nâmo cha Abeipa nama Khazohpa châta phopi pathaihpa nama châ. Mie taw sa cha a panô sâhpiti ta nama chhoh awpa châ vei.

RYHPACHANEINA 15:19

“Nama viahchao hri nata nama mietaku zaw hry liata a chapawpa a pataw tuapa maih cha, Abeipa nama Khazohpa châta nama panano awpa a châ. Nama viahchao hri liata a chapawpa a pataw tua chaipa cha, rai nama pahriasa awpa châ leipa ta, nama mietaku zaw hry liata a chapawpa a pataw tua chaipa hmi chhao nama ngyu awpa châ vei.