PUASAINA 22:22 - Mara Bible RV (BSI)

²² Nôhmei nata hârazy ama rie nama pathei awpa châ vei.

PUASAINA 22:22 ပူးပေါင်းရင်းမြစ်များ

ZAWBÂ 31:16

“Dyhchhiepazy khopa pakhâpa ta, Nôhmei mo pabâ aw sah la;

ZAWBÂ 34:28

Dyhchhiepazy awna ao a kô patlôsa ei ta, Phahlapazy awna ao a thei.

HLAZY 10:14

Na hmô mâh tâh, Ruchhôna nata nôchhiena zy ngiapa ta, Na ku liata soh chi ta; Dyhchhiepa ta cha pangai ta, Paw hnei leipa baotuhpa na châ.

HLAZY 34:7

Abeipa a chituhpazy cha, A vâlyuhchâpazy ta chadô ei ta; Ama kiapâh liata riehmo paryh ei ta, Âmo cha ama pachha tyh.

BIESOZY 22:23

Abeipa ta ama bie a duakhei tlôh aw ta, Âmo a hraotuhpazy hro a hrao hra aw.

BIESOZY 23:10

Râhri lôbô hlôpazy pasie leipa la, Paw hnei leipazy lyu liata a ngia khah y.

BIESOZY 23:11

Âmo chatlaituhpa cha a thatlô tlôh ta, Âmo a duakheipa ta a châ dyuh pathlei aw na.

ISAI 1:17

Hmo pha tao a chu teh u; Adona tlua u la, Tlybaina a dyuh teh u; Paw hnei leipazy chô liata adona patlôsa u la, Nôhmeizy reikhei teh u.

ISAI 1:23

Na beimachâzy cha chyhsa a chakhia thaipa châ ei ta, Parutuhpazy viasa ama châ. Chyhsa to ta panaopapana tlaichhai ei ta, Kuhriazy amâ chadai tyh. Paw hnei leipazy a duakhei leipa ei ta, Nôhmeizy aduakheina bie chhao ama hnohta tlô beih vei.

ISAI 10:2

Phahlapazy adona hny ei ta, Ei phopi dyhchhiepazy pikhei tovyuh ama chhu tyh. Nôhmeizy cha ama hraona sôh ta tao ei ta, Paw hnei leipazy chhao ama tai awpa sa ta ama tao tyh.

ZEREMIAH 7:6

mapaihpa nata paw hnei leipa nata nôhmei zy tlybai leipa u la, he su liana heta thaileina a hnei leipa thisaih palo leipa ta, châ pamoleisa awpa khazoh hropazy nama pazi leipa khiahta cha,

ZEREMIAH 7:7

he su liata pahrâ lymâ awpa ta cha pasai aw ei na ta, châ pathlatuhpazy hnohta hlâno tawhta ei vaw pie hapa râh liana he, chhâzaw nata tlyzaw ta nama pahrâ lymâ aw.

EZEKIA 22:7

Nôpaw za leina khihpi chhôh liata y ta, chihropa mapaihpa tlybaipa ta a hmo chhu ei ta, paw hnei leipa nata nôhmei chô liata â doleipa ta ama tao tyh.

ZEKARIA 7:10

Nôhmeizy, hârapazy, khichhaipa nata dyhchhiepazy tlybai leipa u la, nama palôh liata nama unawhpa chhiena awpa pachâ khuh vy,” tah ta.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

MATHAI 23:14

“Nâmo, ryhpa pachutuhpa nata Phârisaih phapakheipazy saih u, nama hu a po na! Nôhmeizy o nie khai ei chi ta, a pakheipa ta a pasi pi thlah nama chhâ tyh. Chavâta thailei pachâsa via pachaipa nama châ aw.

RYHPACHANEINA 10:18

Paw hnei leipazy nata nôhmeizy châta â dopa ta pachia ta, mapaihpazy kyhpachâ ta, niedo nata chysiazy a pie ei.

RYHPACHANEINA 15:9

A vaih teh u, chataleipatala, ‘Dyuchei ngiahthaina kô, kô sarina a vaw tlô daihmâ haw,’ tahpa ta nama unawh dyhchhiepa cha uasa a chhuah leipa ta, bao khoh leina palôh chhiepa nama hnei pathlei aw. Cha hawhta nama y khiahta cha, Abeipa lâ cha tlôkhei aw ei ta, nama châta moleina a châ aw.

RYHPACHANEINA 24:17

Chihropa nata paw hnei leipazy adona nama charichamy awpa châ leipa ta, nôhmei poh sôhkâ ta nama lapa awpa châ hra vei.

RYHPACHANEINA 24:18

Nâmo chhao Izi râh liata sei ta y ei chi ta, Abeipa nama Khazohpa ta cha su tawhta a cha chatlaipa ei kha namâ thei thlâh ha awpa a châ. Chavâta cha hmo cha tao awpa ta bie ei cha pie ei.

RYHPACHANEINA 27:19

“Chihropazy, paw hnei leipazy, nôhmeizy adona a tlybaipa cha chhiesapa ta y mawh sy,” tah aw ei ta, zawpi ta, “Amen” ama tah aw.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.