PUASAINA 22:21 - Mara Bible RV (BSI)

²¹ “Chihropa chô liata adoleipa ta na tao awpa châ leipa ta, ano cha na tlybai awpa châ hra vei. Nâmo chhao Izi râh liata chihropa nama châ hrapa kha.

PUASAINA 22:21 ပူးပေါင်းရင်းမြစ်များ

ZAWBÂ 6:27

Paw hnei leipazy hmo chhu awpa ta, Nuby a dao khoh thlâh ha ei chi ta, Sôh ta nama viasa a zuah khoh thlâh hapazy nama châ.

HLAZY 146:9

Abeipa cha mapaihpazy vaih ta, Nôhmei nata paw hnei leipazy a deichhy tyh; Hmoparaopazy hro deikua cha, Âbôkalie lâta a paysa tyh.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

PUASAINA 23:9

“Mapaihpa na tlybai awpa châ vei. Nâmo chhao Izi râh liata mapaihpa châ ei chi ta, mapaihpa châpa palôh rietheizie nama pahno.

ISAI 1:17

Hmo pha tao a chu teh u; Adona tlua u la, Tlybaina a dyuh teh u; Paw hnei leipazy chô liata adona patlôsa u la, Nôhmeizy reikhei teh u.

ZEREMIAH 22:3

Abeipa ta hetana heta a tah: Adona nata siana tao u la, ama hmo ama hrao hapazy cha, tlybaituhpazy ku tawhta pachha teh u. Chihropa mapaihpazy, paw hnei leipazy nata nôhmeizy chô liata â doleipa ta hmo tao leipa u la, thachahra hmâ thlu hra leipa u la, he su liana heta thaileina a hnei leipa thisaih palo khuh vy.

ZEREMIAH 7:6

mapaihpa nata paw hnei leipa nata nôhmei zy tlybai leipa u la, he su liana heta thaileina a hnei leipa thisaih palo leipa ta, châ pamoleisa awpa khazoh hropazy nama pazi leipa khiahta cha,

EZEKIA 22:7

Nôpaw za leina khihpi chhôh liata y ta, chihropa mapaihpa tlybaipa ta a hmo chhu ei ta, paw hnei leipa nata nôhmei chô liata â doleipa ta ama tao tyh.

THEIHTHAINA 19:13

“Na vaih na tlybai awpa châ leipa ta, ano cha na hrao awpa châ vei. Raihriatuhpazy hlao pie leipa ta, azozâkhihdei nâ vao awpa châ vei.

THEIHTHAINA 19:33

“Chihropa nama râh liata khih a sapa ama y khiahta cha, a chô liata â doleipa ta nama tao awpa châ vei.

THEIHTHAINA 19:34

Chihropa nama hnohta khih a sapa cha, nama râh chyhsa pakha hawhta nama pachâ awpa châ ta, nâma kyh nâ pachâpa hawhta a kyh na pachâ awpa a châ. Nâmo chhao Izi râh liata chihropa nama châpa kha a thei thlâh ha teh u. Kei he Abeipa nama Khazohpa ei châ.”

THEIHTHAINA 25:35

“Na unawhpa a dyh vaw chhie sala, a châ vaw chhai khiahta cha, na deichhy awpa a châ. Khichhaipa nata khitlyhpa na deichhypa hawhta, na hnohta na paysa aw.

ZEKARIA 7:10

Nôhmeizy, hârapazy, khichhaipa nata dyhchhiepazy tlybai leipa u la, nama palôh liata nama unawhpa chhiena awpa pachâ khuh vy,” tah ta.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

RYHPACHANEINA 1:16

Cha daihti liata, nama ryureituhpazy hnohta biehneina pie na ta, ama hnohta, ‘Nama unawhzy likah biepeipazy nathlie u la, chyhsa nata a unawhpa likah liata â do ngaitapa ta ryureih u la, chyhsa nata a hnohta a ypa chihropa likah liata chhao â do ngaitapa ta ryureih muh vy.

RYHPACHANEINA 10:18

Paw hnei leipazy nata nôhmeizy châta â dopa ta pachia ta, mapaihpazy kyhpachâ ta, niedo nata chysiazy a pie ei.

RYHPACHANEINA 10:19

Chavâta mapaihpazy kyh pachâ teh u, nâmo chhao Izi râh liata mapaihpazy nama châ hrapa kha.

RYHPACHANEINA 15:15

Izi râh liata sei ta y ei chi ta, Abeipa nama Khazohpa ta a cha chatlaipa ei kha namâ thei thlâh awpa a châ. Chavâta he biezy he tanoh ei cha pie ei.

RYHPACHANEINA 23:16

A pahrâ khohna khih liata nama hry liata y aw ta, nama tlybai awpa châ vei.

RYHPACHANEINA 23:7

“Edômâ mo cha nama unawhpa châ ei ta, namâ hao awpa châ vei. Izi mo chhao namâ hao awpa châ vei, nâmo chhao ama râh liata mapaihpa nama châpa kha.

RYHPACHANEINA 24:17

Chihropa nata paw hnei leipazy adona nama charichamy awpa châ leipa ta, nôhmei poh sôhkâ ta nama lapa awpa châ hra vei.

RYHPACHANEINA 27:19

“Chihropazy, paw hnei leipazy, nôhmeizy adona a tlybaipa cha chhiesapa ta y mawh sy,” tah aw ei ta, zawpi ta, “Amen” ama tah aw.