PUASAINA 22:20 - Mara Bible RV (BSI)

²⁰ “Abeipa lâta châ leipa ta, khazoh hropa lâta atheihna a hlâpa cha, pahleipadia awpa a châ.

PUASAINA 22:20 ပူးပေါင်းရင်းမြစ်များ

1 ABEIZY 18:40

Elaizâh ta ama hnohta, “Bâlâ hrohsopazy kha patu teh u. Pakha hmah papuasa khah u,” tah ta. Bâlâ hrohsopazy cha patu ei ta, Elaizâh ta âmo cha Kisaw chavah lâ a chhi ta, cha liata a thie khai ha ei.

2 ABEIZY 10:25

Raopa hlâna a hlâ khaipata nahta, Zehu ta vaituhpa nata pheisaih hyutuhpazy hnohta, “A kei ngia u la, thie teh u. Ahy hmah papua khuh vy,” tah ta. Zaozi ta chhawh ei ta, vaituhpa nata pheisaih hyutuhpazy ta âmo cha khôtho lâ kaw thy ei ta. Bâlâ achhyna o chhôhpadâhpa chhôh chaipa lâ a ngia ei ta,

2 THÂTIHZYRONA 15:13

Ahy rai Abeipa, Izarei Khazohpa a tlua leipa cha, hawti machâ, chanô chapaw, thie awpa ta biehrai ama tao.

PUASAINA 23:9

“Mapaihpa na tlybai awpa châ vei. Nâmo chhao Izi râh liata mapaihpa châ ei chi ta, mapaihpa châpa palôh rietheizie nama pahno.

PUASAINA 32:8

Ei biepiepazy thlai tleisaipa ta, viahchaotaw nothlahpa a tao ei ta, cha cha amâ chhy. Ano lâ a theih ei ta, ‘Hy Izarei, he he Izi râh tawhta châ kaw chhi papuatuhpa na khazoh a châ hih!’ ama tah,” tah ta.

PUASAINA 34:15

Cha râh liata a pahrâpazy hnohta biehrai tao lei awpa ta a vaih teh u. Chataleipatala ama khazohzy liata sihryhpa ta, ama khazohzy lâta amâ theih tita, cha hrua aw ei ta, amâ theihna sa nama nie pathlei aw na.

EZEKIA 20:7

Ama hnohta, ‘Chyhsa to nama mo liata nama pasô kawpa hmo pasichhihpazy thy u la, Izi râh khazoh nothlahpazy ta a papuapalei khuh vy. Kei he Abeipa nama Khazohpa ei châ,’ tahpa ta ei chho ei.

THEIHTHAINA 17:7

Amâ phei tyhna mie tôhpa khazohzy lâta atheihnazy ama hlâ awpa châ khao vei. Cha cha ama chhâ zydua châta chhâzaw bieraopa a châ aw.

THEIHTHAINA 19:33

“Chihropa nama râh liata khih a sapa ama y khiahta cha, a chô liata â doleipa ta nama tao awpa châ vei.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

MALUHREINA 21:3

Abeipa ta Izarei ao cha thei ta, Kâna mo cha a ku liata pie ta. Chatanachata a chyhsazy nata ama khihpizy cha tlokhuh ama pahleipadia khai haw. Chavâta cha su moh cha Hômâ bipa a châ.

RYHPACHANEINA 10:18

Paw hnei leipazy nata nôhmeizy châta â dopa ta pachia ta, mapaihpazy kyhpachâ ta, niedo nata chysiazy a pie ei.

RYHPACHANEINA 18:20

Bie rei awpa ei pie leipa tlai ta, ei moh ta bie a reihpa nata khazoh hropazy moh ta bie a reihpa hrohsopa cha a thi awpa a châ,’ tah ta.

RYHPACHANEINA 23:8

Chhâ thôhna tawhta cha, ama pathlazy Abeipa pakhypi liata amâ hlao thei aw.

RYHPACHANEINA 24:17

Chihropa nata paw hnei leipazy adona nama charichamy awpa châ leipa ta, nôhmei poh sôhkâ ta nama lapa awpa châ hra vei.