PUASAINA 21:20 - Mara Bible RV (BSI)

²⁰ “Chyhsa ta a seichapaw tlyma, a seichanô tlyma, chôchahrei ta tu sala, ano ku liata a thi khiahta cha, cha chyhsa cha hrie thlyu awpa a châ.

PUASAINA 21:20 ပူးပေါင်းရင်းမြစ်များ

ÂTHAONA 4:15

Abeipa ta a hnohta, “Châ bao va! Ahy rai Kainâ a thiepa cha a lie sari ta a chô liata phuh lapa a châ aw,” tah ta. Chatanachata a hmôpazy ta ama thie lei nawpa ta, Abeipa ta Kainâ chô liata ngiana tao ta.

ÂTHAONA 4:24

Kainâ phuh a lie sari ta lapa a châ khiahta cha, Lâmeka phuh cha a lie sysari nata ei sari ta lapa a châ aw,” tah ta.

ÂTHAONA 9:6

“Khazohpa ta chyhsapa cha, Ano kakuapa ta a taopa vâta, Chyhsapa thisaih a palopa maih cha, Chyhsapa lilaw ta ano thisaih a palo hra aw.

PUASAINA 21:19

vaw thyu heih theipa ta, chôchahrei a chhypa ta a sie thei heih khiahta cha, a chôtuhpa cha pathaih aw ta, a hmahphaopa vâta a daihti a pahleipa vyuhpa thô aw ta, a tlâh pasiana taihta a mohôh awpa a châ.

PUASAINA 21:21

Châhrasala sei cha noh kha khai tawhta tlyma, noh no khai tawhta tlyma a kaw thyu heih thei khiahta cha, sei cha a sôh a châpa vâta, cha chyhsa cha hrie awpa châ vei.

BIESOZY 29:19

Chakaotuhpa cha bie dei ta chhorei awpa châ vei, A novâh hra sala tao hlei aw vei.

MALUHREINA 35:19

Thisaih phuh latuhpa ta lianycheihtuhpa cha a thie awpa châ ta, a hmô tita a thie aw.

RAWMA 13:4

Ano cha na pha nawpa ta Khazohpa chakaotuhpa a châ. Hmo moleipa na tao khiah deikua cha, chi kaw mah y, zaozi cha a chaba thlâhthli vei. Ano cha Khazohpa chakaotuhpa châ ta, hmo paraotuhpa chô liata Khazohpa hiehâhna phuhlatuhpa a châ.

RYHPACHANEINA 19:21

Nama ngiachhie awpa châ vei. Hrona vyuhpa ta hrona, mo vyuhpa ta mo, hâh vyuhpa ta hâh, ku vyuhpa ta ku, phei vyuhpa ta phei a châ aw.