PUASAINA 20:5 - Mara Bible RV (BSI)

⁵ Chazy cha nâ chhy awpa châ leipa ta, na chakao awpa châ hra vei. Kei Abeipa na Khazohpa he, Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

PUASAINA 20:5 ပူးပေါင်းရင်းမြစ်များ

2 SAMUELA 21:1

Dâvi ryureina daihti liata, â zaopa ta kô thôh chakâhna tlô ta. Dâvi ta Abeipa hmia pado ta. Abeipa ta, “Sawla ta Kibiô mo a thiepa vâta, ano nata a chhôhkha chô liata thisaih maoh a y,” tah ta.

2 SAMUELA 21:6

a sawchapawpa pasarizy miah vaw pie la, Abeipa ta â tlyhpa Sawla khih Kibia liata Abeipa hmiakô ta eima paaosao aw,” tah ei ta. Abei ta, “Ei cha pie aw ei,” tah ta.

1 ABEIZY 19:10

Elaizâh ta, “Abeipa, Pheisaihzy Khazohpa châta phahnai a ngiah ngaita tyh na ta. Izarei sawzy hra ta na biehrai tleisai ei ta, na maisâhzy pacho ei ta, na hrohsopazy zaozi ta chhawhsao ei ta, keima, keima deita he a laibâhpa y na ta, keima chhao he ei hrona na la amâ chhuah,” tah ta.

1 ABEIZY 21:29

“Ahabâ ta ei hmiakô liata â panawhzie kha na hmô ma? Ei hmiakô liata â panawhpa vâta, ano chhâ liana heta la chhiena patlôsa aw va na. A sawchapawpa chhâ liata deikua cha a pathlazy chô liata chhiena ei patlôsa aw,” tah ta.

2 ABEIZY 17:35

Abeipa ta ama hnohta biehrai tao ta, “Khazoh hropazy nama chi awpa châ leipa ta, ama hmiakô liata namâ bôh awpa châ leipa ta, nama chakao awpa châ leipa ta, âmo lâ atheihna nama hlâ awpa châ vei,

2 ABEIZY 17:41

Cha phopizy chata Abeipa cha chi taraw ei ta, ama khazoh nothlahpa leihpazy chhao ama chakao pâ lymâ. Tanoh taihta ama pathlatuhpazy taozie hawhta ama sawzy ta tao ei ta, ama samohzy chhao ta ama tao lymâ.

2 ABEIZY 23:26

Chatanachôta Abeipa ­ta a hiehâhna ru ngaitapa, Manase ta a pathi a pa-iana zydua vâta Zudâh chô liata a hiehâhna cha papai hlei vei.

2 ABEIZY 5:18

Cha kyh liata Abeipa ta châ chakaotuhpa he a ngiahthai mawh sy. Ei zibeipa Aramia bei ta a khazoh a chhy awpa ta Rimaw achhyna o lâ â ngiana maihta, ei zibeipa cha ei bâh a patupa ta ei chhihtha tyh awpa byuh ta, kei chhao Rimaw achhyna o liana cha ei bôh tyh awpa a byuh. Rimaw achhyna o liata ei bôh tita, cha kyh liata Abeipa ta châ chakaotuhpa he a ngiahthai mawh sy,” tah ta.

2 ABEIZY 5:27

Nâmâ phawhpa kha ta cha patu aw ta, na pathlazy chhao chhâzaw ta a patu lymâ aw,” tah ta. Chatanachata Kehâzi cha Elaisâh hmiakô tawhta pua ta, dâhaw hawhta ngyuhpa ta, phawhpa vaw châ ha ta.

2 THÂTIHZYRONA 25:14

Amazia cha Edômâ mo pahnie ta a vaw kua tawhta, Seirâ mo khazohzy vaw phaoh ta, a khazohzy châta padua ta. Chazy cha a chhy ta, nothlahpazy lâ cha atheihnazy a hlâ.

2 THÂTIHZYRONA 7:19

“Nama hmiakô liata ei sopa, ei bieraopazy nata ei biepiepazy a heihsaipa ta, khazoh hropazy pangaipa ta, âmo cha chakaopa ta namâ chhy khiahta deikua cha,

ZAWBÂ 21:19

‘Ama moleina cha Khazohpa ta ama sawzy châta a pachô,’ tah ei chi ta, Ama pahno thei nawpa ta ama chô liata vaw patlôsa mawh sy.

ZAWBÂ 5:4

A sawzy abohna tawhta lâhlapi ta y ei ta, Thokhy chhikao liata phypa châ ei ta, A pachha awpa ahy hmah y veih ei.

HLAZY 109:14

A pathlatuhpazy moleina Abeipa hmiakô liata a thei thlâhpa ta y sala, A nô moleina mypa châ khah se!

HLAZY 78:58

Ama su sâhpazy vâta a hie pahâh ei ta, Ama khazoh nothlahpazy vâta hiatliapa ta ama paysa.

HLAZY 79:8

Miah pathlatuhpazy moleina vâta miah hrie leipa la, Na zawngiahna ta miah a tyh patoh mawh sy, Thata panawhpa ta eima y ha hih.

HLAZY 81:15

Abeipa a haotuhpazy ta ano ry a vaw daoh aw ei ta, Châhrasala ama tovyuh awpa cha chhâzaw hriena a châ aw.

PUASAINA 23:24

Ama khazohzy hmiakô liata a bôhpa ta nâ chhy awpa châ leipa ta, âmo na chakao awpa châ hra vei. Ama taopazy hawhta na tao hra awpa châ leipa ta, tlokhuh na pahleipadia khai ha awpa ei châ ta, ama panana tôhzy na phy pachhô khai ha awpa a châ.

PUASAINA 34:14

Khazoh hropa rai namâ chhy awpa châ vei. Abeipa cha a moh Hiatlia châ ta, a hiatlia pasa kawpa Khazohpa a châ.

BIESOZY 8:36

Nâ hmô leipa deikua cha anosasyh ta hmah a paphao ta, Nâ haopa zydua chhao thina kyh a pachâpa ama châ.”

ISAI 44:15

Chatanachata cha thozy cha, Chyhsa châta meithu a vaw châ tyh. Zôthaipa ta tho cha patlaw ta, Thokha mei liata tipa ta a aih ta; Thokha cha viahchhâ tao nawpa ta Mei patina châta a hmâh tyh. Cha tho tawh pyly ta, Khazoh taopa ta a chhy ta; Khazoh nothlahpa tao ta, A hmiakô liata â bôh tyh.

ISAI 44:19

Pachâna a hmâhpa y leipa ei ta, “Â khophie mei liata ti na ta, A meihei liata viahchhâ pakâhpa ta, Sazy raopa ta ei nie. Cha hawhpa khiahta cha, Tho laibâhpazy cha, Pasichhihpa ta ei tao hapa châ aw vei ma? Tho tô hmiakô liata ei bôh aw ma?” Tahpa ta a pahno thaipa y leipa ei ta, A hmô thaipa y veih ei.

ZEREMIAH 2:9

“Chavâta cha chakhia aw ei na ta, Nama samohzy taihta ei chakhia aw ei,” Abeipa ta a tah.

ZEREMIAH 32:18

Sâh hluhpi chô liata kyhpachâna tleih beih leipa palâsa chi ta, pawzy paraona chhao, âmo hnôhlâ ta ama sawzy chô liata na thô tyh. Hy Khazoh rônahpa nata thatlôpa, na moh cha Pheisaihzy Abeipa châ ta,

EZEKIA 18:19

“Chatanachôta, ‘Khazia sawchapaw­pa cha a paw paraona maoh a phaoh aw vei,’ nama tah ngâ thlâh ha chy. Sawchapawpa chata adona nata siana tao sala, ei bieraopa zydua a phapa ta a zyh khiahta cha, a hroh tlai awpa a châ.

EZEKIA 18:2

“Izarei râh kyh liata, ‘Pawzy ta kre thaopa nie ei ta, ama sawzy hâh â za,’ tahpa bieso nama rei tyhpa he, khâpa ma nama rei khoh tly?

EZEKIA 20:7

Ama hnohta, ‘Chyhsa to nama mo liata nama pasô kawpa hmo pasichhihpazy thy u la, Izi râh khazoh nothlahpazy ta a papuapalei khuh vy. Kei he Abeipa nama Khazohpa ei châ,’ tahpa ta ei chho ei.

EZEKIA 39:25

“Chavâta Abeipa Zehôvâh ta hetana heta a tah: Tahmâ cha Zakaw vânoh patosa heihpa ta, Izarei pathla zydua zawh a ngiah heih aw ei na ta, ei moh pathaihpa cha liahsa ei pabohsa ha bâ aw.

EZEKIA 8:3

A ku a lyupa vaw pazawh ta, ei sâ tô ta na vaw patu ta. Thlahpa ta na chalo ta, alei nata avâ likawh liata na soh ta. Thlahpa chata Khazohpa aluahna ta Zerusale lâ nâ chhi ta. Dôhpachhôh tlyhmia lâ angiana maw thokhy chhikao liata na soh ta. Hia patliasatuhpa, hiatliana khazoh nothlahpa dyuchhai cha, cha su liata a y.

DÂNIAH 1:2

Abeipa ta Zudâh bei Zehôki nata Khazohpa o hmobaoh thokhazy cha a ku liata pie ta. Chazy cha Sinâ râh liata a khazoh o lâta siekhei ta, a khazoh sôh o liata soh ta.

DÂNIAH 3:18

Maniah a pachha leipa chhao ta, Hy abei y, he he pahno mah y; na khazohzy cha chakao leipa aw pi ta, ngôh nothlahpa na paduapa chhao a chhy aw ma pi,” tah ei ta.

THEIHTHAINA 20:5

cha chyhsa nata a phoheihzy cha keima tlai ta a heihnao aw ei na ta, ano chhao, Môleka lâ â zuana kyh liata ano a pazituhpa zydua chhao, ama phopi tawhta ei chhawh pathlah aw ei.

THEIHTHAINA 26:1

“Khazoh nothlahpa namâ tao awpa châ leipa ta, nothlahpa tao chhyhpa tlyma, lôbô tlyma, nama bô awpa châ hra leipa ta, a naoh awpa ta nama râh liata nothlahpa hawhta taopa alô nama bô awpa châ vei, kei he Abeipa nama Khazohpa châ tlôh na ta.

THEIHTHAINA 26:29

Nama sawchapawzy sa nie aw ei chi ta, nama sawchanôzy sa nama nie aw.

NÂHU 1:2

Abeipa cha hiatlia a pasapa Khazohpa châ ta, Phuh a lapa Khazohpa a châ; Abeipa cha phuh lana nata pathiiana ta a biepa châ ta, Abeipa cha a khakhaipazy chô liata phuh la ta, A chariahpazy châta pathiiana a pachôtuhpa a châ.

MALUHREINA 14:18

‘Abeipa cha hiehâhna kyh liata nainôsôpa châ ta, kyhpachâna hnei hluh ngaita ta, moleina nata hmoparaonazy a ngiahthai theipa a châ. Thailei a châpazy deikua cha, hrie leipa ta y beih vei. Pawzy hmoparaona ty sawzy chô liata patlôsa ta, chhâ thôhna nata chhâ palihna taihta a patlôsapa a châ,’ tahpa ta vaw reih ha chi ta.

MALUHREINA 14:33

Nama sawzy cha kô sypalih râhchawhpa liata viavi aw ei ta, nâmo ngâchhih leina vâta pasa ama tao aw, râhchawhpa liata nama rizy a pao khaina taih ta.

MALUHREINA 25:11

“Theihthaipa Arawna sawchapawpa Eliaza sawchapawpa Phinehâ ta Izarei chô liata ei hiehâhna a papai haw. Ama chô liata ei hiatliana liata ano chhao a hia eina tliakhei hrapa vâta, ei hiatliana ta Izarei sawzy cha pahleipadia khao aw va na.

MATHAI 4:9

A hnohta, “Â khu lâta pao la, einâ chhy khiah chi ta cha, he hmo zydua he ei cha pie aw,” tah ta.

ZAWHÂNA 15:18

“Khizaw ta a châ hao khiah ei ta cha, nâmo ama châ hao hlâta, kei einâ hao tua ei tahpa pahno teh u.

ZAWHÂNA 7:7

Khizaw ta nâmo cha châ hao thei vei, kei deikua cha einâ hao, a hmotaopazy a moleizie ei palâhâhpa vâta.

ZAWHÂNA 9:2

A pachupazy ta a hnohta, “Râbai, he chyhsa mochaopa ta a pihpa he, ahy ma a molei tly, ano he ma, a nôpaw maw?” tahpa ta hiahri ei ta.

RAWMA 1:30

Chyhsa a reipachhiepa, Khazohpa a haopa, a patahsapa, a palaipa, a pahôpahâhpa, moleina khaohvâh a pahnopa, nôpaw rei a ngiah leipa,

RAWMA 8:7

Sapa hmo pachâna cha, Khazohpa ryhpa ry liata a y leipa vâta, Khazohpa a dyuhpa a châ. Hmeiseihta ta, sapa hmo a pachâpa châta cha, Khazohpa ryhpa ry liata y hmeiseih thei awpa châ vei.

1 KAWRINI 10:22

Abeipa cha a hia patliasapa ta, a hie pahâh eimâ chhuah mâ? Ano hlâta eima tha a tlô via mâ?

RYHPACHANEINA 32:21

Khazoh a châ leipa ta ei hia na patliasa ei ta, Ama nothlahpazy ta ei hie eina pahâh ei. Chavâta phopi ta rei khi a tloh leipa chô liata Ama hia patliasa aw na ta, Râh hrupa hmâpa ta ama hie ei pahâh aw.

RYHPACHANEINA 32:41

Ei zaozi patliepa ta sah la, Ryureina ei chaba tita cha, Ei khakhaipazy chô liata phuh la aw na ta, Nâ haotuhpazy viari ei thô aw ei.

RYHPACHANEINA 4:24

Abeipa nama Khazohpa cha a kâ patlô theipa mei châ ta, hiatlia a pasapa Khazohpa châ tlôh ta.

RYHPACHANEINA 5:10

kyh na pachâ ta, ei biepiepazy a zyhtuhpa sâh hluhpizy chô liata deikua cha, ngiachhiena a palâsa tyhpa ei châ.

RYHPACHANEINA 5:9

Chazy cha nâ chhy awpa châ leipa ta, na chakao awpa châ vei. Kei Abeipa na Khazohpa he Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

RYHPACHANEINA 6:15

Nama hnohta a ypa Abeipa nama Khazohpa cha hiatlia pasapa Khazohpa a châ. Nama chô liata Abeipa nama Khazohpa a pathi ia aw ta, alei chô tawhta a cha pahleipadia pathlei aw ei.

RYHPACHANEINA 7:10

Ano a haotuhpazy deikua cha, hmiadaisâ ta viari thô ta, a pahleipadia tyh ei. Ano a haotuhpazy viari thô awpa ta hawh aw vei. Hmiadaisâ ta viari a thô aw ei.

ZÂMIE 4:4

Nâmo, apheipa saih u, khizaw viasa châpa he Khazohpa nata akhakhaina a châ tahpa pahno veih ei chi ma? Chavâta ahy rai khizaw viasa châ a khohpa maih, Khazohpa khakhaipa ta â tao tyh.

ZAWSUA 23:16

Abeipa nama Khazohpa ta bie a cha piepa ei, a biehrai paraopa ta, khazoh hropazy pangaipa ta âmo cha chakaopa ta namâ chhy khiahta cha, nama chô liata Abeipa pathi ia aw ta, râh phapa a cha piepa tawhna ei heta thlai nama leidia aw,” tah ta.

ZAWSUA 23:7

Nama hry liata a ypa phopizy a kao leipa u la, ama khazohzy moh pado khuh vy. Ama khazohzy moh ta bie a taih leipa u la, cha khazohzy cha chakao leipa u la, a chhy khuh vy.

ZAWSUA 24:19

Châhrasala Zawsua ta zawpi hnohta, “Abeipa chakao thei aw veih ei chi. Ano cha Khazoh pathaihpa châ ta, hiatlia a pasapa Khazohpa a châ. Nama paraonazy nata nama moleinazy a ngiahthai aw vei.

RYUREITUHPAZY 2:19

Châhrasala ryureituhpa a thipa nahta, hnôh lâ kua ei ta, ama pathlatuhpazy hlâ chhao ta molei viapa ta, khazoh hropazy chakao ei ta amâ chhy ha tyh. Ama tao tyhpa nata ama chhorunazy pathleih hlei veih ei.