PUASAINA 20:4 - Mara Bible RV (BSI)

⁴ “Na châta nothlahpa khazoh na tao awpa châ vei. Chô lâ avâ liatapa a lyupa tlyma, ry lâ alei liatapa a lyupa tlyma, alei ry lâta ti liatapa a lyupa tlyma, kheihawhpa nothlahpa khazoh hmah na châta na tao awpa châ vei.

PUASAINA 20:4 ပူးပေါင်းရင်းမြစ်များ

1 ABEIZY 12:28

Abei cha chyhsa a saohiah ta, ngôh viahchaotaw pô no tao ta. Zawpi hnohta, “Zerusale lâ khy ngâ thlâh hapa cha nâmo châta rairu ngaitapa a châ. Chavâta Hy Izarei sawzy, moh teh u, hezy he Izi râh tawhta châ kaw chhi papuatuhpa nama khazohzy ama châ hih,” tah ta.

2 ABEIZY 17:12

Abeipa ta ama hnohta, “He hmo he nama tao awpa châ vei,” a tahpa nothlahpazy ama chakao tyh.

2 THÂTIHZYRONA 33:7

Khazohpa ta Dâvi nata a sawchapawpa Sawlawmaw hnohta, “He o nata Zerusale khihpi, Izarei chi zydua tawhta ei tlyhpa liana heta ei moh chhâzaw ta ei paysa aw,” a tahna Achhyna o liata ano taopa khazoh nothlahpa soh ta.

HLAZY 78:58

Ama su sâhpazy vâta a hie pahâh ei ta, Ama khazoh nothlahpazy vâta hiatliapa ta ama paysa.

HLAZY 97:7

Nothlahpa a chhypa zydua cha, Nozapa ta sopa châ ei ta; Hraoleipa nothlahpa a palaikheipazy chhao, Nozapa ta sopa ama châ. Nâmo, khazoh zydua saih u, Ano a chhy muh vy.

PUASAINA 20:23

Keima leipa ta khazoh hropazy nama hnei awpa châ vei. Tâkâ khazohzy tlyma, ngôh khazohzy tlyma, nâmo châta nama tao awpa châ vei.

PUASAINA 32:1

Mawsi cha tlâh tawhta charâ ta a za chô leipa zawpi ta ama pahno nahta, Arawna lâta zawpi a hmaohpakhy ei ta, a hnohta, “Thyu la, eima hmia lâta a sie awpa khazoh miah taopa teh. Kha Mawsi, Izi râh tawhta miah a kaw chhi papuatuhpa chyhsa kha, khâpa hmo ma a chô liata a tlô tahpa pahno khao ma pi hih,” tah ei ta.

PUASAINA 32:23

Âmo ta ei hnohta, ‘Eima hmia lâta a sie awpa khazoh miah taopa teh. Izi râh tawhta miah a kaw chhi papuatuhpa Mawsi chô liata khâpa hmo ma a tlô tahpa pahno khao ma pi,’ vaw tah ei ta.

PUASAINA 32:4

Arawna ta ngôh rahy ama vaw piepazy cha la ta, viahchaotaw nothlahpa leih ta, ngôh daina chhaichhi hmâpa ta â ngia kawpa ta daih ta. Zawpi ta, “Hy Izarei, he he Izi râh tawhta châ kaw chhi papuatuhpa na khazoh a châ hih” tah ei ta.

PUASAINA 32:8

Ei biepiepazy thlai tleisaipa ta, viahchaotaw nothlahpa a tao ei ta, cha cha amâ chhy. Ano lâ a theih ei ta, ‘Hy Izarei, he he Izi râh tawhta châ kaw chhi papuatuhpa na khazoh a châ hih!’ ama tah,” tah ta.

PUASAINA 34:17

“Thua ta leihpa nothlahpa khazohzy na tao awpa châ vei.

ISAI 42:17

Tho nothlahpazy ngâ ei ta, Thua nothlahpazy hnohta, “Eima khazohzy nama châ,” A tahtuhpazy cha, Pakuasapa châ aw ei ta, Thata maopaphyuhpa ama châ aw.

ISAI 42:8

Kei he Zehôvâh châ na ta, Cha cha ei moh a châ; Ahy hnohta hmah ei rônahna pie leipa na ta, Nothlahpazy hnohta chhao, Keima reithaina pie veih ei na.

ISAI 45:16

Khazoh nothlâhpa a chhytuhpa zydua cha, Nozapa nata nohzaopa ta y aw ei ta; Khazoh nothlahpa a taotuhpazy chhao, Tymâpa ta ama y aw.

EZEKIA 20:7

Ama hnohta, ‘Chyhsa to nama mo liata nama pasô kawpa hmo pasichhihpazy thy u la, Izi râh khazoh nothlahpazy ta a papuapalei khuh vy. Kei he Abeipa nama Khazohpa ei châ,’ tahpa ta ei chho ei.

EZEKIA 8:10

Chatanachata a ngia na ta, hmô na ta. Alyhpasa to nothlahpazy, sahrâhpa pasichhihpa nothlahpazy nata Izarei pathlazy khazoh nothlahpa zydua cha, thokhy pâhchhô a chheipa ta khiepa châ ta.

EZEKIA 8:3

A ku a lyupa vaw pazawh ta, ei sâ tô ta na vaw patu ta. Thlahpa ta na chalo ta, alei nata avâ likawh liata na soh ta. Thlahpa chata Khazohpa aluahna ta Zerusale lâ nâ chhi ta. Dôhpachhôh tlyhmia lâ angiana maw thokhy chhikao liata na soh ta. Hia patliasatuhpa, hiatliana khazoh nothlahpa dyuchhai cha, cha su liata a y.

THEIHTHAINA 19:4

Nothlahpa khazoh lâ a heih leipa u la, thua ta leihpa nothlahpa khazohzy a tao khuh vy. Kei he Abeipa nama Khazohpa ei châ.

THEIHTHAINA 26:1

“Khazoh nothlahpa namâ tao awpa châ leipa ta, nothlahpa tao chhyhpa tlyma, lôbô tlyma, nama bô awpa châ hra leipa ta, a naoh awpa ta nama râh liata nothlahpa hawhta taopa alô nama bô awpa châ vei, kei he Abeipa nama Khazohpa châ tlôh na ta.

MALUHREINA 12:8

Ano cha pakah ta bie a chho na ta, bie nyupa y leipa ta, a siapa ta bie ei chho tyh. Abeipa pizie chhao a hmô. Cha hawhta a châ tlôh khiahta cha, khazia nâ chakaotuhpa Mawsi reipachhiepa cha nama chi vei?” tah ta.

HMOTAOPAZY 17:29

“Khazohpa pathla eima châ tlôh khiahta cha, Khazohpa cha ngôh tlyma, tâkâ tlyma, alô tlyma, chyhsa patuapaluapa nata zôthaipa ta taopa nothlahpa hawhpa he khiah ma, tahpa ta eima pachâ awpa châ vei.

RAWMA 1:23

Chatanachata thi thei leipa Khazohpa rônahna cha, thi theipa chyhsazy, pavawzy, phei palihpa sazy nata alyhpasa nothlahpazy hawhta ama pachâsa haw.

RYHPACHANEINA 16:22

Abeipa nama Khazohpa ta â haopa alô chhao nama bô awpa châ vei.

RYHPACHANEINA 27:15

“Khaipa ta tlyma, leihpa ta tlyma khazoh nothlahpa tao ta, cha hawhta zôthaipa ku ta taopa, Abeipa châta pasichhihpa khazoh nothlahpa arulâta a vaopa cha chhiesapa ta y mawh sy,” tah aw ei ta, zawpi ta, “Amen” ama tah aw.

RYHPACHANEINA 5:8

“Na châta nothlahpa khazoh na tao awpa châ vei. Chô lâ avâ liata a ypa a lyupa tlyma, ry lâ alei liata a ypa a lyupa tlyma, alei ry lâta ti liata a ypa a lyupa tlyma, kheihawhpa nothlahpa khazoh hmah na châta na tao awpa châ vei.

BIEPHUAH 16:2

Vâlyuhchâpa pakhana cha sie ta, a biebuh cha alei liata patlai ta. Sahrâhpa ngiana a hneipa chyhsazy nata a nothlahpa a chhypazy chô liata hmahchhiepa nata pasana lâta a vaw lie ta.

BIEPHUAH 9:20

Khizaw chyhsa hropa, cha potlanazy ta a thie leipazy ta ama ku ta taopazy amâ chhypa tawhta ro khoh to veih ei. A hmô thei leipa, a thei thei leipa nata a sie thei leipa ngôh nothlahpa, tâkâ nothlahpa, dawh nothlahpa, alô nothlahpa nata tho nothlahpa achhyna nata ahripazy achhyna bâsai hlei veih ei.

RYUREITUHPAZY 17:3

Mikâ ta tâkâ tlaw 1,100 cha a nô pie pakhua ta, a nô ta, “He tâkâ he nothlahpa khaipa nata nothlahpa leihpa tao nawpa ta, keima ku tawh tlai ta ei sawchapawpa châta Abeipa lâ ei hlâ. Chavâta tahmâ ei cha pie pakhua ha aw,” tah ta.