PUASAINA 20:20 - Mara Bible RV (BSI)

²⁰ Mawsi ta zawpi hnohta, “Chi khuh vy. Cha pasia awpa ei ta Khazohpa â vy hih. Nama molei lei nawpa ta, Khazohpa china nâmo liata y mawh sy,” tah ta.

PUASAINA 20:20 ပူးပေါင်းရင်းမြစ်များ

ÂTHAONA 20:11

Abarahâ ta, “‘He su liata Khazohpa china rai y leipa ta, ei lapinô vâta eina thie aw ei’ tahpa ei pachâpa vâta a châ.

ÂTHAONA 22:1

Cha hmozy hnôhlâ ta Khazohpa ta Abarahâ cha pasia ta, a hnohta, “Abarahâ” tahpa ta aw ta. Abarahâ ta, “He liata ei y,” tah ta.

ÂTHAONA 22:12

Ano ta, “Hawtipa chô liata na ku pathla leipa la, kheihta hmah a chô liata tao khah y. Na sawchapawpa, na sawchapaw matlupa tlai chhao na pie awpa na thlyu leipa ei hmôpa ta, Khazohpa na chi tahpa tahmâ ei pahno haw,” tah ta.

NEHEMIAH 5:15

Kei hlâta a vaw y tuapa râhvaotuhpazy khata zawpi chô liata phaohri thata pavi ei ta, noh chareih ta ama nie awpa pati nata kresawhti hleikhô ta, tâkâ sekel sypalih ama pacheisa tyh. Ama chakaotuhpazy taihta zawpi chô liata amâ pabeisa ngaita. Kei deikua cha, Khazohpa ei chipa vâta, cha hawhta tao va na.

ZAWBÂ 28:28

Chatawhcha chyhsapa hnohta, ‘Pachâ teh, Khazohpa china he sona cha châ ta, Moleina a heihsaipa he pahnona cha a châ,’ a tah,” tah ta.

PUASAINA 14:13

Mawsi ta Izarei phopi hnohta, “Chi khah u, â ipa ta a duah u la, Abeipa pachhana tanoh a vaw tlô awpa mokhâh teh u. Tanoh ta Izi chyhsa nama hmôpazy he chhâzaw ta hmô heih khao aw veih ei chi.

BIESOZY 1:7

Abeipa china cha novâhna athaona châ ta, Ahrupazy ta sona nata pachuna ama mohnao tyh.

BIESOZY 16:6

Kyhpachâna nata ngâchhihna ta moleina chatlai ta, Abeipa chipa vâta chyhsa ta moleina a siesai tyh.

BIESOZY 3:7

Nâma pachâ ta a pasosa leipa la, Abeipa chi la, Moleina siesai mah y.

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 41:13

Kei, Abeipa na Khazohpa heta, Na ku chachâh lâ cha patu na ta; “Chi khah y, ei cha bao aw,” Châ tahtuhpa chhao, Keima tlai he ei châ.

ISAI 8:13

Pheisaihzy Abeipa deita cha, Pathaihpa ta rao aw ei chi ta; Ano deita cha nama chipa châ sala, Ano cha nama chihuhpa châ mawh sy.

RYHPACHANEINA 10:12

“Chavâta Hy Izarei, Abeipa nama Khazohpa ta a châ hnawpa ei cha khâpa hropa châ leipa ta, Abeipa nama Khazohpa cha chipa ta, a lâpi zydua a chhih ta, ano kyhpachâ ta, nama pathipalôh tlokhuh ta nata nama thlahpa tlokhuh ta Abeipa nama Khazohpa cha chakao ta,

RYHPACHANEINA 13:3

cha hrohsopa bie tlyma, mâ sapa ta chhochhielietuhpa bie tlyma cha nama nathlie awpa châ vei. Abeipa nama Khazohpa ta ano cha nama pathipalôh tlokhuh ta nata nama thlahpa tlokhuh ta kyh nama pachâ ma, pachâ vei ma, tahpa a pahno khohpa vâta a cha pasiapa ei a châ.

RYHPACHANEINA 4:10

Hôribâ liata Abeipa nama Khazohpa hmiakô liata namâ dua noh kha a thei thlâh ha teh u. Abeipa ta ei hnohta, ‘Zawpizy ei hmiakô liata awpakhy teh. Ei biezy ei pahnosa aw ei. Chatanachata alei chô liata ama hro chhôh zydua ta na chi awpa ta a chu aw ei ta, ama sawzy chhao ama pachu pachhuah thei aw,’ tah ta.

RYHPACHANEINA 6:2

Chatanachata Abeipa nama Khazohpa cha chipa ta, a bieraopa nata a biepiepa ei cha piepazy he nama hro chhôh zydua ta zyh aw ei chi ta, nama hro a pareih aw.

RYHPACHANEINA 6:24

Thlaochhipa ta khâ ypa ta, tanoh hawhna heta eima hrona miah a pahlôh lymâ thei nawpa ta, Abeipa eima Khazohpa cha chipa ta, he bieraopa zydua he tao awpa ta Abeipa ta bie miah a pie.

RYHPACHANEINA 8:16

Châ pathlatuhpazy ta ama pahno beih leipa mânâ ta cha pasa ei ta, a chhâna liata nama pha nawpa ta, cha panawh ei ta, a cha pasia ei.

RYHPACHANEINA 8:2

A biepiepazy nama zyh ma, zyh vei ma tahpa nama palôh pahno nawpa ta, cha panawh ta, cha pasia awpa ta, Abeipa nama Khazohpa ta kô sypalih dua râhchawhpa liata a châ chhipa ei namâ thei thlâh awpa a châ.

ZAWSUA 24:14

“‘Chavâta Abeipa cha chi u la, hmeiseihpa nata â do ngaitapa ta ano cha chakao muh vy. Châ pathlatuhpazy ta Chavah haosâ nata Izi râh liata ama chakao tyhpa khazohzy kha thy khai u la, Abeipa chakao muh vy.

1 SAMUELA 12:20

Samuela ta ama hnohta, “Chi khah u, he hmo pha lei ngaitapa he tao tlai ei chi ta, châhrasala Abeipa nama zipa cha tleisai leipa u la, nama pathipalôh tlokhuh ta Abeipa cha chakao muh vy.