PUASAINA 20:18 - Mara Bible RV (BSI)

¹⁸ Chyhsa zydua ta tôkalôhpa, dôhla, chiahmie pyu nata tlâh liata meikhuh zy cha ama hmô nahta, chipa ta a chalyu ei ta, lâhlapi liata a duah ei ta.

PUASAINA 20:18 ပူးပေါင်းရင်းမြစ်များ

ÂTHAONA 15:17

Noh tla ta a vaw zoh nahta, lômathu tawhta meikhuh nata meirei tawhta meipaleih ia ngâpa a vaw luah ta, sa patlawpazy likawh liata vaw sie pahlie ta.

ÂTHAONA 3:10

Ano ta, “Sadô liata na pyu thei na ta, thluahruapa ta ei ypa vâta chi na ta, ei nyu haw,” tah ta.

HLAZY 81:7

Nôpopa ta na aw chi ta, Ei cha pachha; Tôkalôhpa su nyupa liata châ chhy na ta, Meribâ tizy liata ei cha pasia. Selah

ZEREMIAH 23:23

“Lâhniata liata a ypa Khazohpa ngâlâh ma ei châ, lâhlapi liata a ypa Khazohpa chhao châ va na ma?” Abeipa ta a tah.

RYHPACHANEINA 18:16

Hôribâ liata ahmaohpakhy noh ta, nâmo tlai ta, ‘Abeipa eima Khazohpa ao cha keimo ta thei khao leipa aw pi ta, mei ru ngaitapa chhao he hmô khao leipa ta eima y aw, chataleipatala eima thi pathlei aw,’ tah ei chi ta, Abeipa nama Khazohpa lâta nama khozie namâ hawpa hawhna khata, keima hawhpa hrohsopa a cha paduapa aw ei.

RYHPACHANEINA 4:36

A cha pachu thei nawpa ei ta, avâ tawhta a ao cha patheisa ei ta, alei chô liata ano mei rônahpa cha pahmôsapa ta, mei hry tawhta a bie nama thei.

RYHPACHANEINA 5:23

“Mei ta tlâh a kâ hai nota, zohna hry tawhta ao nama theipa nahta, nama chi luhpa zydua nata nama machâ zydua nâ vaw hnia ei chi ta,

RYHPACHANEINA 5:25

Chavâta khazia eima thi aw? Abeipa eima Khazohpa ao eima thei heih khiahta deikua cha, he mei chahra ngaitapa heta miah kâsao aw ta eima thi aw.

RYHPACHANEINA 5:27

Chavâta nâ ta a kei hnia la, Abeipa eima Khazohpa ta a rei awpa zydua nathlie mah y. Chatanachata Abeipa eima Khazohpa ta na hnohta a reipa zydua miah chho aw chi ta, nathlie aw pi ta, eima tao aw,’ nama tah.

RYHPACHANEINA 5:5

Cha nota, nâmo cha mei vâta chi ei chi ta, tlâh lâ namâ khy ngâh leipa vâta, Abeipa nata nâmo likawh liata a duah na ta, nama hnohta Abeipa bie ei phuahpa kha a châ. Abeipa ta hetana heta a tah.