PUASAINA 20:17 - Mara Bible RV (BSI)

¹⁷ “Na vaih o na uahva awpa châ vei. Na vaih lapinô na uahva awpa châ leipa ta, a seichapaw tlyma, a seichanô tlyma, a viahchao tôhpa tlyma, a alâ tlyma, na vaih hmo kheihawhpa rai na uahva awpa châ vei,” tah ta.

PUASAINA 20:17 ပူးပေါင်းရင်းမြစ်များ

ÂTHAONA 14:23

chavâta nâma eih cha lari sâkhata dâhdei chhao, pheiky ri sâkhata dâhdei chhao la aw va na. Chataleipatala ‘Abarâ cha keima ta ei pahneirôhsapa ma a châ,’ na tah pathlei aw.

ÂTHAONA 3:6

Chanô ta tho theipa cha moh ta, nie awpa châta phapa nata mo la ngaitapa a châpa ta hmô ta, sona hnei thei nawpa tho thei hiatlia chhihpa a châzie a pahno nahta, a thei cha lyu ta, nie ta, a hnohta a ypa a vahpa chhao pie ta, ano chhao nie hra ta.

ÂTHAONA 34:23

Ama sahrohzy, ama sôhzy nata ama sa zydua keimo eih ama vaw châ khai nawpa mah a châ tâh. Chavâta amâ hnawpa hawhta paryhsa sih la, chatanachata eima hnohta ama pahrâ aw,” tah ei ta.

ZAWBÂ 31:1

“Ei mo châta biehrai tao ha na ta, Kheihta ma laihsa kôpa cha ei moh thei aw?

ZAWBÂ 31:9

“Ei palôh he chanô liata reipasaopa ta ypa ta, Ei opa ochhi liata â byhpa ei châ khiahta cha,

HLAZY 10:3

Moleipa cha a palôh khopa a palaikhei ta, Athôhna khohlei khohpa chyhsa ta Abeipa cha chhiesapa ta â heihsai tyh.

HLAZY 119:36

Ei palôh he keimasasyh athôhna lâta paheisa leipa la, Na biepiepazy lâta tlao paheisa mah y.

BIESOZY 4:23

Na palôh pakhâta ta vaih mah y, Hrona tihnawh vaw puana châ tlôh ta.

BIESOZY 6:29

A vaih lapinô lâ a ngiapa chhao, cha hawhta y hra aw ta, Cha chanô a hriapa maih cha hrie leipa ta pua aw veih ei.

BIECHHOTUHPA 4:8

Chyhsa matlupa pakha y ta, sawchapaw tlyma, unawh tlyma hnei leipa ta, ano dei ta a o liata pahrâ ta. Châhrasala a hriapasana chhâ thai khao leipa ta, hneirôna liata a mo lôhrâtlô beih leipa ta, “Ahy châta ma he tlupo ta hriapasa na ta, hro pahâh leina taihta ei hria tly?” tahpa ta anosasyh ta a hiahri beih hra vei. Cha chhao cha hraoleipa deita châ ta, thapawh a chhih leipa raihria a châ.

ISAI 33:15

Siana ta chareipa ta bie dopa a reihpa, Avyuhna taopa ta athôhna hmôpa a dythapa, Panaopapana la lei awpa ta a ku a phaihpa, Thisaih palona bie a thei lei nawpa ta a nah a chahupa, Moleina lâ mo lei awpa ta a mo a pasopa,

ISAI 57:17

 do leipa ta athôhna a hmôpa vâta, Hiehâhpa ta tu na ta; Hiehâhpa ta ei hmia ei nyusai ha aw. Chatanachôta ano palôh khopa lâ sie ta, Chhorupa ta a y lymâ.

ZEREMIAH 22:17

Châhrasala nâ cha athôhna doleipa châ deita ta Mokhaoh nata palôh hnei chi ta; Thaileina a hnei leipa thisaih palo ta, Tlybaina nata thachahra hmâna châ deita ta Mokhaoh nata palôh na hnei.”

ZEREMIAH 5:8

Arâ tôhpa sa phapa, a paw a khohpa lyu ei ta, Chyhsa to ama vaih lapinô hiatliapa ta ama sâh tyh.

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.

MIKÂ 2:2

Lyuzy uahvapa ta chhu ei ta, Ozy chhao uahvapa ta amâ la tyh; Chyhsa o chhu ei ta, Chyhsa ryu ama chhu tyh.

HABAKU 2:9

“Chhiena ku thatlôna tawhta a boh awpa ta, Su sâhpa liata a bu a tu thei nawpa ta, A chhôhkha châta athôhna doleipa a tluapa cha, A hu a po na!

MATHAI 20:15

Kei eih châ ta, kei eih cha ei khozie hawhta tao thei va na ma? Ei riaphapa ma na hiatlia kaw?’ tah ta.

MATHAI 5:28

Châhrasala ei cha chho ei, ahy rai aohraohpa ta chanô a mohpa cha, a palôh ta chanô liata â phei haw.

LUKA 12:15

Ama hnohta, “A chado u la, uahvana kheihawhpa lia rai ta a vaih teh u. Sôh hluhpi hneipa he chyhsapa hrona chhâpa châ vei,” tah ta.

LUKA 16:14

Cha biezy cha tâkâ a tlaichhai kawpa Phârisaihzy ta ama thei nahta, pahneisao ei ta.

HMOTAOPAZY 20:33

Ahy tâkâ, ngôh nata chysia hmah uahva beih va na.

HMOTAOPAZY 5:4

Râh cha a y chhôh zydua kha nâma eih châ vei mâ? Na zuah tawh chhao ta nâma rei sai châ pyly vei ma? Khazia he hawhpa hmo tao khohna palôh na hnei tly? Chyhsapa a dôveipa châ va chi, Khazohpa a dôveipa na châ,” tah ta.

RAWMA 13:9

“Nâ phei awpa châ vei; Liany na cheih awpa châ vei; Na paru awpa châ vei; Na uahva awpa châ vei,” tahpa biepiepazy nata biepiepa hropazy chhao, “Nâma kyh nâ pachâpa hawhta na vaih kyh na pachâ awpa a châ,” tahpa heta a syhpahmaoh khai.

RAWMA 7:7

Khâpa eima reih khao aw? Ryhpa cha moleina ma? Châ bao va! Ryhpa y leipa sala, moleina ei pahno lei awpa tlai. Ryhpa ta, “Na uahva awpa châ vei,” tah leipa sala, uahvana cha khâpa ma a châ tahpa pahno aw va na.

1 KAWRINI 6:10

aparupazy, khohleikhopazy, sahma paripazy, chyhsa a reipachhie thaipazy nata avyuhna a taopazy cha Khazohpa khinarâh to aw veih ei.

EPHESI 5:3

Mopathaihpazy nama châ tawhta cha, apatlana, puana zydua nata uahvana zy nama hry liata a rei chhao reipa châ khah sy.

EPHESI 5:5

He he a siapa ta pahno teh u: Apatlana moleina a taopa tlyma, chyhsa puapa tlyma, uahvana a hneipa tlyma, cha hawhpa chyhsazy chata Krista nata Khazohpa khinarâh liata ryu to hnei aw veih ei. Uahvana a hneipa cha nothlahpa achhypa a châ.

RYHPACHANEINA 5:21

“Na vaih lapinô na uahva awpa châ vei. Na vaih o na uahva awpa châ leipa ta, a lyu tlyma, a seichapaw tlyma, a seichanô tlyma, a viahchao tôhpa tlyma, a alâ tlyma, na vaih hmo kheihawhpa rai na uahva awpa châ vei.

RYHPACHANEINA 7:25

Ama khazoh nothlahpazy mei ta rao aw ei chi ta, cha liata a ypa tâkâ tlyma, ngôh tlyma, nama uahva awpa châ leipa ta, nama châta namâ la awpa châ hra vei. Chataleipatala khazoh nothlahpazy liata namâ ao pathlei aw, khazoh nothlahpa cha Abeipa nama Khazohpa châta pasichhihpa châ tlôh ta.

PHILIPI 3:19

Cha sahlao chhâna cha leidiana châ ta, ama khazoh cha ama py châ ta, ama rônahna cha ama maophyuhna a châ. Khizaw hmozy liata palôh a sohpa ama châ.

KAOLAOSÂ 3:5

Chavâta khizaw hro nâmo liata a ypa, apatlana, puana, parâna, molei khona nata uahvana zy cha thie teh u. Uahvana cha nothlahpa achhyna a châ.

HEBRAI 13:5

Nama hro cha tâkâ sôh tlaichhaina a hlao leipa châ sala, nama hneipa rakha liata palôhtlâh a pao muh vy. Abeipa ta, “Cha pathlua beih leipa aw ei na ta, cha siesai beih aw veih ei na,” a tah.

ZAWSUA 7:21

Hraona sôhzy hry liata Sinâ poh pha ngaitapa nata tâkâ sekel za no nata ngôh tlo sekel sypangawh a hripa hmô na ta, ei hia na tlia ngaita ta, ei vaw la haw. Ei poh o chhôh liata alei ry liata nyu na ta, a ry chai liata tâkâ a y,” tah ta.

1 SAMUELA 12:3

Tahmâ nama hmiakô liata ei duah hih. Eina reipasipasua nawpa ei chi nama hneipazy cha, Abeipa hmiakô liata nata a sathawthupa hmiakô liana heta reih teh u. Ahy viahchao tôhpa ma ei chhu? Ahy alâ ma ei chhu? Ahy ma ei dôvei? Ahy ma ei tlybai? Ahy ku tawhta ma panaopapana ei la? Cha panaopapana chata a mo a pachaopa ei châ ma? Reih teh u, ei cha thô khai aw ei,” tah ta.

1 SAMUELA 15:19

Khazia Abeipa ao na nathlie vei? Khazia hraona sôh a zawhnao chi ta, Abeipa mohmô liata hmo pha leipa na tao?” tah ta.