PUASAINA 20:14 - Mara Bible RV (BSI)

¹⁴ Nâ phei awpa châ vei.

PUASAINA 20:14 ပူးပေါင်းရင်းမြစ်များ

ÂTHAONA 39:9

he o liata keima hlâta a lai viapa ahy hmah y veih ei. A lapinô na châpa vâta, nâma dei leipa ta cha, ei châta a pasai leipa khâpa hmah y vei. Chavâta kheihta ma, he moleina lai ngaitapa he taopa ta Khazohpa chô liata hmo ei parao thei aw?” tah ta.

2 SAMUELA 11:27

Mâchhiesana daihti a chhâ nahta, Dâvi ta chyhsa tuah ta, Bâsebâ cha a o lâ a chhi ta, a lapinô vaw châ ha ta. Dâvi châta sawchapaw sapa ta, châhrasala Dâvi hmotaopa ta Abeipa cha palysa leipa ta.

THEIHTHAINA 18:20

“Na vaih lapinô a ziakheipa ta, ano vâta nâ papuapalei awpa châ vei.

THEIHTHAINA 20:10

“Ahy rai chyhsa lapinô liata tlyma, a vaih lapinô liata tlyma â phei khiahta cha, apheipaw nata apheinô cha ama pano ta thie thlyu awpa a châ.

MALAKHAI 2:15

Sapa nata thlahpa liata pôhkha châpa ta ano eih ama châ thei nawpa ta, Khazohpa ta pôhkha ta a taopa châ veih ei ma? Khazia pôhkha ta a tao ei? Khazohpa ta ano khozie hawhta a ypa chipathla a tluapa vâta, pôhkha ta a taopa ei a châ. Chavâta nama thlahpa hro a phapa ta vaih u la, ahy rai a thyutlia no lapinô châta a ngâchhihna pahlei beih khah sy.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

MALUHREINA 5:12

“Izarei sawzy chho la ama hnohta hetana heta reih teh: Chyhsa lapinô ta lâpi doleipa lâ tleipa ta, a vahpa châta ngâchhih leipa sala;

MATHAI 19:18

Ano ta a hnohta, “Kheihawhpa biepiepazy maw?” tah ta. Zisu ta, “Liany na cheih awpa châ vei, Nâ phei awpa châ vei, Na paru awpa châ vei, Haipa ta chyhsa na leih awpa châ vei,

RAWMA 13:9

“Nâ phei awpa châ vei; Liany na cheih awpa châ vei; Na paru awpa châ vei; Na uahva awpa châ vei,” tahpa biepiepazy nata biepiepa hropazy chhao, “Nâma kyh nâ pachâpa hawhta na vaih kyh na pachâ awpa a châ,” tahpa heta a syhpahmaoh khai.

RYHPACHANEINA 5:18

“Nâ phei awpa châ vei.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.

ZÂMIE 2:11

“Aphei kha,” a tahtuhpa cha, “Liany cheih kha,” a tahtuhpa a châ hra. Chavâta nâ phei leipa chhao ta, liany a cheihpa na châ khiahta cha, ryhpa a paraotuhpa na châ.

ZÂMIE 4:4

Nâmo, apheipa saih u, khizaw viasa châpa he Khazohpa nata akhakhaina a châ tahpa pahno veih ei chi ma? Chavâta ahy rai khizaw viasa châ a khohpa maih, Khazohpa khakhaipa ta â tao tyh.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.