PUASAINA 20:11 - Mara Bible RV (BSI)

¹¹ Noh charu chhôh ta Abeipa ta avâ nata alei, tilaipi nata a chhôh liata a ypa zydua tao ta, noh sarina noh cha â pahâpa vâta, Abeipa ta Pahânoh cha byhnâ pie ta a pathaisa.

PUASAINA 20:11 ပူးပေါင်းရင်းမြစ်များ

ÂTHAONA 1:28

Khazohpa ta âmo cha byhnâ awpa ta, ama hnohta, “Chi hluhpi pathlapa ta pôh u la, alei he biepa ta, nama rei sai ta paysa u la, tilaipi ngazy chô liata nata avâ pavawzy chô liata nata alei chô liata a pie thaipa hmohrohneipa to chô liata biehnei muh vy,” tah ta.

ÂTHAONA 1:31

Khazohpa ta a hmotaopa zydua cha moh ta, a pha tah ngaita ta. Chatanachata zâlâ y ta, my y ta, cha cha a noh charuna a châ.

PUASAINA 31:17

Noh charu chhôh Abeipa ta avâ nata alei tao ta, a noh sarina noh cha a pahâpa ta a hu â pahnopa vâta, Pahânoh cha kei nata Izarei sawzy azaona ngiana a châ zôzaw aw,’ tah mah y,” tah ta.

PUASAINA 8:22

Ei phopi pahrâna Kôse râh deikua cha, cha noh liata panano aw na ta, cha liata mathyupa rai y aw vei. Chatanachata kei he alei chô liata a ypa Abeipa ei châ tahpa na pahno aw.

PUASAINA 9:29

Mawsi ta a hnohta, “Khih tawhta ei puapata nahta, Abeipa lâ ei ku ei pazawh aw. Tôkalôhpa a chalih aw ta, pareih chhao tla khao aw vei. Chatanachata leilô he Abeipa eih a châ tahpa na pahno aw.

ISAI 42:10

Nâmo, tilaipi lâ zu ei chi ta, Cha liata a ypa zydua saih u, Nâmo, tilaipi kiah râhzy nata a chyhsazy saih u, Abeipa lâ hla thiehpa sa u la, A reithaina hla alei chhâna tawhta sa teh u.

ISAI 48:13

Ei ku ta leilô abôna lôbô bô ta, Ei ku chachâh lâta avâzy khi parai ta, Ei awpa nah ei ta thlai amâ duah tyh.

HMOTAOPAZY 14:15

“Pupa saih u, he hmozy he khazia nama tao? Keimo he nâmo nôchâ hawhpa a phaohpa chyhsapa eima châ hra. He hmo khâpa hraoleipazy he a heihsaipa ta, avâ nata alei nata tilaipi nata a chhôh liata a ypa zydua a taotuhpa Khazoh hrohpa lâ a heih awpa ta, nama hnohta thâtihpha eima vaw tlôkhei.

HMOTAOPAZY 20:7

Hâta noh hmiatua chaipa liata, viahchhâ eichheih awpa ta eima y pakhy nota, Pawla cha a mylâ sie â chhuahpa vâta, zâcho taihta ama hnohta bie reih ta.

HMOTAOPAZY 4:24

Cha bie cha ama thei nahta, ama zydua ta â raohpa ta ao paro ngaitapa ta Khazohpa lâ thlahchhâ ei ta, “Hy Beichaipa, nâ cha lei nata vâ nata a chhôh liata a ypa zydua taotuhpa na châ.

RYHPACHANEINA 5:15

Nâ chhao Izi râh liata sei châ chi ta, cha tawhtapa cha Abeipa na Khazohpa ta ku thatlôpa nata bâh pazawhpa ta a châ chhi papua tahpa a thei thlâh ha mah y. Chavâta Abeipa na Khazohpa ta Pahânoh chay awpa ta bie a cha pie.

HEBRAI 4:4

Khataih su liata tlyma, noh sarina noh kyh liata, “Noh sarina noh liata Khazohpa ta a raihria zydua tawhta â pahâ,” tah ta.

BIEPHUAH 10:6

chhâzaw nata tlyzaw ta a hroh thlâhpa, avâ nata a chhôh liata a ypazy, alei nata a chhôh liata a ypazy, tilaipi nata a chhôh liata a ypazy a paysatuhpa moh reipa ta bie a taih ta, “Bohpi châ khao aw vei.