PUASAINA 2:24 - Mara Bible RV (BSI)

²⁴ Khazohpa ta amâ hrôpa pyu cha thei ta, Abarahâ, Aisika nata Zakaw zy hnohta a biehrai kha Khazohpa ta a thei thlâh ha ta.

PUASAINA 2:24 ပူးပေါင်းရင်းမြစ်များ

ÂTHAONA 15:13

Abeipa ta Abarâ hnohta, “Na pathlazy cha maniah râh liata khichhai ta y aw ei ta, kô 400 chhôh riethei taopa ta sei ta ama y aw tahpa a siapa ta pahno mah y.

ÂTHAONA 16:11

Abeipa vâlyuhchâpa ta a hnohta, “Pachâ teh, saw phaoh chi ta, Sawchapaw na sa aw; Abeipa ta na pasataona a pahnopa vâta, A moh Ismela na bi aw.

ÂTHAONA 17:7

Na Khazohpa châ awpa ta keima nata nâma likah liata ei biehrai cha chhâzaw biehrai châta ei pa-i aw. Na hnôhlâ ta chhâ a vaw y awpa na pathlazy Khazohpa châ lymâ awpa ta, kei nata na hnôhlâ ta na pathlazy likah liata chhâzaw biehrai a châ hra aw.

ÂTHAONA 18:18

Abarahâ cha phopi rônahpa nata thatlôpa vaw châ tlai aw ta, ano liata khizaw phopi zydua byhnâ topa ta ama y aw.

ÂTHAONA 22:16

“Kha hmo kha na taopa vâta, keima tlai ta bie ei châ taih. Na sawchapawpa, na sawchapaw matlupa tlai chhao pie awpa ta na thlyu leipa vâta,

ÂTHAONA 26:2

Abeipa a hnohta a vaw luah ta, “Izi râh lâ zu leipa la, râh ei cha chho awpa liata y mah y.

ÂTHAONA 26:24

Cha zâ ta a hnohta Abeipa a vaw luah ta, “Kei he na paw Abarahâ Khazohpa ei châ. Chi khah y, ei cha ypâ lymâ aw. Byhnâ cha pie aw na ta, nâ chakaotuhpa Abarahâ zawhzi ta na pathlazy ei papôh aw,” tah ta.

ÂTHAONA 26:3

He râh liata y chy la, na hnohta y aw na ta, byhnâ ei cha pie aw. He râh zydua he nâma nata na pathlazy ei cha pie aw ei. Na paw Abarahâ hnohta bie ei taihpa kha ei pa-i aw.

ÂTHAONA 32:28

Chyhsa chata, “Na moh Zakaw cha tah khao aw veih ei, Izarei na châ ha aw, Khazohpa nata chyhsapa a pia chi ta, na pahnie hapa vâta,” tah ta.

ÂTHAONA 35:11

Chatawhcha Khazohpa ta Zakaw hnohta, “Kei he Khazohpa Atotaotheipa châ na ta, Chi hluhpi pathlapa ta pôh mah y. Phopi nata phopi a pazaopakhypazy Nâma tawhta vaw pua aw ei ta, Na chhôh tawhta beizy ama pua aw.

ÂTHAONA 35:12

Abarahâ nata Aisika hnohta râh ei piepa kha, Nâ cha pie na ta; Na pathla a vaw y lymâ awpazy hnohta chhao, Râh cha ei pie aw ei,” tah ta.

ÂTHAONA 8:1

Châhrasala Khazohpa ta Nôah nata balyh liata a hnohta a ypa hmohrohneipa to nata sahroh zydua cha a thei thlâh ha ta. Chatanachata Khazohpa ta alei chô liata thlih pathlisa ta, tizy cha a sy pathao ei ta.

2 ABEIZY 13:23

Châhrasala Abeipa ta Abarahâ, Aisika nata Zakaw zy chô liata a biehrai vâta, Izarei sawzy cha ngiachhie ta, a thapasa kaw tyh ta. Chavâta âmo lâ a heih heih tyh ta, Izarei sawzy cha pahleipadia khoh leipa ta, tahmâ taihta a mohmô tawhta âmo cha thy pathlah khoh vei.

HLAZY 102:2

Ei nôpona noh liata na hmia na nyusai leipa la, Kei lâ na nah vaw pachôh la; Ei cha pado noh liata thlai nâ chhy mah y!

HLAZY 102:20

Atâhpazy ahrôna theipa ta, Thi awpa ta raopazy pathlie awpa ta.

HLAZY 105:42

A chakaotuhpa Abarahâ hnohta a bietai pathaihpa kha, Khâ a thei thlâh ha ta.

HLAZY 106:45

Ama hnohta a biehrai a thei heih tyh ta, A kyhpachâna tleih beih leipa rônah ngaitapa vâta, A palôh a panano heih tyh.

HLAZY 138:3

Ei cha pado noh ta, Nâ chhy chi ta, Ei hro tha na patlô tyh.

HLAZY 22:24

Ano cha pasa a taopa pasataona mohnao leipa ta, Pasi hra vei; A hmia nyusai leipa ta, A aw tita a nathlie tyh.

HLAZY 22:5

Cha aw ei ta, pachhapa ta y ei ta, Cha ngâ ei ta, ama hnabeidy vei.

HLAZY 79:11

Atâhpazy ahrôna na hmiakô liata vaw tlô sala, Na hmotaotheina rônahzie lymâ hawhta, Thi awpa ta raopazy cha pahlôh mah y!

PUASAINA 6:5

Cha dei châ vei, Izi mo ta sei ta ama hraipa Izarei sawzy a hrôpa thei na ta, ei biehrai ei thei thlâh haw.

MALUHREINA 20:16

Abeipa pado pi ta, ano ta eima ao thei ta, vâlyuhchâpa vaw tuah ta, Izi râh tawhta miah â chhi papua haw. Tahmâ he na râh kiah liata Kâdesâ khihpi liata eima y.

HMOTAOPAZY 7:34

Izi râh liata ei phopi a ypazy rietheizie hmô na ta, amâ hrôna chhao ei thei haw. Chavâta âmo pachha awpa ta ei zu. A vy teh, Izi râh lâ ei cha tuah aw,’ tah ta.

RYUREITUHPAZY 2:18

Abeipa ta ama châta ryureituhpazy a paduana daihti maihta, Abeipa cha ryureituhpa hnohta y ta, ryureituhpa hro chhôh zydua cha, Abeipa ta ama chariahzy ku tawhta a pachha lymâ tyh ei. Ama chariahzy ta tlybai ei ta, rie ama patheipa vâta, amâ hrôna ao ta Abeipa cha ngiachhiena a pahneisa heih tyh.

1 SAMUELA 9:16

“Mylâ, he daihti liana heta, Benzami râh tawhta nâ lâta chyhsa pakha vaw pasiesa aw na ta, ei phopi Izarei chô liata ryureituhpa châta sathaw na thu aw. Ano ta ei phopi cha Philistinâ mo ku tawhta a pachha aw. Ei phopi chapa pyu ta ei kô kaw daih ta, ei phopi pasataona ei hmô haw,” tahpa ta vaw pahnosa chhielie ha ta.