PUASAINA 2:23 - Mara Bible RV (BSI)

²³ Daihti vâropi a châ tawhta, Izi bei cha thi ha ta. Izarei sawzy cha ama seichâna vâta a hrô ei ta, baotuhpa aw ei ta. Ama seichâna tawhta pachha awpa ta ama awna ao cha Khazohpa kô kaw tlô ta.

PUASAINA 2:23 ပူးပေါင်းရင်းမြစ်များ

ÂTHAONA 16:11

Abeipa vâlyuhchâpa ta a hnohta, “Pachâ teh, saw phaoh chi ta, Sawchapaw na sa aw; Abeipa ta na pasataona a pahnopa vâta, A moh Ismela na bi aw.

ÂTHAONA 4:10

Abeipa ta a hnohta, “Khâpa hmo ma na tao haw? Na unawhpa thisaih ta chhaohlei tawhta eina kaw aw.

NEHEMIAH 9:9

“Miah pathlatuhpazy Izi râh liata ama rietheizie hmô chi ta, Tilaipi Saihpa liata ama chana ao na thei.

ZAWBÂ 35:9

“Tlybaina hluhpizy vâta zawpizy awh ei ta, Hmotaotheipazy bâh vâta baona ama hiah.

HLAZY 102:1

Hy Abeipa, ei thlahchhâna he thei la, Ei awna ao nâ lâ vaw tlô mawh sy!

HLAZY 102:2

Ei nôpona noh liata na hmia na nyusai leipa la, Kei lâ na nah vaw pachôh la; Ei cha pado noh liata thlai nâ chhy mah y!

HLAZY 12:5

“Dyhchhiepazy hraopa châ ei ta, Phahlapazy amâ hrôpa vâta, Tahmâ thyu aw na ta, Âmo a teituhpazy tawhta ei pabohsa aw ei,” Abeipa ta a tah.

HLAZY 18:6

Nôpopa ta Abeipa cha pado na ta, Na bao awpa ta ei Khazohpa ei aw. Achhyna o tawhta ei ao thei ta, Ei awna ao a nah liata â ngia.

PUASAINA 1:14

Raihria ru ngaitapa, alô khaipa nata alei raopa raizy nata lyu liata rai to pahriasapa ta ama hro rie thata pathei ei ta, ama raihria zydua liata riethei ngaitapa ta ama pahriasa lymâ.

PUASAINA 4:19

Mawsi cha Midia râh liata a y thlâh ha nota, Abeipa ta a hnohta, “Sie la, Izi râh lâ kua mah y. Thie châ chhuahpazy kha ama thi khai haw,” tah ta.

PUASAINA 6:5

Cha dei châ vei, Izi mo ta sei ta ama hraipa Izarei sawzy a hrôpa thei na ta, ei biehrai ei thei thlâh haw.

PUASAINA 6:9

Mawsi ta Izarei sawzy hnohta cha hawhna chata reih ta, châhrasala ama palôh a chhâ kawpa vâ nata ama seichâna ru ngaitapa zy vâta Mawsi bie cha thei thai khao veih ei.

PUASAINA 7:7

Phiraoh hnohta bie ama rei nota, Mawsi cha kô sychariepa châ ta, Arawna cha kô sycharie nata kô thôhpa a châ.

ISAI 19:20

Cha cha Izi râh liata Pheisaihzy Abeipa pahnona nata atheithlâhna châta a châ aw. Chatanachata Izi mo ta tlybaituhpazy vâta Abeipa ama awsao tita, Abeipa ta pachhatuhpa nata pabohsatuhpa vaw tuah aw ta, âmo cha a pachha aw ei.

ISAI 5:7

Pheisaihzy Abeipa kre sadô cha, Izarei pathlazy he châ ta; Zudâh chyhsazy he, A chichei khochhihpazy cha ama châ. Adona mokhâh ta, Châhrasala moh teh u, thisaih palona tlao a hmô. Siana mokhâh ta, Châhrasala moh teh u, chana pyu tlao a thei.

MALUHREINA 20:16

Abeipa pado pi ta, ano ta eima ao thei ta, vâlyuhchâpa vaw tuah ta, Izi râh tawhta miah â chhi papua haw. Tahmâ he na râh kiah liata Kâdesâ khihpi liata eima y.

HMOTAOPAZY 7:30

“Kô sypalih a châ tawhta, Sinai Tlâh râhchawhpa thobuh liata, meipaleih hry liata vâlyuhchâpa a hnohta a vaw luah ta.

RYHPACHANEINA 24:15

Dyhchhiepa châ ei ta, ama noh hlao cha amâ ngâchhâ chhôhpa a châpa vâta, ama hria noh lia tlai ta, noh tla hlâta ama hria hlao nama pie lymâ awpa a châ. Chataleipatala nama chô liata ama palôh tlâh leina Abeipa lâ tlôkhei aw ei ta, moleina vâta thailei nama châ pathlei aw.

ZÂMIE 5:4

Nathlie tua u, nama lyu rai a hriapazy hlao â doleipa ta nama patâhpazy khata nâmo leihpa ta awh ei ta, hriatuhpazy chana pyu cha, Pheisaihzy Abeipa nakhaoh liata â ngia haw.

RYUREITUHPAZY 4:3

Zabi cha thua talailih 900 hnei ta, Izarei sawzy cha kô kih tlai tlybaipa ta ama rie thata a pathei. Chavâta Izarei sawzy ta Abeipa pado ei ta.

1 SAMUELA 12:8

Izi râh liata Zakaw â ngia hnôh lâna khata, châ pathlatuhpazy ta Abeipa awsao ei ta, Abeipa ta Mawsi nata Arawna tuah ta, âmo ta châ pathlatuhpazy cha Izi râh tawhta a chhi papua ei ta, he su liata ama vaw pahrâsa.

1 SAMUELA 9:16

“Mylâ, he daihti liana heta, Benzami râh tawhta nâ lâta chyhsa pakha vaw pasiesa aw na ta, ei phopi Izarei chô liata ryureituhpa châta sathaw na thu aw. Ano ta ei phopi cha Philistinâ mo ku tawhta a pachha aw. Ei phopi chapa pyu ta ei kô kaw daih ta, ei phopi pasataona ei hmô haw,” tahpa ta vaw pahnosa chhielie ha ta.