PUASAINA 2:22 - Mara Bible RV (BSI)

²² Zipôrâ cha sawchapaw sa ta, Mawsi ta, “Râh hropa liata mapaihpa ta ei y” tah ta, a moh Kesao a bi.

PUASAINA 2:22 ပူးပေါင်းရင်းမြစ်များ

ÂTHAONA 23:4

“Kei he nama hry liata khichhaipa nata chihropa châ na ta, ei lapinô ri he hmô khao lei awpa ta ei pabu thei nawpa ta, râh na pie teh u,” tah ta.

1 THÂTIHZYRONA 16:20

Phopi miakha tawhta miakha lâta viavi ei chi ta, Khinarâh miakha tawhta miakha lâ nama viavi laih.

1 THÂTIHZYRONA 29:15

Miah pathlatuhpazy hawhna khata, keimo cha na hmiakô liata khichhaipa nata khitlyhpa hawh dei châ pi ta, alei liata eima hro nohzy he nohpahlipa hawh dei châ ta, hnabeiseih awpa rai y vei.

HLAZY 119:19

Alei liana he khitlyhpa deita châ na ta, Na biepiepazy na nyu khâh khah y!

HLAZY 39:12

“Hy Abeipa, ei thlahchhâna theipa ta, Ei awhna lâ he nah vaw pachôh la, Ei mothlihzy he a chalihsai khah y! Na hnohta khitlyhpa châ na ta, Nâ pathlatuhpazy hawhna khata, Khichhaipa dei ei châ hih.

PUASAINA 2:10

Hawtipa cha a kaw lai nahta, Phiraoh sawchanô lâ kei pie ta, a sawchapaw ta â la haw. Phiraoh sawchanô ta, “Ti tawhta ei thaopa a châpa vâta,” tah ta, a moh Mawsi a bi.

PUASAINA 22:21

“Chihropa chô liata adoleipa ta na tao awpa châ leipa ta, ano cha na tlybai awpa châ hra vei. Nâmo chhao Izi râh liata chihropa nama châ hrapa kha.

PUASAINA 4:20

Chatanachata Mawsi cha a lapinô nata a sawchapawzy a chhi ta, âmo cha alâ chô liata pakiasa ta, Khazohpa chôchahrei a chabapa ta, Izi râh lâ cha kua ta.

THEIHTHAINA 25:23

“Râh cha nama zuah pathlah awpa châ vei. Râh cha kei eih châ ta, nâmo cha khichhaipa nata khitlyhpa, ei râh liata a pahrâ chypa dei nama châ.

HMOTAOPAZY 7:29

Cha bie vâna chata Mawsi cha a râ ta, Midia râh liata mapaihpa ta y ta, cha liata sawchapaw pano sa ta.

RYUREITUHPAZY 18:30

Dânâ pathlazy ta nothlahpa khaipa cha âmo châta patyu ei ta, Mawsi sawchapawpa Kesao sawchapawpa Zawnathâ nata a sawchapawzy cha, Dânâ pathlazy theihthaipazy châ lymâ ei ta, râh cha sei ta â tâh hlâ zydua cha theihthaipa ama châ lymâ.

1 SAMUELA 1:20

Hânâ cha saw phaoh ta, a daihti a vaw tlô nahta, sawchapaw sa ta, “Abeipa ei hiapa a châ hih,” tah ta, a moh Samuela bi ta.