PUASAINA 2:16 - Mara Bible RV (BSI)

¹⁶ Midia râh theihthaipa cha sawchanô pasari hnei ta, ti vaw thaih ei ta, ama paw mietaku zaw padosa awpa ta ti châkizy pabie ei ta.

PUASAINA 2:16 ပူးပေါင်းရင်းမြစ်များ

ÂTHAONA 14:18

Sale bei Melkizade ta viahchhâ nata kresawhti vaw cheih ta. Ano cha Khazohpa Chônôchaipa theihthaipa a châ.

ÂTHAONA 24:11

Zâlâ chanô ti thai daihti liata, khihpi khôtho tikhaoh kiah liata a râraoseihpazy cha pabyusa ta.

ÂTHAONA 24:13

Moh teh, tikhaoh kiah liata a duah na ta, khihpi chyhsa sawchanôzy ti thai awpa ta amâ vy.

ÂTHAONA 29:2

Mohmia pasaih ta, lyurâhpa liata tikhaoh vaw y ta, a kiapâh liata mietaku zaw hri thôh a byu thlâh ha ei ta. Cha tikhaoh ti cha mietaku zawzy ti ama padosa tyhpa a châ. Tikhaoh paka ama pamaina alô cha lai ngaita ta.

ÂTHAONA 41:45

Phiraoh ta Zawsi cha a moh Zaphenâpania bi ta, Ôni khih theihthaipa Pawtipherâ sawchanônô Asenâ cha a lapinô ta pahneisa ta. Zawsi cha Izi râh chahryh ta.

PUASAINA 18:1

Khazohpa ta a phopi Izarei sawzy nata Mawsi chô liata a hmotaopa zydua nata Abeipa ta Izarei sawzy Izi râh tawhta â kaw chhi papuazie zy cha, Midia theihthaipa, Mawsi puhpa Zetharô ta vaw thei ta.

PUASAINA 18:12

Mawsi puhpa Zetharô cha raopa hlâna nata Khazohpa lâta atheihnazy vaw cheih ta, Mawsi puhpa hnohta Khazohpa hmiakô liata viahchhâ nie awpa ta, Arawna nata Izarei machâ zydua a vy ei ta.

PUASAINA 3:1

Mawsi cha a puhpa Zetharô, Midia râh theihthaipa mietaku zaw vaih ta, mietaku zaw cha râhchawhpa notla lâ chhâ ta haoh laih ta, Khazohpa tlâh Hôribâ kei tlô ta.

1 SAMUELA 9:11

Khihpi lâ khyna lâpi chakhâ ama kia ngâ no ta, ti thai awpa ta a vaw puapa laihsazy a tyh ei ta, ama hnohta, “He liata hmôtheituhpa a y ma?” tah ei ta.