PUASAINA 19:6 - Mara Bible RV (BSI)

⁶ Chatanachata ei châta theihthaipa khinarâh châ aw ei chi ta, phopi pathaihpa nama châ aw.’ Chazy cha Izarei sawzy hnohta na rei awpa biezy cha a châ,” tah ta.

PUASAINA 19:6 ပူးပေါင်းရင်းမြစ်များ

1 ABEIZY 3:8

Châ chakaotuhpa he nâ ta nâ tlyhpa na phopi, phopi rônahpa, zasâh manôh reih tiah leipa nata paki tiah leipazy hry liata ei y.

1 ABEIZY 8:53

Hy Abeipa Zehôvâh y, miah pathlatuhpazy Izi râh tawhta nâ chhi papua nota châ chakaotuhpa Mawsi hnohta na vaw rei hapa hawhta, âmo cha na ryuto châta khizaw phopi zydua hry tawhta na pananopa ama châ hih,” tah ta.

1 THÂTIHZYRONA 17:22

Chatanachata na phopi Izarei cha, chhâzaw ta nâma phopi châ awpa ta tao chi ta, nâma tlai cha, Hy Abeipa y, ama Khazohpa na vaw châ haw.

HLAZY 114:2

Zudâh cha a supathaihpa châ ta, Izarei cha â beina râh a châ.

PUASAINA 15:26

ama hnohta, “Abeipa Khazohpa ao pakhâta ta nathliepa ta, a mohmô liata hmo dopa taopa ta, a biepiepazy nathliepa ta, a bieraopazy na zyh khiahta cha, Izi mo chô liata hri ei patlôsapazy kha, na chô liata kheihawhpa hmah patlôsa aw va na, Kei he Zehôvâh Râfâ ei châ,” tah ta.

PUASAINA 22:31

“Ei chyhsa pathaihpa nama châ awpa a châ. Chavâta lyurâhpa liata arie ta a taipa sa nama nie awpa châ vei. Cha hawhpa cha i nama thy awpa a châ.

PUASAINA 28:36

“Ngôh suapa dawhrâ tao aw chi ta, cha liata ‘Abeipa châta Pathaihpa,’ tahpa bie cha moh chahnaona taozie hawhta taopa ta, na pachohsa aw.

ISAI 43:4

Ei mohmô liata sôh ngaita chi ta, Zachhihpa châ chi ta, Kyh ei cha pachâpa vâta, Nâma vyuhpa ta chyhsazy pie na ta, Na hrona vyuhpa ta phopizy ei pie.

ISAI 61:6

Nâmo deikua cha, Abeipa theihthaipazy tahpa châ aw ei chi ta, Eima Khazohpa chakaotuhpazy ama cha tah aw. Râh hropazy hneirôna nie aw ei chi ta, Ama rônahna namâ palaikhei aw.

ISAI 62:12

Chatanachata Izarei sawzy cha, Phopi Pathaihpa tah aw ei ta, Abeipa Chatlaipa ama tah aw. Nâ, Zerusale khihpi chhao, Tluapapuapa Khihpi cha tah aw ei ta; Pathlua Leipa Khihpi ama cha tah aw.’”

ISAI 66:21

Ama hry liata thokha cha theihthaipa châta nata Livai chyhsa châ zy ta ei la aw ei,” Abeipa ta a tah.

ZEREMIAH 13:11

Chaisaih ta â saihtuhpa chyhsa chai liata â baipa hawhta, Izarei pathla zydua nata Zudâh pathla zydua cha, keima châta phopi, moh phana, reithaina nata rônahna ama châ thei nawpa ta, keima liata a bai awpa ta tao ei na ta, châhrasala nathlie khoh veih ei,” Abeipa ta a tah.

ZEREMIAH 2:3

Izarei cha Abeipa châta pathaihpa châ ta, A sâh hria a daih tuachaipazy a châ. A niepa maihta thailei châ ei ta, Chhiena ta a tlô thlu ei,” Abeipa ta a tah.

ZEREMIAH 7:23

‘Ei ao nathlie u la, nama Khazohpa châ aw na ta, ei phopi nama châ aw. Bie ei cha piepa zydua zyh u la, nama châta a pha aw,’ tahpa ta bie tlao ei pie ei.

THEIHTHAINA 19:2

“Izarei zawpi zydua chho la, ama hnohta hetana heta reih teh: Kei Abeipa nama Khazohpa he pathaih tlôh na ta, chavâta nâmo chhao nama pathaih awpa a châ.

THEIHTHAINA 20:24

Nâmo hnohta deikua cha, ‘Ama râh, sâhpiti nata kheihti lona râh cha, ryu ta to aw ei chi ta, nama hnei awpa ta ei cha pie aw ei,’ tahpa ta bie ei châ taih ei. Kei he Abeipa nama Khazohpa, phopizy hry tawhta nâmo châ pananotuhpa ei châ.

THEIHTHAINA 20:26

Ei châta nama pathaih awpa a châ. Kei, Abeipa he pathaih tlôh na ta, kei eih châ awpa ta, phopizy hry tawhta ei cha panano ei.

THEIHTHAINA 21:23

A khaihly leipa a châpa vâta, pohraipa deikua siepahlie thei leipa aw ta, ei supathaihpazy a papuapalei lei nawpa ta, maisâh kiapâh lâ vawh thei aw vei. Kei he Abeipa âmo pathaisatuhpa ei châ,’” tah ta.

AMÔSÂ 3:2

“Khizaw phopi zydua hry liata, Nâmo deita he ei pahnopa na châ; Chavâta nama moleina zydua vâta Ei cha hrie aw ei.”

HÂKAI 2:5

‘Chi khah u, Izi râh tawhta nama kaw pua nota bie ei châ taih hapa hawhna ei khata, ei Thlahpa ta khâ a cha ypâ lymâ ei.’

MALUHREINA 16:3

Mawsi nata Arawna chakhia awpa ta a awpakhy ei ta, ama hnohta, “Nama tah tu ha bâ! Zawpi pôhpakhypa sahlao he pathaih ei ta, ama zydua ta ama pathaih khai. Abeipa chhao ama hry liata a y. Khazia Abeipa chyhsa pôhpakhypa hlâta chônô viapa ta namâ tao?” tah ei ta.

RAWMA 12:1

Chavâta unawh saih u, Khazohpa ngiachhiena vâta, atheihna hrohpa nata pathaihpa nata a pyh tlâh châ awpa ta, nama pôhpa cha Khazohpa lâ hlâ awpa ta ei châ haw ei. Cha cha thlahpa ta Khazohpa namâ chhynazie awpa a châ.

1 KAWRINI 3:17

Ahy rai Khazohpa Achhyna o a parao khiahta cha, cha chyhsa cha Khazohpa ta a parao aw. Khazohpa Achhyna o cha pathaih tlôh ta, cha Achhyna o cha nâmo nama châ.

RYHPACHANEINA 14:21

“Ano kho ta a thipa sa kheihawhpa hmah nama nie awpa châ vei. Nama khihzy liata a ypa chihropa nie awpa ta pie thei ei chi ta, râh hropa chyhsa hnohta nama zuah thei hra. Nâmo cha Abeipa nama Khazohpa châta phopi pathaihpa nama châ. Mie taw sa cha a panô sâhpiti ta nama chhoh awpa châ vei.

RYHPACHANEINA 26:19

Abeipa nama Khazohpa ta bie â vaw taih hapa hawhta, nâmo cha reithaina, moh phana nata palyupalihna kyhzy liata, phopi a paduapa zydua chô liata y awpa nata Abeipa nama Khazohpa châta phopi pathaihpa châ awpa ta a cha padua ei,” tah ta.

RYHPACHANEINA 28:9

“Bie a châ taihpa hawh ei ta, Abeipa nama Khazohpa biepiepazy zyhpa ta a lâpizy namâ chhih khiahta cha, Abeipa ta ano châta phopi pathaihpa ta a cha tao aw ei.

RYHPACHANEINA 7:6

“Abeipa nama Khazohpa châta phopi pathaihpa nama châ. Abeipa nama Khazohpa ta ano ryu sôhpa châ awpa ta, alei chô liata phopi zydua hry tawhta â tlyhpa nama châ.

1 THYSALAWNIKA 5:27

He châpaphaopa he unawh zydua hnohta rei awpa ta, Abeipa moh ta bie ei cha pie ei.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

BIEPHUAH 1:6

khinarâh ta miah padua ta, a Khazohpa nata a Paw lâta theihthaipa ta miah taotuhpa Zisu Krista hnohta, ano hnohna tlai chata rônahna nata biehneina chhâzaw nata tlyzaw ta y mawh sy! Amen.

BIEPHUAH 20:6

Thyuheihna eikhana liata a hlaopazy cha nohlao ei ta, ama pathaih. Thina einona ta ama chô liata biehnei khao aw vei. Khazohpa nata Krista theihthaipazy châ aw ei ta, a hnohta kô sâh kha ryu ama reih aw.

BIEPHUAH 5:10

Âmo cha eima Khazohpa châta khinarâh ta padua chi ta, Theihthaipazy ta na tao ei; Alei liata ryu ama reih aw,” tahpa ta hla thiehpa ma sa ei ta.