PUASAINA 19:5 - Mara Bible RV (BSI)

⁵ Chavâta tahmâ pakhâta ta ei bie nathliepa ta, ei biehrai nama zyh khiahta cha, khizaw phopi zydua hry liata ei ryuto eihpa nama châ aw, khizaw zydua he kei eih châ tlôh ta.

PUASAINA 19:5 ပူးပေါင်းရင်းမြစ်များ

ÂTHAONA 17:9

Khazohpa ta Abarahâ hnohta, “Nâma lâ tawhta cha, ei biehrai he na zyh awpa châ ta, na hnôhlâ ta chhâ a vaw y lymâ awpa na pathlazy chhao ta ama zyh hra awpa a châ.

1 ABEIZY 8:53

Hy Abeipa Zehôvâh y, miah pathlatuhpazy Izi râh tawhta nâ chhi papua nota châ chakaotuhpa Mawsi hnohta na vaw rei hapa hawhta, âmo cha na ryuto châta khizaw phopi zydua hry tawhta na pananopa ama châ hih,” tah ta.

1 THÂTIHZYRONA 17:22

Chatanachata na phopi Izarei cha, chhâzaw ta nâma phopi châ awpa ta tao chi ta, nâma tlai cha, Hy Abeipa y, ama Khazohpa na vaw châ haw.

ZAWBÂ 41:11

Ahy ta na pie tua ta ma ei thô awpa a byuh tly? Avâ ry liata hmo to zydua he kei eih mâh a châ tâh.

ZAWBÂ 41:3

Zawngiah awpa ta châ hawpa ta, Reikah naipa ta bie a châ chho aw ma?

HLAZY 135:4

Abeipa ta ano châta Zakaw a tlyh ta, A ryuto châta Izarei cha â tlyh.

HLAZY 24:1

Alei nata a chhôh liata a ypa zydua he Abeipa eih châ ta, Khizaw nata a chhôh liata a pahrâpa zydua chhao Abeipa eih a châ.

HLAZY 25:10

A biehrai nata a ryhpa a zyhtuhpazy châta la, Abeipa lâpi zydua cha kyhpachâna nata ngâchhihna sai a châ.

PUASAINA 15:26

ama hnohta, “Abeipa Khazohpa ao pakhâta ta nathliepa ta, a mohmô liata hmo dopa taopa ta, a biepiepazy nathliepa ta, a bieraopazy na zyh khiahta cha, Izi mo chô liata hri ei patlôsapazy kha, na chô liata kheihawhpa hmah patlôsa aw va na, Kei he Zehôvâh Râfâ ei châ,” tah ta.

PUASAINA 23:22

“Châhrasala a bie pakhâta ta nathliepa ta, ei reipa zydua na tao khiahta cha, na chariahpazy châta chariahpa châ aw na ta, na khakhaipazy châta khakhaipa ei châ aw.

PUASAINA 24:7

Biehrai Châbu la ta, zawpi theina liata reih ta, zawpizy ta, “Abeipa reipa zydua tao aw pi ta, eima zyh aw,” tah ei ta.

PUASAINA 34:9

Mawsi ta, “Tahmâ na modypa ei châ khiahta cha, Hy Abeipa, ngiachhiepa ta Abeipa cha eima hnohta sie hra mawh sy. Phopi chhorupa châ hrei sih la, eima paraona nata eima moleinazy miah a ngiahthai la, na ryuto châta miah hnei mah y,” tah ta.

PUASAINA 6:7

Ei phopi châta cha hnei aw ei na ta, nama Khazohpa ei châ aw. Chatanachata kei he Izi mo ta phaohri ama cha pavina tawhta châ thaoh papuatuhpa Zehôvâh nama Khazohpa ei châ tahpa nama pahno aw.

PUASAINA 8:22

Ei phopi pahrâna Kôse râh deikua cha, cha noh liata panano aw na ta, cha liata mathyupa rai y aw vei. Chatanachata kei he alei chô liata a ypa Abeipa ei châ tahpa na pahno aw.

PUASAINA 9:29

Mawsi ta a hnohta, “Khih tawhta ei puapata nahta, Abeipa lâ ei ku ei pazawh aw. Tôkalôhpa a chalih aw ta, pareih chhao tla khao aw vei. Chatanachata leilô he Abeipa eih a châ tahpa na pahno aw.

HLAZY HLA 8:12

Ei kre sadô, keima kre sadô tlai cha ei hmiakô liata a y hih; Hy nâ Sawlawmaw, nâ ta sâh kha hnei la, Theilâpa mokhâhtuhpazy ta za no hnei mawh ei sy.

ISAI 1:19

A phapa nata reingiahpa ta nama y khiahta cha, Râh phana nie aw ei chi ta;

ISAI 41:8

Nâ deikua cha, Hy Izarei, Nâ chakaotuhpa na châ; Hy Zakaw, ei tlyhpa châ chi ta, Ei viasapa Abarahâ chipathla na châ.

ISAI 43:1

Tahmâ deikua cha, Hy Zakaw, châ paysatuhpa Abeipa ta hetana heta tah ta; Hy Izarei, châ paduatuhpa Abeipa ta hetana heta a tah: “Chi khah y, ei cha chatlai haw; Na moh ta cha aw na ta, Keima eih mah na châ tâh.

ISAI 56:4

Abeipa ta hetana heta a tah: “Ei Pahânohzy chay ta, Nâ palysapa hmozy a tlyhpa ta, Ei biehrai khâchâ â patupa hrilyupazy cha,

ZEREMIAH 10:16

Zakaw Tovyuh deikua cha, Cha hawhta châ vei, Ano cha ato taotuhpa a châ; Izarei cha a ryuto chipho châ ta, A moh cha Pheisaihzy Abeipa a châ.

ZEREMIAH 13:11

Chaisaih ta â saihtuhpa chyhsa chai liata â baipa hawhta, Izarei pathla zydua nata Zudâh pathla zydua cha, keima châta phopi, moh phana, reithaina nata rônahna ama châ thei nawpa ta, keima liata a bai awpa ta tao ei na ta, châhrasala nathlie khoh veih ei,” Abeipa ta a tah.

ZEREMIAH 7:23

‘Ei ao nathlie u la, nama Khazohpa châ aw na ta, ei phopi nama châ aw. Bie ei cha piepa zydua zyh u la, nama châta a pha aw,’ tahpa ta bie tlao ei pie ei.

EZEKIA 16:8

“‘Cha vaw chapiapa ta, ei cha hmô heih nahta, moh tua, dyhchâ a vaw daih ha chi ta, chatanachata ei poh hy na ta, na thluahruana ei cha khu. Bie châ taih na ta, biehrai liata châ ngiakhei na ta, chatanachata kei eih na vaw châ haw,’” Abeipa Zehôvâh ta a tah.

THEIHTHAINA 20:24

Nâmo hnohta deikua cha, ‘Ama râh, sâhpiti nata kheihti lona râh cha, ryu ta to aw ei chi ta, nama hnei awpa ta ei cha pie aw ei,’ tahpa ta bie ei châ taih ei. Kei he Abeipa nama Khazohpa, phopizy hry tawhta nâmo châ pananotuhpa ei châ.

AMÔSÂ 3:2

“Khizaw phopi zydua hry liata, Nâmo deita he ei pahnopa na châ; Chavâta nama moleina zydua vâta Ei cha hrie aw ei.”

AMÔSÂ 6:1

Zaio liata huhiehpa ta a ypazy cha, Ama hu a po na; Samâri tlâh liata thlahlôhpa ta a ypazy chhao, Ama hu a po na; Râh a y tuapazy liata chyhsa rônahpazy Ama hu po ta, Izarei pathlazy vaw pangaipa râh cha, A hu a po na!

MALAKHAI 3:17

“Ei ryu sôhpazy ei paki ti ei ta, kei eih châ aw ei ta, paw ta ano palôh a hmôpa a sawchapawpa a hrôbiehpa hawhta âmo cha ei hrôbieh aw ei,” Pheisaihzy Abeipa ta a tah.

1 KAWRINI 10:26

“Alei he Abeipa eih châ ta, a chhôh liata hmo zydua chhao Abeipa eih a châ.”

1 KAWRINI 10:28

Chyhsa ta, “He he atheihna châta hlâpa a châ,” tahpa ta a cha chho khiah ei ta deikua cha, châ chhotuhpa vâta nata chhie nata pha pahnona vâta, nama nie awpa châ vei.

RYHPACHANEINA 10:14

Moh tua u, avâ nata avâ a sâh chaipa nata leilô nata a chhôh liata a ypa zydua he Abeipa nama Khazohpa eih sai a châ.

RYHPACHANEINA 11:27

Abeipa nama Khazohpa biepiepa, tanoh ta ei cha piepa ei he nama zyh khiahta cha, byhnâ châ aw ta,

RYHPACHANEINA 14:2

Abeipa nama Khazohpa châta phopi pathaihpa châ ei chi ta, Abeipa ta ano ryuto châ awpa ta alei chô liata phopi zydua hry tawhta â tlyh eihpa nama châ.

RYHPACHANEINA 14:21

“Ano kho ta a thipa sa kheihawhpa hmah nama nie awpa châ vei. Nama khihzy liata a ypa chihropa nie awpa ta pie thei ei chi ta, râh hropa chyhsa hnohta nama zuah thei hra. Nâmo cha Abeipa nama Khazohpa châta phopi pathaihpa nama châ. Mie taw sa cha a panô sâhpiti ta nama chhoh awpa châ vei.

RYHPACHANEINA 26:18

Abeipa chhao ta bie a châ taihpa hawh ei ta, tanoh tlai ta nâmo cha a ryu sôhpa nata a biepiepa zydua a zyh awpa phopi ta a cha tao ha ei.

RYHPACHANEINA 26:19

Abeipa nama Khazohpa ta bie â vaw taih hapa hawhta, nâmo cha reithaina, moh phana nata palyupalihna kyhzy liata, phopi a paduapa zydua chô liata y awpa nata Abeipa nama Khazohpa châta phopi pathaihpa châ awpa ta a cha padua ei,” tah ta.

RYHPACHANEINA 28:1

“Abeipa nama Khazohpa ao cha pakhâta ta nathliepa ta, tanoh ta bie ei cha piepa zydua ei he zyhpa ta nama tao khiahta cha, Abeipa nama Khazohpa ta khizaw phopi zydua hlâta chônô viapa ta a cha tao aw ei.

RYHPACHANEINA 28:9

“Bie a châ taihpa hawh ei ta, Abeipa nama Khazohpa biepiepazy zyhpa ta a lâpizy namâ chhih khiahta cha, Abeipa ta ano châta phopi pathaihpa ta a cha tao aw ei.

RYHPACHANEINA 4:20

Tanoh nama châna hawhna heta, Abeipa ta a ryuto phopi châ awpa ta, Izi râh tawhta, thua patisana mei tawhta cha la papua ei ta, a châ kaw chhi papuapa ei kha a thei thlâh ha muh vy.

RYHPACHANEINA 5:2

Abeipa eima Khazohpa ta Hôribâ liata eima hnohta bie hraih ta.

RYHPACHANEINA 7:6

“Abeipa nama Khazohpa châta phopi pathaihpa nama châ. Abeipa nama Khazohpa ta ano ryu sôhpa châ awpa ta, alei chô liata phopi zydua hry tawhta â tlyhpa nama châ.

RYHPACHANEINA 9:29

Âmo he na hmotaotheina rônahpa nata na bâh pazawhpa ta nâ kaw chhi papuapa na phopi nata na ryuto châ tlôh ei ta,’ tah na ta.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

HEBRAI 11:8

Ngiapâna ta Abarahâ cha a ryuto râh lâ sie awpa ta awna zyh ta, khataih lâ ma a sie aw tahpa a pahno leipa chhao ta, a sie lymâ.

HEBRAI 8:9

Ama pathlatuhzy Izi râh tawhta a chhi papua awpa ta, Ama ku ta ei patu noh ta, Ama hnohta bie ei hraipa hawhpa kha châ aw vei. Ei biehrai liata ama y thlâh ha leipa vâta, Âmo pachâ khao veih ei na, Abeipa ta a tah.

ZAWSUA 24:24

Zawpizy ta Zawsua hnohta, “Abeipa eima Khazohpa chakao aw pi ta, a bie eima zyh lymâ aw,” tah ei ta.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

1 SAMUELA 15:22

Samuela ta, “Abeipa ta, Abeipa ao nathliepa â lypa hawhta, Raopa hlânazy nata atheihnazy he â ly ma? Pachâ teh, atheihna hlâta reingiahna pha via ta, Mietaku tôhpa thaw hlâta bie nathliepa a pha via.