PUASAINA 19:21 - Mara Bible RV (BSI)

²¹ Abeipa ta Mawsi hnohta, “Zu la, zawpi khu zikyu zâ râ mah y. Chataleipatala Abeipa hmia hmô a chhuahpa ta vaw chatôh aw ei ta, chyhsa hluhpi ama leidia pathlei aw.

PUASAINA 19:21 ပူးပေါင်းရင်းမြစ်များ

PUASAINA 3:3

Mawsi ta, “Kei tleihnao aw na ta, hao hmo noâhchhihpa hao ei kei moh tua rai aw, kheihtazieta ma thobuh hao a kâ vei tly,” tah ta.

PUASAINA 3:5

Khazohpa ta, “A vaw hnia kha, na pheikyzy kha pahluh teh, nâ duana alei kha su pathaihpa a châ,” tah ta.

PUASAINA 33:20

Abeipa ta, “Chyhsa ta eina hmô khiahta cha a hroh lei awpa vâta, ei hmia cha hmô thei aw va chi,” tah ta.

BIECHHOTUHPA 5:1

Khazohpa o lâ na pangai nota na phei a phapa ta vaih mah y. Ahrupazy atheihna hlâpa hlâta bie nathlie awpa ta a hniapa a pha via, ahrupazy cha khâpa ma ama tao tahpa ama pahno leipa vâta.

MALUHREINA 4:15

“Arawna nata a sawchapawzy ta supathaihpa nata supathaihpa hmobaoh zydua ama khu khai tawhta, riehmo a pasie awpa a châ tita, Kôhâ pathlazy ta supathaihpa nata a hmobaohzy cha amâ sy tyh aw. Hmo pathaihpazy deikua ama hria awpa châ vei. Chataleipatala ama thi pathlei aw. Chazy cha Kôhâ sawchapawzy ta ahmaohna poh o liata ama chakaona rai hria awpazy a châ.

MALUHREINA 4:18

“Kôhâ pathla chi nata phozy Livai chi tawhta chhawh pathlahpa ta ama y awpa châ vei.

MALUHREINA 4:19

Chavâta hmo pathaih chaipazy amâ hnia nota thi leipa ta ama y thei nawpa ta, hetana heta âmo châta ryh nama rao aw: Arawna nata a sawchapawzy ta supathaihpa lâ a ngia aw ei ta, Kôhâ chizy hria awpa nata maophaohnazy ama rai aw.

MALUHREINA 4:20

Khupa hmo pathaihpazy moh awpa ta deikua amâ ngia awpa châ vei. Chataleipatala ama thi pathlei aw,” tah ta.

RYHPACHANEINA 5:5

Cha nota, nâmo cha mei vâta chi ei chi ta, tlâh lâ namâ khy ngâh leipa vâta, Abeipa nata nâmo likawh liata a duah na ta, nama hnohta Abeipa bie ei phuahpa kha a châ. Abeipa ta hetana heta a tah.

1 SAMUELA 6:19

Beseme khihsaw thokhazy deikua cha, Abeipa Byh chhôh lâ ama mopa vâta, Abeipa ta a thie ha ei. Ama hry liata chyhsa sysari tlai thie ta, Abeipa ta thata a thiepa vâ ei ta khihsawzy cha mâchhiesapa ta ama y.