PUASAINA 19:18 - Mara Bible RV (BSI)

¹⁸ Abeipa ta Sinai Tlâh liata mei ta a za chôpa vâta, tlâh cha meikhuh ta pahly khai ha ta. Cha meikhuh cha patina meikhuh hawh tlai ta avâ lâ kiah ta, a tlâh duata thata a chalyu ta.

PUASAINA 19:18 ပူးပေါင်းရင်းမြစ်များ

ÂTHAONA 11:5

Abeipa cha chyhsa sawzy ta khihpi nata o sâhpa ama paduapa cha mo awpa ta zu ta.

ÂTHAONA 15:17

Noh tla ta a vaw zoh nahta, lômathu tawhta meikhuh nata meirei tawhta meipaleih ia ngâpa a vaw luah ta, sa patlawpazy likawh liata vaw sie pahlie ta.

ÂTHAONA 19:28

Sawdawmâ nata Kawmawrâ nata bypi râh zydua cha sai ta, râh tawhta meikhuh a kaw puapa hmô ta, meihôpi meikhuh hawh tlai ta a charih ngâ kaw ta.

NEHEMIAH 9:13

Sinai Tlâh liata za chô chi ta, avâ tawhta âmo cha bie a chho chi ta, ryureina dopa, ryhpa dopa, bieraopa nata biepiepa phapazy na pie ei.

HLAZY 104:32

Ano cha alei he moh ta, Chalyusa ta; Tlâhpizy hria ta, A khuh a pakhusapa a châ.

HLAZY 114:4

Tlâhpizy ta mietaku tôhpazy hawhta châki zoh ei ta, Tlâhthlôhzy ta mietakutawzy hawhta châki ama zoh.

HLAZY 114:7

Hy leilô, Abeipa hmiakô liata a chalyu la, Zakaw Khazohpa mohmô ta a chalyu teh.

HLAZY 144:5

Hy Abeipa, avâzy za pahnai la, Za chô mah y! Tlâhpizy hria la, Meikhuh pua mawh sy!

HLAZY 18:9

Avâzy pahnaipa ta za chô ta, A phei ry liata zoh kaluhna a y.

HLAZY 68:9

Hy Khazohpa, khihti phapa vaw tuah chi ta, Na ryuto a panao hapa na paduapathi heih.

HLAZY 77:18

Na tôkalôhpa pyu cha khisô liata y ta, Na dôhlazy ta khizaw pakhaihsapa ta, Alei he a chalyu ta â chatho.

HLAZY 77:19

Na lâpi ta tilaipi siepahlie ta, Na lâthlôh ta ti lai ngaitapazy a siepahlie; Chatanachôta na pheihniezy hmô awpa y vei.

PUASAINA 19:13

Ku ta thie awpa châ leipa ta, alô ta vaw sao awpa a châ. A châ vei khiahta cha, li ta kasao awpa a châ. Sa rai, chyhsapa rai, a hroh awpa châ vei. Chiahmie a paro tita, tlâh lâ amâ khy awpa a châ,’ tahpa ta na chho aw ei,” tah ta.

PUASAINA 19:17

Mawsi ta zawpizy cha Khazohpa a tyh awpa ta riehmo tawhta a chhi papua ta. Zawpizy cha tlâh thaby liata a duah ei ta.

PUASAINA 20:18

Chyhsa zydua ta tôkalôhpa, dôhla, chiahmie pyu nata tlâh liata meikhuh zy cha ama hmô nahta, chipa ta a chalyu ei ta, lâhlapi liata a duah ei ta.

PUASAINA 24:17

Abeipa rônahna a vaw luahpa cha, Izarei sawzy mohmô liata, tlâh laki liata mei a kâpa a lyu.

PUASAINA 3:2

Abeipa vâlyuhchâpa ta meipaleih ta a hnohta a vaw luah ta, meipaleih cha thobuh hry tawhta kaw pua ta, kei moh ta, thobuh liata meipaleih ia ta, a thobuh deikua cha kâ leipa ta.

PUASAINA 34:2

Mylâ my a vaw mâ la, Sinai tlâh lâ mydi ta a khy la, tlâh laki liata ei hmiakô liata a vaw duah mah y.

ISAI 6:4

Awtuhpa awna ao ta ochhi tôhzy chalyusa ta, o cha meikhuh ta bie ha ta.

ISAI 64:1

Aw, avâzy khi hriepa ta za chô la, Na hmiakô liata tlâhpizy amâ sih mawh sala eima tah kaw dia!

ZEREMIAH 4:24

Tlâhpizy moh na ta, A chalyu ngâ kaw ei ta, Tlâhthlôh zydua ta amâ pasie pasâ ngâ lâ.

HABAKU 3:6

A duah ta, alei chathosa ta, Moh ta, phopizy a chalyusa. Tlâhpi hlôpazy pao ei ta, Tlâhthlôh hlô thlâhpazy ama cho. A lâpizy cha chhâzaw lâpizy a châ.

ZEKARIA 14:5

Tlâhpi saikaozy cha Aze taih a tlôpa vâta, ei tlâhpizy saikao lâ a râ aw ei chi ta, Zudâh bei Uzia â bei nota alosihpa vâta namâ râpaipa hawhna khata namâ râ aw. Chatawhcha Abeipa ei Khazohpa cha a vy aw ta, a mopathaihpa zydua chhao ano hnohta amâ vy aw.

MATHAI 24:7

Phopi nata phopi a dyuh aw ei ta, khinarâh nata khinarâh amâ dyuh aw. Su hluhpi liata chakâhnazy tlô aw ta, alozy â sih aw.

RYHPACHANEINA 33:2

Hetana heta byhnâ a awpa ei: “Sinai tawhta Abeipa a vy ta, Seirâ tawhta noh hawhta vaw chhipa ta, Pârâ Tlâh tawhta a vaw khaih; Mopathaihpa thysâh hry tawhta a vy ta, A ku chachâh lâta mei paleih â chaba.

RYHPACHANEINA 4:36

A cha pachu thei nawpa ei ta, avâ tawhta a ao cha patheisa ei ta, alei chô liata ano mei rônahpa cha pahmôsapa ta, mei hry tawhta a bie nama thei.

RYHPACHANEINA 5:22

“Cha biezy cha Abeipa ta tlâh liata mei nata meihdo nata zoh kaluhpa hry tawhta ao paro ngaitapa ta nama zawpi pôhpakhypa zydua hnohta reih ta, baichha khao vei. Cha biezy cha lô phiapa miano liata roh ta, ei hnohta eina pie.

RYHPACHANEINA 5:4

Abeipa ta tlâh liata mei hry tawhta hmiachhypa ta bie châ chho ei ta.

2 THYSALAWNIKA 1:7

Eima Beipa Zisu, a vâlyuhchâpa thatlôpazy chhaota meipaleih hry liata â vaw luah tita, keimo hawhta pasa a taopazy a cha pahâsa aw ei.

2 THYSALAWNIKA 1:8

Khazohpa a pahno leipazy nata eima Beipa Zisu Krista thâtihpha a zyh leipazy chô liata deikua phuh a la aw.

HEBRAI 12:18

Ku ta hria theipa tlâh, meipaleih a puapa, zohna nata zoh kaluhna ta a khupa nata thlihpi pathlina tlâh lâ namâ vypa châ leipa ta,

HEBRAI 12:26

Kha daihti liata a ao ta alei he chalyu ta, tahmâ deikua, “Ei kha cha alei dei châ leipa ta, avâ chhao ei chalyu heih aw,” tahpa ta bie â taih.

2 PITY 3:10

Abeipa Noh cha parutuhpa hawhta vaw tlô aw ta, cha noh liata avâzy cha thata arôhna chôta leidia aw ei ta, avâ liata hmo a ypazy cha mei ta pakâpa ta pahleipadiapa châ aw ta, alei nata a chhôh liata a ypa zydua chhao a leidia khai aw.

BIEPHUAH 15:8

Achhyna byureih cha Khazohpa rônahna nata hmotaotheina khuh ta bie ha ta. Vâlyuhchâpa pasarizy tawhta potlana miasarizy a chhâ hlâlei cha, achhyna byureih liata ahy hmah a ngia thei veih ei.

BIEPHUAH 9:2

Leichiepa khaohtlô cha pahy ta, leichiepa khaohtlô tawhna chata patisana meikhuh ru ngaitapa a lyupa meikhuh kaw pua ta, leichiepa khaohtlô meikhuh vâna chata noh nata aruapa cha vaw zoh ha ta.

RYUREITUHPAZY 5:5

Tlâhpizy Abeipa hmiakô liata a chalyu ei ta, Sinai tlâh chhao Abeipa Izarei Khazohpa hmiakô liata â chalyu.