PUASAINA 19:16 - Mara Bible RV (BSI)

¹⁶ A noh thôhna noh my ta tôkalôh a vaw thua ta, dôhlazy vaw pathlie ta, tlâh chô liata meihdo chhakaluhpa a vaw chhoh ta, chiahmie paro ngaitapa vaw paro ta, riehmo liata a ypa chyhsa zydua cha a chalyu ei ta.

PUASAINA 19:16 ပူးပေါင်းရင်းမြစ်များ

2 SAMUELA 22:10

Avâzy pahnaipa ta za chô ta, A phei ry liata zoh kaluhna a y.

2 THÂTIHZYRONA 5:14

meihdo vâna chata theihthaipazy cha chakao awpa ta a duah thei khao veih ei. Abeipa rônahna ta Khazohpa o cha a bie khai haw.

ZAWBÂ 38:25

“Ahy ma avâ katlâ ti lo nawpa asai chao ta, Pachie tla nawpa lâpi a tao tly?

HLAZY 50:3

Eima Khazohpa a vy ta, A thlih thlâh ha vei; A hmiakô liata mei thata kâ ta, A chheipâh liata thlihpi thata a pathli.

HLAZY 77:18

Na tôkalôhpa pyu cha khisô liata y ta, Na dôhlazy ta khizaw pakhaihsapa ta, Alei he a chalyu ta â chatho.

HLAZY 81:8

Hy ei phopi, nathlie teh, Biesakâ ei cha vaw hih! Hy Izarei, ei bie vaw nathlie ha mawh la cha,

HLAZY 97:4

A dôhlazy ta khizaw pakhaih ta, Alei ta hmô ta â chalyu.

PUASAINA 19:11

a noh thôhna noh châta a pachyh mawh ei sy. A noh thôhna noh ta chyhsa zydua mohmô ta Sinai Tlâh liata Abeipa a za chô aw.

PUASAINA 19:15

Mawsi ta zawpi hnohta, “A noh thôhna noh châta a pachyh teh u, chanô rai namâ hnia awpa châ vei,” tah ta.

PUASAINA 19:17

Mawsi ta zawpizy cha Khazohpa a tyh awpa ta riehmo tawhta a chhi papua ta. Zawpizy cha tlâh thaby liata a duah ei ta.

PUASAINA 19:9

Abeipa ta Mawsi hnohta, “Pachâ teh, bie ei cha chho tita zawpi ta ama thei thei nawpa nata chhâzaw ta ama cha zo thei nawpa ta, meihdo chhakaluhpa hry liata nâ lâ ei vy aw,” tah ta. Chatawhcha Mawsi ta zawpi bie reipazy cha Abeipa chho ta.

PUASAINA 20:18

Chyhsa zydua ta tôkalôhpa, dôhla, chiahmie pyu nata tlâh liata meikhuh zy cha ama hmô nahta, chipa ta a chalyu ei ta, lâhlapi liata a duah ei ta.

PUASAINA 20:21

Mawsi ta Khazohpa yna meihdo chha kaluhpa cha a kei hnia ta, zawpizy deikua cha lâhlapi liata a duah ei ta.

PUASAINA 40:34

Chatawhcha ahmaohna poh o cha meihdo ta vaw pahly ta, achhyna byureih cha Abeipa rônahna ta bie ha ta.

PUASAINA 9:23

Mawsi ta a chôchahrei avâ lâ pazawh ta, chatawhcha Abeipa ta tôkalôhpa nata pareih za tuah ta, alei liata pachie mei za tla ta. Abeipa ta Izi râh chô liata pareih thata patlasa ta.

ZEREMIAH 5:22

Na chi aw veih ei chi ma? Ei hmiakô liata a chalyu aw vei ei chi ma? Kei he tilaipi râhri châta sadi a sohtuhpa châ na ta, Tilaipi a khô lei nawpa ta, Chhâzaw pakhâna châta sadi a sohtuhpa ei châ. Tichatlaopazy a chatlao ngâ kaw hra ei sala, Râhri khô thei leipa ei ta; A aoh ngâ kaw hra ei sala, Râhri siepakhô thei veih ei,” Abeipa ta a tah.

NÂHU 1:3

Abeipa cha hiehâhna kyh liata nainôsôpa châ ta, Hmotaothei ngaitapa a châ; Hmoparaopa deikua cha, Thai pachâ beih aw vei. Khisô nata thlihpipa liata a lâpi y ta, Meihdozy cha a phei doh a châ.

MATHAI 24:31

Chiahmie paro ngaitapa chhaota a vâlyuhchâpazy tuah aw ta, âmo chata â tlyhpazy cha kaokih miapalih tawhta pakhy aw ei ta, avâ chy chhâna tawhta hiakha lâ chhâna taihta ama pakhy aw.

RYHPACHANEINA 5:5

Cha nota, nâmo cha mei vâta chi ei chi ta, tlâh lâ namâ khy ngâh leipa vâta, Abeipa nata nâmo likawh liata a duah na ta, nama hnohta Abeipa bie ei phuahpa kha a châ. Abeipa ta hetana heta a tah.

HEBRAI 12:21

Ama hmo hmôpa kha chichhih ngaitapa châ tlai ta, chavâta Mawsi chhao ta, “Chipa ta thata ei chalyu,” a tahpa kha.

BIEPHUAH 1:10

Abeipa noh liata Thlahpa ta vaw y na ta, chatawhcha ei hnôhky lâta chiahmie pyu hawhta ao paro ngaitapa thei na ta, ao chata,

BIEPHUAH 11:19

Chatawhcha avâ liata Khazohpa Achhyna o cha pahypa châ ta, Achhyna o chhôh liata a biehrai byh a vaw lâ ta. Dôhlazy vaw pathlie ta, aozy vaw pua ta, tôkalôhpazy a vaw thua ta, alo a sih ta, pareih thata a tla.

BIEPHUAH 4:1

Cha khai tawhta kaw sai na ta, vârâh ochhi a pahypa hmô na ta. Ao ei thei tuapa, chiahmie pyu hawhta ei hnohta bie a reihpa khata, “He lâ a khy teh, he khai tawhta hmo a vaw tlô awpazy ei cha pahmô aw,” tah ta.

BIEPHUAH 4:5

Beidyuchhai tawhna chata dôhlazy, aozy nata tôkalôhpa a thuapa pyuzy vaw pua hôlô ta. Beidyuchhai hmiakô liana cha meirei iapa miasari y ta, chazy cha Khazohpa thlahpa pasarizy ama châ.

BIEPHUAH 8:5

Vâlyuhchâpa ta ropahâhpa raona byh cha la ta, maisâh liata mei ta pabie ta, alei liata thy ta. Chatanachata tôkalôhpazy a vaw thua ta, aozy vaw pua ta, dôhlazy vaw pathlie ta, alozy thata a sih ta.