PUASAINA 19:12 - Mara Bible RV (BSI)

¹² Zawpi châta râhri pakhâh aw chi ta, ama hnohta, ‘A chado teh u. Tlâh lâ kiah leipa u la, râhri chhao hria cheita khuh vy. Ahy rai tlâh a hriapa maih cha thie thlyu awpa a châ.

PUASAINA 19:12 ပူးပေါင်းရင်းမြစ်များ

PUASAINA 10:28

Phiraoh ta Mawsi hnohta, “Kei tawhta pua teh. A chado la, ei hmia rai vaw hmô khao khah y. Ei hmia na hmô noh cha, na thi noh a châ aw,” tah ta.

PUASAINA 19:21

Abeipa ta Mawsi hnohta, “Zu la, zawpi khu zikyu zâ râ mah y. Chataleipatala Abeipa hmia hmô a chhuahpa ta vaw chatôh aw ei ta, chyhsa hluhpi ama leidia pathlei aw.

PUASAINA 19:23

Mawsi ta Abeipa hnohta, nâma tlai ta, “Zawpi cha Sinai Tlâh lâ a khy thei aw veih ei, ‘Tlâh thaby liata râhri pakhâh u la, pathaisa teh u,’ tahpa ta zikyu miah nâ râ ha kha zaw,” tah ta.

PUASAINA 24:2

Mawsi dei ta Abeipa lâ a vaw hnia aw ta, ahropazy cha amâ vaw hnia awpa châ vei, zawpizy chhao a hnohta amâ khy awpa châ vei,” tah ta.

PUASAINA 34:12

Na sie nawpa râh liata a pahrâpazy hnohta biehrai tao lei awpa ta a vaih mah y. Chataleipatala nama hry liata khoheih ama châ pathlei aw.

PUASAINA 34:3

Na hnohta pakha hmah amâ khy awpa châ leipa ta, tlâh zydua liata chyhsa pakha hmah ama y awpa châ vei. Mietaku zawzy nata viahchao hrizy chhao tlâh dady liata ama lao ama bâ awpa châ hra vei,” tah ta.

RYHPACHANEINA 2:4

Zawpi biepie la, ama hnohta, “Seirâ liata a pahrâpa Esaw pathla nama unawhzy râh nama sie pahlie bâ aw. Cha chi kaw aw ei ta, chavâta a sohsi kaw muh vy.

RYHPACHANEINA 4:9

“Chavâta a sohsi u la, nama hro pakhâta ta a vao muh vy. Chataleipatala nama mo ta hmo a hmôpazy kha my aw ei chi ta, nama hro chhôh zydua ta nama palôh tawhta a lei pathlei aw. Chazy cha nama sawzy nata nama samohzy pachu tyh muh vy.

HEBRAI 12:18

Ku ta hria theipa tlâh, meipaleih a puapa, zohna nata zoh kaluhna ta a khupa nata thlihpi pathlina tlâh lâ namâ vypa châ leipa ta,

ZAWSUA 3:4

Anodeikua nâmo nata Byh likawh liata dy 2,000 rachhôh â hla awpa a châ. Namâ hnia awpa châ vei. Chatanachata nama sie nawpa lâpi cha nama pahno thei aw, kha hlâta he lâpi he a chhih beih tlôh lei khâh ei chi ta,” tah ei ta.