PUASAINA 19:10 - Mara Bible RV (BSI)

¹⁰ Abeipa ta Mawsi hnohta, “Zawpi lâ vawh la, âmo cha tanoh nata mylâ kei pathaisa mah y. Ama chysiazy pasu ei sala,

PUASAINA 19:10 ပူးပေါင်းရင်းမြစ်များ

ÂTHAONA 35:2

Chatawhcha Zakaw ta a chhôhkha nata a hnohta a ypa zydua hnohta, “Nama hry liata râh hropa khazohzy kha thy khai u la, a pathai u la, nama chysia a patly teh u.

2 SAMUELA 19:24

Sawla samohpa Mephibôse cha abei dy awpa ta zu ta. Abei a pua noh tawhta thlalôhpa ta â vaw lie heih noh taihta, a pheizy mohôh leipa ta, a hmaohmi chhao ngyu leipa ta, a chysiazy chhao pasu hra vei.

2 THÂTIHZYRONA 29:34

Theihthaipazy ama chyh tu hapa vâta, raopa hlâna sahrohzy cha a vo hlai tiah leipa ei ta. Chavâta theihthaipa hropazy amâ pathai khai hlâlei cha, ama unawh Livai pathlazy ta rai a ngoh hlâlei ama bao. Apathaisana kyh liata la, theihthaipazy hlâta Livai pathlazy ama palôh tlao â do via.

2 THÂTIHZYRONA 29:5

Ama hnohta, “Nâmo, Livai pathlazy saih u, na nathlie teh u! A pathai u la, Abeipa, châ pathlatuhpazy Khazohpa o he pathai u la, Su Pathaihpa liata apuapazy he thy khai teh u.

ZAWBÂ 1:5

Ama kyhchhina nohzy a pai nahta, Zawbâ cha a sawzy lâta chyhsa tuah ta, a pathaisa awpa ta a chho tyh ei. Ano chhao ta, “Ei sawzy ta moleina hmo taopa ta, ama palôh ta Khazohpa chô liata chhie ama vaw sa tlamaw thei,” tah ta, mydi kari ta thyu ta, a sawzy maluh kipa ta raopa hlânazy a hlâpa tyh ei. Cha hawhna chata Zawbâ cha tao tyh ta.

THEIHTHAINA 11:25

Ahy rai cha hawhpa sa thiruapa a phaohpa cha, a chysiazy pasu aw ta, zâlâ taih pathaih leipa a châ aw.

THEIHTHAINA 15:5

A rakhô a hriapa cha a chysiazy pasu aw ta, ti liata a ngai a si aw ta, zâlâ taih pathaih leipa a châ aw.

MALUHREINA 11:18

Zawpi hnohta, ‘Mylâ châta a pathai teh u, sa cha nama nie aw. Abeipa theina liata, “Sa nie awpa ahy ma miah a pie aw? Izi râh liana kha eima phasa viapa tlai,” tahpa ta cha ei chi ta. Chavâta Abeipa ta sa cha pie aw ei ta, nama nie aw.

MALUHREINA 19:19

Chyhsa pathaihpa ta chyhsa pathaih leipa chô liata, apathaina ti cha noh thôhna noh nata noh sarina nohzy liata thia aw ta, noh sarina noh ta a pathaisa aw. A chysiazy pasu aw ta, ti liata a ngai a si aw ta, zâlâ ta a vaw pathaih ha aw.

MALUHREINA 31:23

mei ta a parao thei leipa maih cha, mei liata pasiesa aw ei chi ta, chatanachata a vaw pathaih aw. Cha thota pathaisana ti ta pathaisa pâ awpa a châ. Mei ta a parao theipazy deikua cha, ti liata nama pasiesa aw.

MALUHREINA 31:24

Noh sarina noh ta nama chysiazy pasu aw ei chi ta, chatanachata nama pathaih ha aw. Cha khai tawhta riehmo lâ namâ ngia thei aw,” tah ta.

MALUHREINA 8:21

Livai pathlazy cha ama moleina tawhta a pathai ei ta, ama chysiazy pasu ei ta, Arawna ta âmo cha chaluahpa hlâna ta Abeipa hmiakô liata hlâ ta, âmo pathaisa nawpa ta Arawna ta chatlaina a taopa ei.

MALUHREINA 8:7

Âmo pathaisa awpa ta, hetana heta ama chô liata na tao aw: Ama chô liata pathaisana ti thia aw chi ta, ama pôhpa hmi zydua a ngyu aw ei ta, ama chysiazy pasu aw ei ta, amâ pathai aw.

1 KAWRINI 6:11

Nama hry liata thokha chhao, cha hawhpa chyhsa nama châ tyhpa kha. Châhrasala pasipa nata pathaisapa châ ha ei chi ta, Abeipa Zisu Krista moh ta nata eima Khazohpa Thlahpa ta thai pachâsapa nama châ haw.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

ZAWSUA 3:5

Zawsua ta zawpi hnohta, “A pathai teh u, mylâ Abeipa ta nama hry liata hmonoâhpa a tao aw,” tah ta.

ZAWSUA 7:13

Thyu teh! Zawpi kha pathaisa la, ama hnohta, ‘Mylâ châta a pathai teh u. Abeipa, Izarei Khazohpa ta hetana heta a tah: “Hy Izarei, pahleipadia awpa hmozy nama hry liata y ta, chazy cha nama hry tawhta nama pahleipadia hlâlei nama chariahzy hmiakô liata a duah thei aw veih ei chi,”’ tah teh.

BIEPHUAH 22:14

“Ama chysiazy a pasupa cha ama nohlao na. Hrona tho chô liata biehnei thei aw ei ta, chhikaozy lâ tawhta khihpi chhôh lâ amâ ngia thei aw.

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.

1 SAMUELA 16:5

Ano ta, “Thlalôhna bie na ei vaw tlôkhei. Abeipa lâta atheihna hlâ awpa ta ei vy. A pathai u la, atheihna hlâna lâ a vy teh u,” tah ta. Zese nata a sawchapawzy cha pathaisa ta, atheihna hlâna liata a hlao awpa ta âmo cha hrua ta.