PUASAINA 18:8 - Mara Bible RV (BSI)

⁸ Izarei mo vâta Abeipa ta Phiraoh nata Izi mo chô liata a taopa zydua zy, lâpi liata rairuna amâ tyhpa zydua zy, Abeipa ta Izarei sawzy a pachhazie zy, Mawsi ta a puhpa cha chho ta.

PUASAINA 18:8 ပူးပေါင်းရင်းမြစ်များ

ÂTHAONA 44:34

Hawtipa ei hnohta a sie leipa khiahta cha, kheihta ma ei paw lâ ei khy ngâh aw? Ei paw chô liata chhiena a tlô awpa cha moh ngâh va na,” tah ta.

NEHEMIAH 9:32

“Chavâta eima Khazohpa, Khazohpa rônahpa nata thatlôpa nata chichhihpa, a biehrai patlôpa ta ngâchhihna a palâsa tyhpa Khazohpa y, keimo nata eima beizy, eima beimachâzy, eima theihthaipazy, eima hrohsopazy, miah pathlatuhpazy nata na phopi pôhpalôhpa chô liata, Asuria beizy daihti tawhta tanoh taihta rietheina vaw tlôpa zydua he, hmo chyhpa ta rie pachâ khah y.

HLAZY 106:10

Ama khakhaipa ku tawhta âmo cha pachha ta, Ama chariahpazy hmotaotheina tawhta a chatlai ei.

HLAZY 106:8

Chatanachôta a moh vâta âmo cha pachha pyly ta, A hmotaotheina rônahpa a pahnosa ei.

HLAZY 107:2

Cha kyh cha Abeipa chatlaipazy ta reih ei sala, Khakhaipa tawhta a chatlaipazy ta reih mawh ei sy!

HLAZY 66:16

Nâmo, Khazohpa a chipa zydua saih u, A vy u la, nathlie teh u; Ei hro châta a hmotaopazy ei cha chho aw ei.

HLAZY 81:7

Nôpopa ta na aw chi ta, Ei cha pachha; Tôkalôhpa su nyupa liata châ chhy na ta, Meribâ tizy liata ei cha pasia. Selah

PUASAINA 15:16

Hy Abeipa, na phopi ama khô khai hlâlei cha, Na chaleipa phopi ama khô hlâlei cha, China nata ngiarohna ta Izi mo tla thlu ta, Na bâh thatlôna vâta alô hawhta amâ chalih.

PUASAINA 15:6

Hy Abeipa, na ku chachâh lâ liata hmotaotheina rônahpa y ta, Hy Abeipa, na ku chachâh lâta khakhaipa a chaphie khai haw.

PUASAINA 16:3

Izarei sawzy ta ama hnohta, “Izi râh liata sa beih kiah liata a tyuh pi ta, viahchhâ eima rih biena taihta eima nie no khata Abeipa ku ta vaw thi ha sih la a pha via awpa tlai. Zawpi zydua he nodipa ta miah thie awpa ta râhchawhpa lâ miah namâ vaw chhi he zaw,” tah ei ta.

PUASAINA 18:1

Khazohpa ta a phopi Izarei sawzy nata Mawsi chô liata a hmotaopa zydua nata Abeipa ta Izarei sawzy Izi râh tawhta â kaw chhi papuazie zy cha, Midia theihthaipa, Mawsi puhpa Zetharô ta vaw thei ta.

PUASAINA 2:25

Khazohpa ta Izarei sawzy cha moh ta, âmo cha pachâ kaw ta.

PUASAINA 23:23

“Ei vâlyuhchâpa na hmia lâta sie aw ta, Amawri mo, Hiti mo, Perizi mo, Kâna mo, Hivi mo nata Zebu mozy yna lâ châ chhi aw ta, âmo cha ei pahleipadia aw ei.

PUASAINA 4:23

Ei sawchapawpa ta eina chakao thei nawpa ta, ano cha pasiesa mah y, cha tah na ta, a sie awpa na pasai vei khiahta cha, pachâ teh, na sawchapawpa, na sawchapaw uhtheipa tlai ei thie aw,’ tahpa ta na chho aw,” tah ta.

PUASAINA 7:4

Chavâta Phiraoh ta cha nathlie aw veih ei. Chatanachata Izi râh chô liata ei ku pahnieh aw na ta, pachiana rônahpa ta ei pheisaihzy, ei phopi Izarei sawzy he Izi râh tawhta ei chhi papua aw ei.

PUASAINA 7:5

Izi râh chô liata ei ku pazawhpa ta, Izarei sawzy ama hry tawhta ei chhi papua tita, Izi mo ta kei he Abeipa ei châ tahpa ama pahno aw,” tah ta.

MALUHREINA 20:14

Mawsi ta Kâdesâ tawhta Edômâ bei lâ lyuhchâpa tuah ta, “Na unawhpa Izarei ta hetana heta a tah: Eima chô liata rairuna a tlôpa zydua na pahno khai.