PUASAINA 18:5 - Mara Bible RV (BSI)

⁵ Mawsi puhpa Zetharô cha, Mawsi lapinô nata a sawchapawzy chhaota râhchawhpa liata Khazohpa tlâh liata Mawsi riehmo lâ vawh ta.

PUASAINA 18:5 ပူးပေါင်းရင်းမြစ်များ

1 ABEIZY 19:8

Elaizâh cha thyu ta, niepa ta doh ta. Cha pati thatlôna chata Khazohpa tlâh Hôribâ taihta noh sypalih nata zâ sypalih sie ta.

PUASAINA 18:6

Mawsi hnohta, “Kei, na puhpa Zetharô, na lapinô nata na sawchapaw panozy chhaota nâ lâ ei vy hai,” tahpa ta bieta ta.

PUASAINA 19:11

a noh thôhna noh châta a pachyh mawh ei sy. A noh thôhna noh ta chyhsa zydua mohmô ta Sinai Tlâh liata Abeipa a za chô aw.

PUASAINA 19:2

Rephidi tawhta pua ei ta, Sinai râhchawhpa tlô ei ta, râhchawhpa liana cha riehmo paryh ei ta. Izarei mo cha, cha liata tlâh thaby liata riehmo paryh ei ta.

PUASAINA 19:20

Abeipa cha Sinai Tlâh laki liata za chô ta. Abeipa ta Mawsi cha tlâh laki lâ khy awpa ta aw ta, chatanachata Mawsi cha khy ta.

PUASAINA 24:13

Mawsi nata ano baotuhpa Zawsua cha thyu ei ta, Mawsi cha Khazohpa tlâh lâ khy ta.

PUASAINA 3:1

Mawsi cha a puhpa Zetharô, Midia râh theihthaipa mietaku zaw vaih ta, mietaku zaw cha râhchawhpa notla lâ chhâ ta haoh laih ta, Khazohpa tlâh Hôribâ kei tlô ta.

PUASAINA 3:12

Khazohpa ta, “Na hnohta ei y aw. Keima tuapa tlai na châ tahpa, he he nâma châta ngiana a châ aw: Izi râh tawhta phopi na kaw puakhei ti ei ta, he tlâh liana tlai heta Khazohpa nama chakao aw,” tah ta.

PUASAINA 4:27

Abeipa ta Arawna hnohta, “Mawsi dy awpa ta râhchawhpa lâ sie teh,” tah ta. Arawna cha sie ta, Khazohpa tlâh liata Mawsi a kei tyh ta, a pahnâ ta.