PUASAINA 18:20 - Mara Bible RV (BSI)

²⁰ Bieraopazy nata ryhpazy âmo pachu aw chi ta, ama lâpi a chhih awpa nata ama tao awpazy na pahmô lymâ aw ei.

PUASAINA 18:20 ပူးပေါင်းရင်းမြစ်များ

HLAZY 143:8

Nâ ei cha ngâpa vâta, Na kyhpachâna tleih beih leipa kyh cha, My ta na patheisa tyh mah y. Nâ lâta ei thlahpa a chaluahpa ei châpa vâta, Ei sie nawpa lâpi na pahnosa tyh mah y.

HLAZY 32:8

“Na sie nawpa lâpi chhopa ta cha pachu aw na ta, Ei mo ta cha tawpâpa ta ryh ei cha raopa aw.

PUASAINA 18:16

Biepeipa ama hnei tita, kei lâ a vykhei ei ta, kei ta ama likah bie cha pachiapa ei na ta, Khazohpa bieraopa nata a ryhpazy ei pahnosa tyh ei,” tah ta.

ISAI 30:21

Chachâh lâ tlyma, chavei lâ tlyma, namâ heih nahta, nama nahzy ta, “He he lâpi a châ hih, he lâpi he a chhih teh u,” tahpa ta, nama hnôh lâ tawhta bie a vaw puapa nama thei aw.

ZEREMIAH 42:3

Chavâta Abeipa na Khazohpa ta eima si nawpa lâpi nata eima tao awpa hmozy miah a pahmô thei nawpa ta, thlah miah chhâpa mah y,” tah ei ta.

ZEREMIAH 6:16

Abeipa ta hetana heta a tah: “Lâpizy liata a duahpa ta moh u la, Lâthlôh phapa yna lâhlôzy thâtih hiahri u la, Cha lâpi cha a chhih teh u; Nama thlahpa châta apahâna nama hmô aw,” tah ta. Châhrasala Izarei sawzy ta, “Cha lâpi cha a chhih aw ma pi,” tah ei ta.

EZEKIA 3:17

“Chyhsa sawchapawpa y, Izarei pathlazy vaituhpa ta ei cha tao. Ei pakah tawhta bie na theina maihta, kei tawhta zikyurâna bie na chho lymâ aw ei.

MIKÂ 4:2

Zaio tawhta ryhpa bie pua aw ta, Zerusale tawhta Abeipa bie a pua aw; Chavâta phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; Chatanachata a lâthlôhzy miah pachu aw ta, A lâpizy eimâ chhih thei aw,” Ama tah aw.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

MÂKA 13:34

Cha daihti vaw tlô nawpa cha, chyhsa ta lâhlapi lâ khitlyh ta, a o a siesaipa cha a chakaotuhpazy ku liata soh ta, ama raihria awpa pie chyu ta, ochhi vaituhpa cha, khâ a hra thlâh ha awpa ta bie a piepa hawhta a châ.

RYHPACHANEINA 1:18

Cha daihti liata, hmo nama tao awpa zydua bie ei cha pie ei.

RYHPACHANEINA 4:1

“Chavâta, Hy Izarei, bieraopa nata pachiana ei cha pachupazy ei he nathliepa ta, nama hroh thei nawpa ta zyh u la, Abeipa, châ pathlatuhpazy Khazohpa ta râh a cha piepa lâ sie u la, kei pahrâ teh u.

RYHPACHANEINA 4:5

Moh teh u, hnei awpa ta namâ ngia haina râh liata nama zyh awpa ta Abeipa ei Khazohpa ta bie eina piepa hawhta, bieraopazy nata pachianazy ei cha pachu ei hih.

RYHPACHANEINA 5:1

Mawsi ta Izarei saw zydua awpakhy ta ama hnohta, “Hy Izarei, tanoh nama nah theina liata ei reipa bieraopazy nata pachianazy he nathlie u la, a chu u la, pakhâta ta zyh teh u.

RYHPACHANEINA 5:27

Chavâta nâ ta a kei hnia la, Abeipa eima Khazohpa ta a rei awpa zydua nathlie mah y. Chatanachata Abeipa eima Khazohpa ta na hnohta a reipa zydua miah chho aw chi ta, nathlie aw pi ta, eima tao aw,’ nama tah.

RYHPACHANEINA 7:11

Chavâta tanoh ta ei cha piepa biepiepazy, bieraopazy nata pachianazy he zyh u la, tao muh vy.

1 THYSALAWNIKA 4:1

Unawh saih u, achhâna liata cha, nama yzie awpa nata Khazohpa nama palysa nawpa kyh liata, keimo tawhta nama daopa, nama tao lymâpa kha tao via lymâ awpa ta Abeipa Zisu moh ta eima châ haw.

1 SAMUELA 12:23

Cha dei châ vei, nâmo châta thlah ei chhâ leipa vâta Abeipa chô liata ei molei awpa cha, kei ta la tao cheita aw va na. Lâpi phapa nata lâpi dopa tlao ei cha pahmô lymâ aw ei.