PUASAINA 18:13 - Mara Bible RV (BSI)

¹³ A mylâ ta Mawsi cha zawpi biepeipazy pachia awpa ta a tyuh ta, zawpizy cha my tawhta zâlâ taihta Mawsi chadôpa ta a duah ei ta.

PUASAINA 18:13 ပူးပေါင်းရင်းမြစ်များ

ZAWBÂ 29:7

Khihpi hawka lâ pangaipa ta, Tlyliah liata atyuna ei paryh nota,

PUASAINA 18:12

Mawsi puhpa Zetharô cha raopa hlâna nata Khazohpa lâta atheihnazy vaw cheih ta, Mawsi puhpa hnohta Khazohpa hmiakô liata viahchhâ nie awpa ta, Arawna nata Izarei machâ zydua a vy ei ta.

PUASAINA 18:14

Mawsi puhpa ta zawpi châta Mawsi hmotaopa zydua a hmô nahta, a hnohta, “Zawpi châta khâpa hmo ma na taopa ei? Khazia nâma dei ta a tyuh chi ta, my tawhta zâlâ taihta chyhsa zydua na kiapâh liata amâ duah thlâh haw?” tah ta.

ISAI 16:5

Dâvi poh o liata kyhpachâna ta beidyuchhai paduapa châ aw ta, Cha liata ryureituhpa a tyuhpa cha, Adona ta ryu a reihpa châ aw ta, A chatliepa ta siana hmo a taopa a châ aw.”

ZÔELA 3:12

“Phopizy cha thyu ei sala, Zehôsaphâ Saikao lâ a khy mawh ei sy. Cha liata a tyuh aw na ta, Izarei chheipâh phopi zydua ei pachia aw ei.

MATHAI 23:2

“Ryhpa pachutuhpazy nata Phârisaihzy cha Mawsi dyuchhai liata a tyuhpa ama châ.

RAWMA 12:8

pasyutuhpa ta pasyuna bie reih sala, hmopietuhpa ta riapha ngaitapa ta pie sala, ryureituhpa ta tiamapa ta ryureih sala, ngiachhiena rai hriatuhpa ta a ly ngaitapa ta hria mawh sy.

RAWMA 13:6

Ryureituhpazy cha Khazohpa chakaotuhpazy châ ei ta, Khazohpa chakaona rai a hriapazy ama châpa vâta, chhiezy chhao nama pie tyh.

RYUREITUHPAZY 5:10

“Nâmo, alâ râhpa a kiahpazy saih u, Cha biezy cha phuah u la; Nâmo, pohphaw liata a tyuhpazy saih u, Cha biezy cha phuah u la; Nâmo, lâpi a chhihpazy saih u, Cha biezy cha phuah teh u.