PUASAINA 18:12 - Mara Bible RV (BSI)

¹² Mawsi puhpa Zetharô cha raopa hlâna nata Khazohpa lâta atheihnazy vaw cheih ta, Mawsi puhpa hnohta Khazohpa hmiakô liata viahchhâ nie awpa ta, Arawna nata Izarei machâ zydua a vy ei ta.

PUASAINA 18:12 ပူးပေါင်းရင်းမြစ်များ

ÂTHAONA 12:7

Abarâ hnohta Abeipa a vaw luah ta, “He râh he na chipathla hnohta ei pie aw,” tah ta. Chavâta a hnohta a vaw luahpa Abeipa châta, cha su liata maisâh padua ta.

ÂTHAONA 26:25

Chatanachata Aisika cha, cha liata maisâh tao ta, Abeipa moh pado ta. Aisika cha, cha liata poh o rai ta, a chakaotuhpazy ta tikhaoh chao ei ta.

ÂTHAONA 26:30

Aisika ta âmo châta kyhchhi tao ta, niepa ta doh ei ta.

ÂTHAONA 31:54

Zakaw cha tlâh râh liata atheihna hlâ ta, a chiheihzy pati nie hrua ta. Pati ama nie khai tawhta, tlâh râh liana cha a rie ei ta.

ÂTHAONA 4:4

Abela chhao ta a sahroh a pataw tua chaipazy nata a thawzy hlâ hra ta. Abeipa cha Abela nata a hmohlâpa liata a ly ngaita ta,

ÂTHAONA 43:25

Cha liata pati ama nie awpa ama pahnopa vâta, nohchhô ta Zawsi â vy daihti liata pie awpa ta ama kuhriazy a chhuanoh chhielie ei ta.

ÂTHAONA 8:20

Nôah ta Abeipa lâta maisâh tao ta, sa pathaihpa nata pavaw pathaihpa chi to hry tawhta sa nata pavawzy la ta, maisâh liata raopa hlânazy hlâ ta.

2 SAMUELA 9:7

Dâvi ta a hnohta, “Chi kha, na paw Zawnathâ vâta na chô liata ngiachhiena ei palâsa aw. Na mapaw Sawla râh zydua kha cha pie pakhua khai aw na ta, ei tlâhkhai liata pati na dôh lymâ aw,” tah ta.

2 THÂTIHZYRONA 30:22

Abeipa chakaona rai liata a saomâ ngaitapa Livai pathla zydua chô liata Hezekia ta thapatlôna bie reih ta. Kyhchhi pati cha noh sari chhôh nie ei ta, aryhna hlâna atheihnazy hlâpa ta, Abeipa, ama pathlatuhpazy Khazohpa chô liata alyna bie reih ei ta.

ZAWBÂ 1:5

Ama kyhchhina nohzy a pai nahta, Zawbâ cha a sawzy lâta chyhsa tuah ta, a pathaisa awpa ta a chho tyh ei. Ano chhao ta, “Ei sawzy ta moleina hmo taopa ta, ama palôh ta Khazohpa chô liata chhie ama vaw sa tlamaw thei,” tah ta, mydi kari ta thyu ta, a sawzy maluh kipa ta raopa hlânazy a hlâpa tyh ei. Cha hawhna chata Zawbâ cha tao tyh ta.

ZAWBÂ 42:11

A unawhpa nata a sietanô zydua nata kha hlâta a hmiapahnopa zydua ano lâ a vy ei ta, a o liata a hnohta pati dôh ei ta. Abeipa ta a chô liata hmo pha leipa a patlôsapa zydua vâta taokheipa ta a thlapalôh ei ta. Tâkâ nata ngôh kusadizy pie chyu ei ta.

ZAWBÂ 42:8

Chavâta tahmâ viahchao tôhpa po sari nata mietaku tôhpa pô sari a chhipa ta, nâ chakaotuhpa Zawbâ lâ vawh u la, nâmo châta raopa hlâna kei hlâ muh vy. Nâ chakaotuhpa Zawbâ ta a reipa hawhta, ei thâtih â dopa ta reih leipa ei chi ta, châhrasala nâ chakaotuhpa Zawbâ ta thlah cha chhâpa aw ei ta, a thlahchhâna cha a pyh awh na ta, nama hruna hawhta nama chô liata hmo tao aw va na,” tah ta.

PUASAINA 18:13

A mylâ ta Mawsi cha zawpi biepeipazy pachia awpa ta a tyuh ta, zawpizy cha my tawhta zâlâ taihta Mawsi chadôpa ta a duah ei ta.

PUASAINA 2:16

Midia râh theihthaipa cha sawchanô pasari hnei ta, ti vaw thaih ei ta, ama paw mietaku zaw padosa awpa ta ti châkizy pabie ei ta.

PUASAINA 2:20

Ama paw ta a sawchanôzy hnohta, “Ano cha khataih liata a y? Khazia namâ vysai thlâh haw? Kei aw u la, pati vaw nie mawh sy,” tah ta.

PUASAINA 20:24

Keima châta alei maisâh tao aw chi ta, cha chô liana chata nâma châta raopa atheihnazy nata aryhna atheihnazy châta na mietakuzy nata na viahchaozy na hlâ tyh aw. Ei moh a thei thlâh ha nawpa ta ei raona su maih liata na hnohta a vy aw na ta, byhnâ ei cha awpa tyh aw.

PUASAINA 24:11

Khazohpa hmô ei ta, niepa ta doh ei ta. Châhrasala Khazohpa ta Izarei hyutuhpazy chô liata a ku pathla vei.

PUASAINA 24:5

Izarei sawzy hry ta satliazy tuah ta, âmo ta Abeipa lâ raopa hlâna hlâ ei ta, aryhna hlâna châta viahchao tôhpa ta a theih ei ta.

PUASAINA 3:1

Mawsi cha a puhpa Zetharô, Midia râh theihthaipa mietaku zaw vaih ta, mietaku zaw cha râhchawhpa notla lâ chhâ ta haoh laih ta, Khazohpa tlâh Hôribâ kei tlô ta.

PUASAINA 33:7

Mawsi ta poh o puakheipa ta, riehmo khôtho lâ, riehmo tawhta â hlapa liata parai tyh ta. Cha cha a moh ta ahmaohna poh o bi ta. Abeipa a pado khohpa maihta riehmo khôtho lâta ahmaohna poh o lâ cha ama pangai tyh.

DÂNIAH 10:3

Hâta ei thôh bohloh a tloh hlâlei cha, nie pahâhpa rai nie leipa na ta, sa tlyma, kresawhti tlyma, ei pakah liata a ngia leipa ta, sathaw chhao a thu va na.

MALUHREINA 10:29

Mawsi puhpa Midia chyhsa Rue sawchapawpa Hôbâ hnohta Mawsi ta, “Abeipa ta, ‘Ei cha pie aw ei,’ a tahpa su lâ eima pangai hai. Abeipa ta Izarei sawzy châta hmo phapa bie a taih ha ta, chavâta eima hnohta vaw sie hra teh, a pha ngaitapa ta na chô liata eima tao aw,” tah ta.

LUKA 14:1

Pahânoh ta Phârisaihzy hyutuhpa pakha o liata pati nie awpa ta vawh ta, zawpizy ta Zisu cha moh pathli ei ta.

LUKA 14:15

Tlâhkhai liata pati a dôhlâhpa pakha ta cha biezy cha a thei nahta, a hnohta, “Khazohpa khinarâh liata pati a nie awpa cha a nohlao kaw dia!” tah ta.

1 KAWRINI 10:18

Izarei phopi kha pachâ tua u. Atheihna sa a niepazy kha maisâh a hlykheipazy châ veih ei ma?

1 KAWRINI 10:21

Abeipa nyu nata ahripa nyu doh pakaoh thei veih ei chi. Abeipa tlâhkhai nata ahripa tlâhkhai dôh pakaoh thei hra veih ei chi.

1 KAWRINI 10:31

Chavâta nama nie tlyma, nama doh tlyma, nama taopa maih Khazohpa rônahna châta tao muh vy.

RYHPACHANEINA 12:7

Cha liata Abeipa nama Khazohpa hmiakô liata nie aw ei chi ta, Abeipa nama Khazohpa ta nama ku raihria maih liata byhnâ a cha piepa vâ ei ta, nâmo nata nama chhôhkhazy thaphapa ta nama y aw.

RYHPACHANEINA 27:7

Aryhna hlâna atheihnazy hlâ aw ei chi ta, cha liata nie aw ei chi ta, Abeipa nama Khazohpa hmiakô liata thaphapa ta nama y aw.