PUASAINA 18:11 - Mara Bible RV (BSI)

¹¹ Tahmâ la Abeipa he khazoh zydua hlâta rônah viapa a châzie ei pahno haw. Izarei phopi chô liata a palai ngaitapazy chô liata a hmotaozie tawhta â lâ haw,” tah ta.

PUASAINA 18:11 ပူးပေါင်းရင်းမြစ်များ

1 ABEIZY 17:24

Chanô ta Elaizâh hnohta, “Tahmâ la Khazohpa chyhsa châ chi ta, na pakah liata Abeipa bie cha biehmeiseihpa a châ tahpa ei pahno haw,” tah ta.

2 ABEIZY 5:15

Chatawhcha Nâmâ cha a sahlao zydua chhaota Kha­zohpa chyhsa yna lâ a lie ta. A tlô nahta, a hmiakô liata a kei duah ta, a hnohta, “Izarei lia dei leipa ta cha, khizaw zydua liana heta Khazohpa rai y vei tahpa ei pahno haw. Chavâta châ chakaotuhpa kuhria he a hlâh mah y,” tah ta.

1 THÂTIHZYRONA 16:25

Abeipa cha rônah ta, Thata reithai awpa châ ta, Khazoh zydua hlâta chi chai awpa a châ.

2 THÂTIHZYRONA 2:5

Keimo Khazohpa cha khazoh zydua hlâta rônah chaipa a châpa vâta, o ei sa awpa chhao o rônah ngaitapa a châ aw.

NEHEMIAH 9:10

Phiraoh nata a chakaotuhpa zydua nata a râ chyhsa zydua ta miah pathlatuhpazy chô liata a palai ngaitapa ta hmo ama taopa na pahnopa vâta, ama chô liata ngiana nata hmonoâhpazy tao chi ta, tanoh eima hmôpa hawhna heta, na moh nâ tao haw.

NEHEMIAH 9:16

“Châhrasala âmo nata miah pathlatuhpazy khata a palai ngaitapa ta hmo tao ei ta, ama koh pachyu ei ta, na biepiepazy zyh veih ei.

NEHEMIAH 9:29

Na ryhpa lâ na pakuasa thei nawpa ei ta, âmo cha zikyu a râ tyh chi ta. Châhrasala a palai ngaitapa ta hmo tao ei ta, na biepiepazy zyh leipa ei ta, na pachianazy ama chakhia lymâ. Chyhsa ta na pachiana biezy hawhta a tao khiahta cha, a hroh awpa châ ta, châhrasala ama ngiatlâh pasuapa nata ama hnôkhi chhapa cha ano lâ tlao pahei ei ta, rei a ngiah khoh veih ei.

HLAZY 119:21

Apalaipazy ra chi ta, Na biepiepazy a paviasaipa cha, Chhiesapa ta ama y tyh.

HLAZY 135:5

Abeipa cha a rônah tahpa pahno na ta, Eima Beipa cha khazoh zydua chô lâta a ypa a châ tahpa ei pahno.

HLAZY 31:23

Hy a mopathaihpa zydua saih u, Abeipa cha kyhpachâ muh vy! Abeipa ta ngâchhihpa pabohsa ta, Apalaipa deikua cha thata viari a thô tyh.

HLAZY 95:3

Abeipa cha Khazohpa rônahpa châ ta, Khazoh zydua chô lâta Bei rônahpa a châ.

HLAZY 97:9

Hy Abeipa, nâ cha alei chô zydua liata chônôchaipa châ chi ta, Khazoh zydua chô lâta cheihchalopa na châ.

PUASAINA 1:10

A vy teh u, so kawpa ta ama chô liata hmo tao ei suh u. Chataleipatala vaw pôh via lymâ aw ei ta, adyuhna vaw y mawh sala, eima chariahpazy a baipa ta, miah a dyuh aw ei ta, Izi râh tawhta ama pua pathlei aw na,” tah ta.

PUASAINA 1:16

Izi bei ta ama hnohta, “Hebrai chanôzy nawh nama pay tita, nawh yna rakhô liata moh u la, sawchapaw a châ khiahta cha, thie aw ei chi ta, sawchanô a châ khiah deikua cha, pahlôh awpa a châ,” tah ta.

PUASAINA 1:22

Chatawcha Phiraoh ta a phopi zydua hnohta, “Hebrai sawchapaw a pihpa maih Nile chavah liata thy lymâ aw ei chi ta, sawchanô deikua nama pahlôh aw,” tahpa ta biepie ta.

PUASAINA 10:3

Mawsi nata Arawna cha Phiraoh lâ a kei ngia ei ta, a hnohta, “Zehôvâh, Hebraizy Khazohpa ta hetana heta a tah: ‘Khachâ ma ei hmiakô liata a panawh khoh leipa ta na y aw? Eina chakao thei nawpa ei ta, ei phopi pasiesa bâ teh.

PUASAINA 12:12

Cha zâ ta Izi râh zydua chahryh aw na ta, Izi râh liata sawchapaw uhtheipa zydua, chyhsapa chhao, sa chhao, thie khai aw ei na ta, Izi râh liata khazoh zydua ei pachia aw ei. Kei he Abeipa ei châ.

PUASAINA 14:18

Phiraoh nata a talailihzy nata arâ a kiahpazy hmâpa ta palyupalihna ei hlao tita, Izi mo ta kei he Abeipa ei châ tahpa ama pahno aw,” tah ta.

PUASAINA 14:8

Abeipa ta Izi bei Phiraoh palôh kuh pachhasa ta, chatanachata chhôhmohpa ta a sie haipa Izarei sawzy cha a chadai ta.

PUASAINA 15:11

“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?

PUASAINA 5:2

Phiraoh ta, “Abeipa cha ahy maw? A bie zyh ta, Izarei cha ei pasiesa awpa cha ahy ma a châ? Abeipa cha pahno va na, Izarei chhao pasiesa aw va na,” tah ta.

PUASAINA 5:7

“Leiraopa tao nawpa ta sawphao nama pie tyhpa hawhna khata nama pie awpa châ khao vei. Âmo tlai ta sie aw ei ta, sawphao amâ pakhy pâ aw.

DÂNIAH 4:37

Chavâta tahmâ, kei, Nebukaneza ta avâ Beipa cha reithai na ta, palyupalihpa ta, ei parônahsa. Avâ Beipa cha a hmotaopa zydua a do ta, a lâpizy sia ta, a palaipazy a panawh theipa a châ.

MALUHREINA 33:4

Izi mo ta Abeipa ta ama sawchapaw uhtheipa a thie khai hapazy ama pabu hai nota, Izarei sawzy cha pua ei ta. Abeipa ta Izi mo khazohzy chô liata chhao hriena a patlôsa ha hra.

LUKA 1:51

A bâh ta a thatlôzie pamosa ta, Palôh laipazy a papaipatla tyh.

ZÂMIE 4:6

Châhrasala ngiachhiena hluh via ta tlao a vaohei tyh. Chavâta Biehrai ta, “Khazohpa ta apalaipazy a dyuh ta, areisipazy deikua a ngiachhie tyh,” a tahpa a châ.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”

1 SAMUELA 2:3

“A palai ngaitapa ta bie reih khao leipa u la, Nama pakah tawhta sâlâna bie pua khao khah sy; Abeipa cha pahnona Khazohpa châ ta, Chyhsa hmotaopazy kho a pathliahtuhpa a châ.