PUASAINA 18:1 - Mara Bible RV (BSI)

¹ Khazohpa ta a phopi Izarei sawzy nata Mawsi chô liata a hmotaopa zydua nata Abeipa ta Izarei sawzy Izi râh tawhta â kaw chhi papuazie zy cha, Midia theihthaipa, Mawsi puhpa Zetharô ta vaw thei ta.

PUASAINA 18:1 ပူးပေါင်းရင်းမြစ်များ

HLAZY 105:43

Chavâta a phopi cha a ly ngaitapa ta a chhi papua ta, A chyhsa a tlyhpazy cha hla sana chôta â chhi papua ei.

HLAZY 105:5

A hmotao noâhpazy a thei thlâh ha u la, A hmonoâhpazy a theipa ta, A pachiana biezy a thei thlâh ha teh u.

HLAZY 106:2

Ahy ma Abeipa hmotao rônahpazy reih thei ta, A reithaina zydua a phuah thei aw?

HLAZY 34:2

Ei hro ta Abeipa a palaikhei ta, Areisipa ta thei sala a ly mawh sy.

HLAZY 44:1

Hy Khazohpa, hlâno daihtizy liata, Miah pathlatuhpazy daihti liata na hmotaopazy kha; Miah pathlatuhpazy ta miah chho ei ta, Eima nah ta eima thei haw.

HLAZY 78:4

Ama pathlazy phih leipa aw pi ta, Chhâ a vaw y awpa hnohta tlao eima chho aw; Abeipa hmotao rônahpa nata a thatlônazy chho aw pi ta, Hmonoâhpa a taopazy eima chho aw.

PUASAINA 2:16

Midia râh theihthaipa cha sawchanô pasari hnei ta, ti vaw thaih ei ta, ama paw mietaku zaw padosa awpa ta ti châkizy pabie ei ta.

PUASAINA 2:18

Ama paw Rue lâ amâ vaw di nahta, ama paw ta, “Kheihtazieta tanoh cha nama vaw tlô patoh kaw dia?” tah ta.

PUASAINA 2:21

Cha chyhsa hnohta y awpa cha Mawsi ta paryhsa ta. Rue ta a sawchanô Zipôrâ cha Mawsi pie ta.

PUASAINA 3:1

Mawsi cha a puhpa Zetharô, Midia râh theihthaipa mietaku zaw vaih ta, mietaku zaw cha râhchawhpa notla lâ chhâ ta haoh laih ta, Khazohpa tlâh Hôribâ kei tlô ta.

PUASAINA 4:18

Mawsi cha a puhpa Zetharô lâ a lie ta, a hnohta, “Izi râh liata ei unawh a ypazy ama hroh ma tahpa pahno awpa ta, ngiachhiepa ta âmo lâ na pasiesa mah y,” tah ta. Zetharô ta Mawsi hnohta, “Thlalôhpa ta sie mah y,” tah ta.

PUASAINA 6:6

Chavâta Izarei sawzy hnohta, ‘Zehôvâh ta hetana heta a tah: Kei he Zehôvâh ei châ. Izi mo ta phaohri ama cha pavina ry tawhta cha thaoh papuapa ta, ama sei châna tawhta cha pachha aw ei na ta, bâh pazawhpa nata pachiana rônahpa ta ei cha chatlai aw ei.

ZEREMIAH 33:9

Zudâh nata Izarei châta hmo phapa ei taopa thâtih a thei awpa khizaw phopi zydua hmiakô liata, he khihpi he ei châta thaphana, palyupalihna nata rônahna a châ aw. Khihpi châta hmo phapa to nata ativyna ei piepa vâta chipa ta amâ chalyu aw.

ZEKARIA 8:23

Pheisaihzy Abeipa ta hetana heta a tah: Cha nohzy liata, râh to nata reih to tawhta chyhsa pahrawhzy ta Zu chyhsa pakha cha a poh pai patupa ta, ‘Khazohpa nama hnohta a y tahpa thei ha pi ta, chavâta nama hnohta bâh sie hra ei suh u,’ ama tah aw.”

MALUHREINA 10:29

Mawsi puhpa Midia chyhsa Rue sawchapawpa Hôbâ hnohta Mawsi ta, “Abeipa ta, ‘Ei cha pie aw ei,’ a tahpa su lâ eima pangai hai. Abeipa ta Izarei sawzy châta hmo phapa bie a taih ha ta, chavâta eima hnohta vaw sie hra teh, a pha ngaitapa ta na chô liata eima tao aw,” tah ta.

HMOTAOPAZY 14:27

Ama tlô nahta, Awnanopa sahlaozy awpakhy ei ta, Khazohpa ta âmo hmâpa ta hmo a taopa zydua nata Zenitaizy châta ngiapâna ochhi a pahyzie zy chho ei ta.

HMOTAOPAZY 15:12

Chatanachata zawpi zydua cha a chalih ha ei ta, Bânabâ nata Pawla ta âmo hmâpa ta Khazohpa ta Zenitaizy hry liata ngiana nata hmonoâhpa a taopa kyh ama reipazy cha nathlie ei ta.

RAWMA 15:18

Zenitaizy Khazohpa bie pazyhsa awpa ta Krista ta kei na hmâh ta, cha châta ei biereipa nata ei hmotaopazy dei leipa ta cha, bie hropa rei a chhuah va na.

ZAWSUA 2:10

Izi tawhta nama kaw pua nota, Abeipa ta nama hmiakô liata Tilaipi Saihpa a pakuasazie nata Zawdâh haosâ Amawri bei pano Sihaw nata Ôkâ zy chô liata nama taozie zy thei pi ta, âmo cha tlokhuh nama pahleipadia khai hapa thâtihzy eima vaw thei.

ZAWSUA 9:9

Âmo ta a hnohta, “Châ chakaotuhpazy he Abeipa na Khazohpa moh vâta râh hlapi tawhta a vypa eima châ. A thâtih vaw thei pi ta, Izi râh liata a hmotaopa zydua nata

RYUREITUHPAZY 1:16

Mawsi puhpa Keni pathlazy cha Zudâh pathlazy chhaota thiahrâ khihpi tawhta pua ei ta, Aradâ kiapâh ta a ypa Neke liata Zudâh râhchawhpa lâ khy ei ta, cha liata a ypa phopi hry liata pahrâ ei ta.

RYUREITUHPAZY 4:11

Keni chyhsa Hebe cha a chiheih Keni mo hry tawhta a panano ta, âmo tawhta â hla kawpa ta Kedesâ kiapâh ta Zanâni liata ôkâ tho thih liata poh o rai ta. Keni mo he Mawsi puhpa Hôbâ pathlazy ama châ.