PUASAINA 17:7 - Mara Bible RV (BSI)

⁷ Izarei sawzy paphôhna vâta nata, “Eima hry liata Abeipa a y ma, y vei ma?” tahpa ta Abeipa ama pasiapa vâta, cha su cha a moh Mâsâ nata Meribâ a bi.

PUASAINA 17:7 ပူးပေါင်းရင်းမြစ်များ

HLAZY 106:32

Meribâ tizy liata Abeipa hie pahâh ei ta, Âmo vâta Mawsi chô liata hmo phaleipa vaw tlô ta;

HLAZY 78:18

Ama palôh ta Khazohpa pasia ei ta, Ama aohkhopa pati amâ hnaw.

HLAZY 81:7

Nôpopa ta na aw chi ta, Ei cha pachha; Tôkalôhpa su nyupa liata châ chhy na ta, Meribâ tizy liata ei cha pasia. Selah

HLAZY 81:8

Hy ei phopi, nathlie teh, Biesakâ ei cha vaw hih! Hy Izarei, ei bie vaw nathlie ha mawh la cha,

HLAZY 95:8

Meribâ liata ama taopa hawhna khata, Nama palôh kuh pachha leipa u la, Kha noh ta Mâsâ râhchawhpa liata ama taopa hawhna khata, Tao hra khuh vy.

PUASAINA 17:2

Chavâta zawpi ta Mawsi cha a hryuh ei ta, “Ti do awpa miah pie teh,” tah ei ta. Mawsi ta ama hnohta, “Khazia einâ hryuh ei chi, khazia Abeipa nama pasia,” tah ta.

PUASAINA 34:9

Mawsi ta, “Tahmâ na modypa ei châ khiahta cha, Hy Abeipa, ngiachhiepa ta Abeipa cha eima hnohta sie hra mawh sy. Phopi chhorupa châ hrei sih la, eima paraona nata eima moleinazy miah a ngiahthai la, na ryuto châta miah hnei mah y,” tah ta.

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

MIKÂ 3:11

Khihpi chhituhpazy ta Panaopapana ta ryureih ei ta, A theihthaipazy ta Ty hneipa ta ama pachu; Hrohsopazy ta tâkâ hmô nawpa ta Pachaona rai ama hria tyh; Chatanachôta Abeipa liata a pahnieh ei ta, “Eima hry liata Abeipa y vei ma? Eima chô liata chhiena vaw tlô aw vei,” Ama tah tyh.

MALUHREINA 14:22

Izi râh nata râhchawhpa liata ei rônahna nata ei hmonoâhpa taopazy hmô ha ei ta, chatana chôta ei bie a zyh leipa chyhsa zydua heta, ei hrawh tlai na pasia ei ta, ei ao nathlie veih ei.

MALUHREINA 20:13

Cha cha Meribâ tizy châ ta, cha liata Izarei sawzy ta Abeipa a hryuh ei ta, Abeipa ta ti hmâpa ta ama hry liata â palyupalihna su a châ.

MALUHREINA 20:24

“Arawna cha a chiheihzy hnohta pahlyhpa a châ aw. Meribâ tizy liata ei biepiepa namâ dyuhpa vâna khata, Izarei sawzy ei piepa râh liata a ngia aw vei.

MALUHREINA 27:14

Zini râhchawhpa liata zawpi ta einâ dyuh no ei ta, nâmo pano chhao ei biepiepa a dyuh hra ei chi ta, tizy kiah liata zawpi hmiakô liata eina palyupalih leipa vâ ei chi ta a châ,” tah ta. Cha tizy cha Zini râhchawhpa liata Kâdesâ liata Meribâ tizy a châ.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

RYHPACHANEINA 31:17

Cha noh ta ama chô liata ei pathi ia aw ta, ei pathlua aw ei. Âmo tawhta ei hmia nyu aw na ta, pahleipadiapa ama châ aw. Hmo pha leipa nata nôpona hluhpi ama chô liata tlô aw ta, cha noh ta, ‘Eima Khazohpa eima hnohta a y leipa vâta, he hmo pha leipa he eima chô liata a vaw tlôpa châ vei ma?’ ama tah aw.

RYHPACHANEINA 33:8

Livai châta byhnâ awna: “Livai hnohta na Thumi pie la, Na mopathaihpa hnohta na Uri pie mah y. Ano cha Mâsâ liata pasia chi ta, Meribâ tizy liata na pahao.

RYHPACHANEINA 6:16

“Mâsâ liata nama pasiapa hawhna khata Abeipa nama Khazohpa cha nama pasia awpa châ vei.

RYHPACHANEINA 9:22

“Tâberâ liata zy, Mâsâ liata zy, Kibarôhâtavâ liata zy chhao Abeipa hie pahâh ei chi ta.

ZAWSUA 22:31

Theihthaipa Eliaza sawchapawpa Phinehâ ta Rubena pathlazy, Kâdâ pathlazy nata Manase pathlazy hnohta, “Abeipa eima hry liata a y tlai tahpa tanoh eima pahno haw. Abeipa châta nama ngâchhihna nama pahlei leipa vâta, tahmâ he Abeipa ku tawhta Izarei sawzy nama pachha haw,” tah ta.