PUASAINA 17:6 - Mara Bible RV (BSI)

⁶ Hôribâ liata lôpanô chô liata na hmiakô liata a vaw duah aw na ta, lôpanô cha tu aw chi ta, cha tawhta zawpi do awpa ti a vaw pua aw,” tah ta. Mawsi ta Izarei machâzy mohmô liata cha hawhna chata tao ta.

PUASAINA 17:6 ပူးပေါင်းရင်းမြစ်များ

NEHEMIAH 9:15

Ama nodi nota avâ tawhta viahchhâ pie chi ta, ama dâhphi nota lôpanô tawhta ti papua chi ta, âmo pie awpa ta na bâh avâ lâ pazawhpa ta bie nâ taihpa râh a ngia ta, hnei awpa ta na chho ei.

HLAZY 105:41

Lôpanô pahy ta, Ti a vaw chathôh ta; Chavah hawhta râh raohpa liata a loh laih.

HLAZY 114:8

Ano cha lôpanô tipo lâta a paliesatuhpa châ ta, Pachielô tihnawh lâta a paliesatuhpa a châ.

HLAZY 46:4

Chavah miakha y ta, A vahtiezy ta Khazohpa khihpi palysa ta, Chônôchaipa pahrâna su pathaihpa a palysa tyh.

HLAZY 74:15

Tihnawhzy a papuatuhpa nata vahtiezy a palosatuhpa châ chi ta, Vahtly tipi a pakuatuhpa na châ.

HLAZY 78:18

Ama palôh ta Khazohpa pasia ei ta, Ama aohkhopa pati amâ hnaw.

HLAZY 78:20

Lôpanô tu ta tizy vaw puapa ta, Vahtiepazy kao a khô pathlah. Viahchhâ chhao miah piepa ta, A phopi nie awpa sa miah a pie thei tlai aw ma?” ama tah.

HLAZY 81:7

Nôpopa ta na aw chi ta, Ei cha pachha; Tôkalôhpa su nyupa liata châ chhy na ta, Meribâ tizy liata ei cha pasia. Selah

PUASAINA 14:16

Na chôchahrei kha hy la, tilaipi chô liata na ku pazawh la, tilaipi kha pachhaih mah y. Chatanachata Izarei sawzy cha tilaipi chhôh alei hipa liata ama sie aw.

PUASAINA 16:10

Arawna ta Izarei zawpi hnohta bie a rei hai nota, râhchawhpa lâ sai ei ta, Abeipa rônahna meihdo liata a vaw lâ ta.

ISAI 48:21

Râh raohpa su liata â chhi no ei khata, Ama dâhphi leipa ta; Âmo châta lôpanô tawhta ti palosa ta, Lôpanô pakei ta ti a kaw pali.

MALUHREINA 20:8

“Chôchahrei la la, nâ nata na unawhpa Arawna ta zawpizy pahmaoh u la, ti papua awpa ta, ama mohmô liata lôpanô chho mah y. Lôpanô tawhta ti a puapa cha âmo lâ cheih aw chi ta, zawpi nata ama sahrohzy cha ti do awpa na pie aw ei,” tah ta.

ZAWHÂNA 4:10

Zisu ta a chhy ta, “Khazohpa hmopiepa nata, ‘Ti do awpa na pie teh,’ châ tahtuhpa he pahno ha la cha, nâma ta a hnohta tlao hiah aw chi ta, ano ta ti hrohpa a cha pie ha awpa tlai,” tah ta.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

1 KAWRINI 10:4

ama zydua ta thlahpa ti miakha ama doh. Âmo a zituhpa thlahpa Lôpanô tawhta ti doh ei ta, cha Lôpanô cha Krista a châ.

RYHPACHANEINA 1:2

Hôribâ tawhta Kâdesbânia cha Seirâ Tlâh lâpi lâta noh hrawh hleikha sie a châ.

RYHPACHANEINA 8:15

Ano ta râhchawhpa kawh ngaitapa nata rarôh y ngaitapa, rihhrâh nata râh cha-iazy yna, ti y leina râh chawh karaipa liata châ chhi ei ta, meilô lôpanô tawhta ti a cha papuapa ei.

BIEPHUAH 22:17

Thlahpa nata Myuhthieh ta, “A vy mah y,” tah ei ta. A theipa maihta, “A vy mah y,” tah mawh ei sy. Dâhphipa maih a vy sala, a khohpa maihta hrona ti he a saipa ta doh mawh sy.