PUASAINA 17:2 - Mara Bible RV (BSI)

² Chavâta zawpi ta Mawsi cha a hryuh ei ta, “Ti do awpa miah pie teh,” tah ei ta. Mawsi ta ama hnohta, “Khazia einâ hryuh ei chi, khazia Abeipa nama pasia,” tah ta.

PUASAINA 17:2 ပူးပေါင်းရင်းမြစ်များ

HLAZY 106:13

Châhrasala a hmotaopazy cha thlai my ei ta, A ryhraona hâ khao veih ei.

HLAZY 106:14

Râhchawhpa liata ama aoh thata zoh ta, Râh raohpa liata Khazohpa ama pasia.

HLAZY 78:18

Ama palôh ta Khazohpa pasia ei ta, Ama aohkhopa pati amâ hnaw.

HLAZY 78:41

Khazohpa pasia chanei ngâ thlâh ha ei ta, Izarei Mo Pathaihpa ru ama pachhô chanei heih tyh.

HLAZY 78:56

Chatanachôta Chônôchai Khazohpa cha pasiapa ta chakhia ei ta, A bieraopazy zyh veih ei.

HLAZY 95:8

Meribâ liata ama taopa hawhna khata, Nama palôh kuh pachha leipa u la, Kha noh ta Mâsâ râhchawhpa liata ama taopa hawhna khata, Tao hra khuh vy.

HLAZY 95:9

Ei hmotaopa ama hmôpa chhao ta, Châ pathlatuhpazy khata na pasia ei ta, Eina mohpathli ei.

PUASAINA 15:24

Zawpi ta, “Khâpa ma eima doh aw?” tahpa ta, Mawsi chô liata paphôh ei ta.

PUASAINA 16:8

Mawsi ta, “Abeipa ta a chô liata nama paphôhnazy a theipa vâta, zâlâ ta sa nie awpa cha piepa ta, my ta viahchhâ rih biena taih a cha pie ti ei ta, ano cha Abeipa a châ tlai tahpa nama pahno aw. Keimo he khâpa ma eima châ tly? Keimo chô liata a paphôhpa châ leipa ei chi ta, Abeipa chô liata a paphôhpa tlao nama châ,” tah ta.

PUASAINA 17:7

Izarei sawzy paphôhna vâta nata, “Eima hry liata Abeipa a y ma, y vei ma?” tahpa ta Abeipa ama pasiapa vâta, cha su cha a moh Mâsâ nata Meribâ a bi.

PUASAINA 5:21

ama hnohta, “Abeipa ta cha moh ei sala, cha pachia mawh ei sy. Phiraoh nata a chakaotuhpazy mohmô liata roh chhiepa ta miah tao ei chi ta, miah thie awpa ta ama ku liata zaozi nama chabasa ha hih,” tah ei ta.

ISAI 7:12

Châhrasala Ahâza ta, “Hiah aw va na, Abeipa pasia aw va na,” tah ta.

MALAKHAI 3:15

Tahmâ cha apalaipazy nohlaopa tah pi ta, moleipazy hra ta ama hneirôhpa dei châ leipa ta, Khazohpa pasia ei ta amâ boh thlâh haw,’ nama tah.”

MALUHREINA 14:2

Izarei saw zydua ta Mawsi nata Arawna chô liata paphôh ei ta, ama hnohta, “Izi râh liana kha vaw thi ha sih la a pha via awpa tlai, cha leipa chhao ta, he râhchawhpa liana heta thi sih la tlao a pha via aw!

MALUHREINA 14:22

Izi râh nata râhchawhpa liata ei rônahna nata ei hmonoâhpa taopazy hmô ha ei ta, chatana chôta ei bie a zyh leipa chyhsa zydua heta, ei hrawh tlai na pasia ei ta, ei ao nathlie veih ei.

MALUHREINA 21:5

Zawpizy ta Khazohpa nata Mawsi chakhiapa ta bie reih ei ta, “Khazia râhchawhpa liata thi awpa ta Izi râh tawhta miah namâ kaw chhi papua? Viahchhâ y va, ti chhao y va, he pati pasichhihpa he miah a ai tu ha bâ,” tah ei ta.

MATHAI 4:7

Zisu ta a hnohta, “‘Abeipa na Khazohpa na pasia awpa châ vei,’ tahpa ropa a châ hra,” tah ta.

LUKA 15:12

A seihnai viapa ta a paw hnohta, ‘Ei pâ, ryu ei to awpa na pie bâ teh,’ tah ta. Chatanachata ama paw ta a sôh cha a sawchapaw panozy pachhaih ta.

LUKA 4:12

Zisu ta a chhy ta,“‘Abeipa na Khazohpa na pasia awpa châ vei,’ tahpa a châ,” tah ta.

HMOTAOPAZY 15:10

Chavâta khazia ma, miah pathlatuhpazy nata keimo chhao ta eima pahnie leipa raopakypa cha, tahmâ pachupazy rao liata pahniepa ta Khazohpa chakhia namâ chhuah tly?

HMOTAOPAZY 5:9

Pity ta a hnohta, “Khazia Abeipa Thlahpa pasia awpa ta bie namâ paraoh? Moh teh, na vahpa a pabutuhpazy phei cha ochhi ama vaw tlô ha huh, nâ chhao khôtho lâ amâ châ sy aw,” tah ta.

1 KAWRINI 10:9

Ama hry liata thokha ta Abeipa pasia ei ta, parih ta a pahleipadia hapa hawhna ei khata, keimo la Abeipa pasia khah ei suh u.

RYHPACHANEINA 6:16

“Mâsâ liata nama pasiapa hawhna khata Abeipa nama Khazohpa cha nama pasia awpa châ vei.

RYHPACHANEINA 9:22

“Tâberâ liata zy, Mâsâ liata zy, Kibarôhâtavâ liata zy chhao Abeipa hie pahâh ei chi ta.

HEBRAI 3:9

Châ pathlatuhpazy khata, Cha liata na pasia ei ta; Ei hmotaopazy kô sypalih chhôh ama hmô.

1 SAMUELA 8:6

“Eima chô liata ryu a reih awpa bei miah pie teh,” ama tahpa kyh chata Samuela cha palysa lei kaw ta. Samuela cha Abeipa lâ thlahchhâ ta.