PUASAINA 17:13 - Mara Bible RV (BSI)

¹³ Chatanachata Zawsua ta Amale nata a sahlaozy cha zaozi ta a pahnie ha ei.

PUASAINA 17:13 ပူးပေါင်းရင်းမြစ်များ

PUASAINA 17:12

Châhrasala Mawsi kuzy cha vaw si ha ta, chavâta alô la ei ta, a kiapâh liata soh ei ta, cha liata a tyuh ta. Arawna nata Hurâ ta a ku cha dei ei ta, pakha ta hiakha la dei ta, pakha ta hia kha lâ a dei. Cha hawhna chata noh tlana taihta a kuzy cha a pazawh ualua ta pazawh thlâh ha ta.

PUASAINA 17:14

Abeipa ta Mawsi hnohta, “He bie he a theih thlâh ha awpa ta, châbu liata roh la, Zawsua nah theina liata reih mah y. Amale mo he avâ ry liata ama y hra tahpa chyhsa ta ama pahno khao leina taihta ei pahleipadia khai aw ei,” tah ta.

LUKA 21:24

Zaozi ta thi aw ei ta, phopi zydua sei ta a chhipa ama châ aw. Zenitaizy noh â ki hlâlei cha, Zerusale cha Zenitaizy tlypâpa ta a y aw.

ZAWSUA 10:28

Cha noh ta Zawsua ta Mâkedâ khihpi cha la ta. Khihsawzy nata ama khih bei cha zaozi ta thie ta, cha khihpi liata a ypa zydua pamo khai ta, pakha hmah pahlôh vei. Zerikô bei chô liata a taopa hawhta, Mâkedâ bei chô liata chhao tao ta.

ZAWSUA 10:32

Abeipa ta Lakhi khihpi cha Izarei ku liata pie ta, a noh nona liata la ta. Libnâ chô liata a taopa hawhta, Lakhi khihpi chhôh liata a ypa chyhsa zydua zaozi ta thie khai ta.

ZAWSUA 10:37

Hebraw khihpi cha la ei ta, khihsawzy nata a khih bei nata a khichapeihzy liata a ypa chyhsa zydua zaozi ta thie ei ta. Ekalaw chô liata a taopa hawhta Hebraw khihpi nata a chhôh liata a ypa chyhsa zydua a pahleipadia khai ha ei. Pakha hmah pahlôh vei.

ZAWSUA 10:42

Abeipa, Izarei Khazohpa ta Izarei cha â dyuhkheipa vâta, cha bei zydua nata ama râhzy cha Zawsua ta ei kha ta a la khai thei ha ei.

ZAWSUA 11:12

Cha beizy khihpizy nata ama bei zydua cha, Abeipa chakaotuhpa Mawsi biepiepa hawhta, Zawsua ta la khai ta, zaozi ta âmo cha chhawhsao ta, a pamua ha ei.

ZAWSUA 8:26

Ai khihpi chyhsa zydua a pahleipadia khai hlâlei, Zawsua ta asei chabapa ta a ku a pazawhpa pathla vei.