PUASAINA 17:11 - Mara Bible RV (BSI)

¹¹ Mawsi ta a ku a pazawh chhôh cha Izarei mo ta pahnie lymâ ei ta, a ku a pathliah nahta, Amale mo ta ama pahnie ha tyh.

PUASAINA 17:11 ပူးပေါင်းရင်းမြစ်များ

HLAZY 44:6

Ei libaw he ngâ leipa na ta, Ei zaozi ta na pachha thei hra vei.

HLAZY 56:9

Ei cha padona noh liata, Ei chariahpazy hnôh a sy aw ei ta, Khazohpa cha ei chhâh a châ tahpa ei pahno aw.

PUASAINA 17:10

Mawsi ta a chhopa hawhta, Zawsua ta Amale mo cha a dyuh ta. Cha nota Mawsi, Arawna nata Hurâ zy cha tlâh laki lâ kiah ei ta.

PUASAINA 17:12

Châhrasala Mawsi kuzy cha vaw si ha ta, chavâta alô la ei ta, a kiapâh liata soh ei ta, cha liata a tyuh ta. Arawna nata Hurâ ta a ku cha dei ei ta, pakha ta hiakha la dei ta, pakha ta hia kha lâ a dei. Cha hawhna chata noh tlana taihta a kuzy cha a pazawh ualua ta pazawh thlâh ha ta.

LUKA 18:1

Zisu ta a pachupazy cha hnabeidy leipa ta, khâ thlahchhâ awpa a châzie pakhona bie chho ta.

1 TIMAWTHY 2:8

Chapawzy cha su to liata ku pathaihpa avâ lâ pazawhpa ta, hiehâh leipa nata a eichhia leipa ta thlah ama chhâ tyh awpa ei khoh.

ZÂMIE 5:16

Chavâta patlâhpa ta nama y thei nawpa ta, nama moleinazy reihpha a cheih raihrie u la, thlah a chhâkhei raihrie teh u. Chyhsa siapa thlahchhâna ta hmo rônahpa a tao tyh.

ZAWSUA 8:26

Ai khihpi chyhsa zydua a pahleipadia khai hlâlei, Zawsua ta asei chabapa ta a ku a pazawhpa pathla vei.