PUASAINA 16:8 - Mara Bible RV (BSI)

⁸ Mawsi ta, “Abeipa ta a chô liata nama paphôhnazy a theipa vâta, zâlâ ta sa nie awpa cha piepa ta, my ta viahchhâ rih biena taih a cha pie ti ei ta, ano cha Abeipa a châ tlai tahpa nama pahno aw. Keimo he khâpa ma eima châ tly? Keimo chô liata a paphôhpa châ leipa ei chi ta, Abeipa chô liata a paphôhpa tlao nama châ,” tah ta.

PUASAINA 16:8 ပူးပေါင်းရင်းမြစ်များ

PUASAINA 16:12

“Izarei sawzy paphôhna ei thei haw. Chavâta ama hnohta, ‘Zâlâ sa nie aw ei chi ta, mylâ viahchhâ rih biena taih nama nie aw. Chatanachata kei he Abeipa nama Khazohpa ei châ tahpa nama pahno aw,’ tahpa ta chho mah y,” tah ta.

PUASAINA 16:9

Chatawhcha Mawsi ta Arawna hnohta, “Izarei zawpi zydua hnohta, ‘Abeipa hmiakô lâ a vaw hnia teh u, nama paphôhnazy a thei haw,’ tahpa ta kei chho teh,” tah ta.

PUASAINA 17:2

Chavâta zawpi ta Mawsi cha a hryuh ei ta, “Ti do awpa miah pie teh,” tah ei ta. Mawsi ta ama hnohta, “Khazia einâ hryuh ei chi, khazia Abeipa nama pasia,” tah ta.

ISAI 32:6

Ahrupa cha hruna bie reih ta, Hmo moleipa tao awpa sai a pachâ tyh. Khazohpa kho leipa hmozy tao ta, Abeipa kyh liata bie doleipa a reih tyh. Nodipazy nie paky ta, Dâhphipazy ti pado vei.

ISAI 37:29

Ei chô liata na ruchhô ta, Nâ palaina ei nah liata â kaw ngia hapa vâta, Na hnari ei cha daoh aw; Na hmao liata chhâri cha pabaw aw na ta, Nâ vyna lâpi lâ tlai khata ei cha pakuasa heih aw.”

MALUHREINA 11:18

Zawpi hnohta, ‘Mylâ châta a pathai teh u, sa cha nama nie aw. Abeipa theina liata, “Sa nie awpa ahy ma miah a pie aw? Izi râh liana kha eima phasa viapa tlai,” tahpa ta cha ei chi ta. Chavâta Abeipa ta sa cha pie aw ei ta, nama nie aw.

MALUHREINA 14:27

“He zawpi moleipa, ei chô liata a paphôh ngâ thlâh hapazy he, khachâ ma ei chhyh thai aw ei? Izarei sawzy paphôhna, ei chô liata ama paphôhnazy he ei thei haw.

MALUHREINA 21:7

Zawpizy cha Mawsi lâ vawh ei ta, a hnohta, “Abeipa nata nâma chakhiapa ta bie reih pi ta, eima vaw molei ha na. Abeipa lâ thlah miah chhâpa la, parihzy he keimo tawhta la awpa ta miah hiapa teh,” tah ei ta. Chatanachata Mawsi ta zawpizy châta thlahchhâ ta.

MATHAI 10:40

“Ahy rai nâmo châ lypa cha keima nâ lypa châ ta, ahy rai kei nâ lypa cha nâ tuahtuhpa a lypa a châ.

MATHAI 9:4

Zisu ta ama pachânazy cha pahnopa ta, “Khazia nama palôh liata hmo moleipa nama pachâ?

LUKA 10:16

“Nama bie a theipa cha, ei bie a theipa a châ. Nâmo châ khoh leipa cha, kei nâ khoh leipa châ ta, kei nâ khoh leipa cha, nâ tuahtuhpa a khoh leipa a châ,” tah ta.

ZAWHÂNA 13:20

Hmeiseihta ta, hmeiseihta ta ei cha chho ei, ahy rai ei tuapa a lypa cha, keima nâ lypa châ ta, ahy rai keima nâ lypa cha, nâ tuahtuhpa a lypa a châ,” tah ta.

RAWMA 13:2

Chavâta ryureituhpa a dyuhpa cha Khazohpa raopa a dyuhpa châ ta, a dyuhtuhpazy cha thailei pachâpa ama châ aw.

1 KAWRINI 10:10

Ama hry liata thokha ta paphôh ei ta, pahleipadiatuhpa ta a pahleipadia hapa hawhna ei khata, keimo la paphôh khah ei suh u.

1 THYSALAWNIKA 4:8

Chavâta he hmo a papeisa leituhpa cha, chyhsa a papeisa leipa châ leipa ta, a Thlahpa Pathaihpa miah pietuhpa Khazohpa a papeisa leipa a châ.

1 SAMUELA 8:7

Abeipa ta Samuela hnohta, “Zawpi ao ta na hnohta ama reipa zydua cha nathlie mah y. Nâma ama cha khoh leipa châ leipa ta, ama bei châta kei eina khoh leipa ei tlao a châ.