PUASAINA 16:35 - Mara Bible RV (BSI)

³⁵ Izarei sawzy ta ama pahrâ nawpa râh ama tlô hlâlei cha, kô sypalih chhôh râhchawhpa liata mânâ nie ei ta, Kâna râhri ama tlô hlâlei cha mânâ ama nie lymâ.

PUASAINA 16:35 ပူးပေါင်းရင်းမြစ်များ

NEHEMIAH 9:15

Ama nodi nota avâ tawhta viahchhâ pie chi ta, ama dâhphi nota lôpanô tawhta ti papua chi ta, âmo pie awpa ta na bâh avâ lâ pazawhpa ta bie nâ taihpa râh a ngia ta, hnei awpa ta na chho ei.

MALUHREINA 32:13

Abeipa cha Izarei chô liata a pathi ia ta, chavâta Abeipa mohmô ta hmo pha leipa a taotuhpa chhâ zydua ama leidia khai hlâlei, râhchawhpa liata kô sypalih chhôh a paviavisa ei.

MALUHREINA 33:38

Theihthaipa Arawna cha Abeipa biepiepa hawhta, Hôri Tlâh lâ kiah ta, Izarei sawzy Izi râh tawhta ama kaw pua tawhta kô sypalihna, thla pangawhna, noh khana noh ta, cha liata a thi haw.

HMOTAOPAZY 7:36

Mawsi chata Izi râh liata zy, Tilaipi Saihpa liata zy, râhchawhpa liata zy, kô sypalih chhôh hmonoâhpa nata ngianazy taopa ta, Izarei sawzy a chhi papua ta.

1 KAWRINI 10:3

Ama zydua ta thlahpa pati miakha nie ei ta,

RYHPACHANEINA 1:8

Moh teh u, nama hmiakô liata râh ei cha sopa ei hih. Sie u la, châ pathlatuhpa Abarahâ, Aisika nata Zakaw nata ama pathla vaw y lymâ awpazy hnohta pie awpa ta Abeipa ta bie â taihpa râh cha kei pahrâ teh u,’ miah tah ta.

RYHPACHANEINA 2:7

Abeipa nama Khazohpa ta nama ku raihria zydua liata byhnâ cha pie tyh ei ta, he râhchawhpa kawh ngaitapa nama siepahliezie haipa chhao a pahno. Kô sypalih chhôh zydua Abeipa nama hnohta y ta, khâpa hmah a phahla veih ei chi,” tah mah y,’ tah ta.

RYHPACHANEINA 29:4

Châhrasala Abeipa ta pahno thaina pathipalôh, hmô theina mo nata thei theina nahzy tanoh taihta cha pie veih ei.

RYHPACHANEINA 8:4

Kô sypalih chhôh nama chysiazy chy leipa ta, nama phei chhao thloh vei.

ZAWSUA 5:12

Râh liata a papuapa ama nie noh a mylâ tawhta cha, mânâ tla khao leipa ta, Izarei sawzy châta mânâ y khao vei. Cha kô tawhta cha Kâna râh chhaohlei thei ama nie pathao haw.