PUASAINA 16:31 - Mara Bible RV (BSI)

³¹ Izarei pathlazy ta viahchhâ cha a moh mânâ bi ei ta. Mânâ cha sysadi chi hawhta dieh ta, a pahânazie cha kheihti pahlaopa viahchhâ hawhta a châ.

PUASAINA 16:31 ပူးပေါင်းရင်းမြစ်များ

PUASAINA 16:14

Diati a hi nahta, râhchawhpa alei chô liata chhâmeih papa a lyupa hmo chyhpata, dâhaw tlaw tiepa vaw y hôlô ta.

PUASAINA 16:15

Cha cha Izarei sawzy ta ama hmô nahta, khâpa ma a châ tahpa ama pahno leipa vâta, “He he khâpa ma a châ tly?” tahpa ta âmo nata âmo a hiahri ei ta. Mawsi ta ama hnohta, “He he viahchhâ a châ, Abeipa ta nama nie awpa a cha piepa ei a châ hih.

PUASAINA 16:30

Chatanachata noh sarina noh liata cha Izarei phopi amâ pahâ khai haw.

PUASAINA 16:32

Mawsi ta, “He he Abeipa biepiepa a châ: ‘Nama chhâ vaw y lymâ awpa châta mânâ he saikhua hmo kha la u la namâ so awpa a châ. Chatanachata Izi râh tawhta ei châ chhi papua nona ei ta, râhchawhpa liata nâmo ei cha pasana viahchhâ kha âmo chhao ta ama vaw hmô thei hra aw,’” tah ta.

HLAZY HLA 2:3

Râhmâhpa thozy hry liata epuh kô hawhta, Ei lôhdupaw chhao satliazy hry liata â lâ patlua. Palôhtlâh ngaitapa ta a nohdi ry liata a tyuh na ta, Ei pakah liata a thei a thlôh ngaita.

RYHPACHANEINA 8:16

Châ pathlatuhpazy ta ama pahno beih leipa mânâ ta cha pasa ei ta, a chhâna liata nama pha nawpa ta, cha panawh ei ta, a cha pasia ei.

RYHPACHANEINA 8:3

Chyhsapa he viahchhâ dei ta hroh leipa ta, Abeipa pakah tawhta a puapa bie to ta tlao a hroh tahpa nama pahno thei nawpa ta, cha panawh ei ta, nodipa ta a cha paysa ei. Chatanachata nama pahno beih leipa, châ pathlatuhpazy chhao ta ama pahno beih leipa mânâ ta a cha pasa ei.