PUASAINA 16:3 - Mara Bible RV (BSI)

³ Izarei sawzy ta ama hnohta, “Izi râh liata sa beih kiah liata a tyuh pi ta, viahchhâ eima rih biena taihta eima nie no khata Abeipa ku ta vaw thi ha sih la a pha via awpa tlai. Zawpi zydua he nodipa ta miah thie awpa ta râhchawhpa lâ miah namâ vaw chhi he zaw,” tah ei ta.

PUASAINA 16:3 ပူးပေါင်းရင်းမြစ်များ

2 SAMUELA 18:33

Abei cha a palôh pasa ngaita ta, thokhy chhikao chô lâta chhôhpadâhpa lâ khy ta, cha ta. A khy pâ ta, “Hy ei sawchapawpa Absalaw, ei sawchapawpa, ei sawchapawpa Absalaw! Nâma vyuhpa ta keima tlao ei thi thlâh ha awpa tlai! Hy Absalaw, ei sawchapawpa, ei sawchapawpa y!” tah ta.

ZAWBÂ 3:1

Cha khai tawhta, Zawbâ cha a pakah â ta, a pina noh cha chhiesapa ta.

ZAWBÂ 3:10

Ei nô chhi ochhi khaw leipa ta, Tymâna eina nyu khâh leipa vâta.

ZAWBÂ 3:20

“Khazia nôpopazy hnohta khaihna piepa châ ta, Pachârôhpazy hnohta hrona piepa a châ tly?

HLAZY 107:5

Nodi dâhphipa ta y ei ta, Ama hro a panao khai haw.

HLAZY 78:19

Khazohpa reipachhie ei ta, “Khazohpa ta râhchawhpa liana heta, Tlâhkhai â chhuahdy thei tlai aw ma?

HLAZY 78:25

Vâlyuhchâpazy viahchhâ cha chyhsazy ta nie ei ta, Khazohpa ta nie awpa hluhpi a za pathlapa ei.

PUASAINA 14:11

Mawsi hnohta, “Izi râh liata thlâ a y leipa vâta ma, râhchawhpa liata thi awpa ta miah nâ vaw chhi? Khazia he hawhta miah tao awpa ta Izi râh tawhta miah na vaw puakhei?

PUASAINA 17:3

Zawpizy cha ama dâhphi ngaita ta, Mawsi chô liata paphôh ei ta, a hnohta, “Khazia keimo nata eima sawzy nata eima sahrohzy he dâhphipa ta miah thie awpa ta Izi râh tawhta miah nâ kaw chhi papua?” tah ei ta.

PUASAINA 2:23

Daihti vâropi a châ tawhta, Izi bei cha thi ha ta. Izarei sawzy cha ama seichâna vâta a hrô ei ta, baotuhpa aw ei ta. Ama seichâna tawhta pachha awpa ta ama awna ao cha Khazohpa kô kaw tlô ta.

PUASAINA 5:21

ama hnohta, “Abeipa ta cha moh ei sala, cha pachia mawh ei sy. Phiraoh nata a chakaotuhpazy mohmô liata roh chhiepa ta miah tao ei chi ta, miah thie awpa ta ama ku liata zaozi nama chabasa ha hih,” tah ei ta.

ZEREMIAH 2:6

‘Izi râh tawhta miah a kaw chhi papuatuhpa Abeipa kha khataih liata a y?’ tah leipa ei ta, ‘Râhchawhpa liata miah chhihtha ta, Sadi bypi liata miah chhihthapa ta, Khaohtlôzy liata miah chhihthatuhpa kha, Khataih liata a y haw?’ Tah hra leipa ei ta; ‘Râh chawhkaraipa liata miah chhihthapa ta, Thina nohpahli râh liata miah chhihtha ta; Chyhsa chapia beih leina râh liata miah chhihthapa ta, Ahy hmah pahrâ beih leina râh liata miah chhihthatuhpa kha, Khataih liata a y haw,’ Tah hra veih ei.

ZEREMIAH 42:14

‘He râh liata pahrâ aw ma pi, adyuhna eima hmô lei nawpa râh, chiahmie pyu chhao thei leipa ta, nie awpa hnei leipa ta nodipa ta eima y lei nawpa Izi râh lâ tlao sie aw pi ta, cha liata eima pahrâ aw,’ nama tah khiahta deikua cha,

ZEREMIAH 44:17

Keimo nata miah pathlatuhpazy nata eima beizy nata eima beimachâzy heta, Zudâh khihpizy nata Zerusale khiliahzy liata eima tao tyhpa hawhna khata, avâ beinô lâ ropahâhpazy raopa ta, dopa hlânazy ano lâ patlai aw pi ta, bie eimâ taihpa zydua eima tao aw. Kha daihti liana kha niedo hluhpi hneipa ta, thlaochhipa ta y pi ta, chhiena a tyh ma pi.

CHAPHÔHTUNA 4:9

Lyu kôvei y leipa vâta, Nodi thachhâpa ta y ta; Nodipa ta thipa hlâta la, Zaozi ta thipa a pha via.

MALUHREINA 11:15

He hawhta eina tao awpa chi khiahta cha, na ngiachhie la, â ryh na tah khiahta cha, na thie lâlao thlâh ha la, nôpo pachârôhna a tyh awpa na pakhôkhâhsa mah y,” tah ta.

MALUHREINA 11:20

Nama hry liata a ypa Abeipa dythapa ta, chana chôta Abeipa hmiakô liata paphôh ei chi ta, “Khazia ma Izi râh tawhta eima kaw pua tly?” nama tahpa vâta, thla kha chhôh tlai, aina taih nata apalithluna taihta nama nie aw,’ tahpa ta na chho aw ei,” tah ta.

MALUHREINA 14:2

Izarei saw zydua ta Mawsi nata Arawna chô liata paphôh ei ta, ama hnohta, “Izi râh liana kha vaw thi ha sih la a pha via awpa tlai, cha leipa chhao ta, he râhchawhpa liana heta thi sih la tlao a pha via aw!

MALUHREINA 14:3

Khazia ma zaozi ta thi awpa ta Abeipa ta he râh lâ he miah â chhi tly? Eima lapi sawzy he patupa ta y aw ei ta, Izi râh lâ kua awpa eima châta pha via vei ma?” tah ei ta.

MALUHREINA 16:13

Râhchawhpa liata miah thie awpa ta, sâhpiti nata kheihti lona râh tawhta miah na kaw puakheipa he hmo chyhpa ma a châ? Tahmâ eima chô liata bei ta nâ tao heih.

MALUHREINA 16:41

A mylâ ta, Izarei zawpi zydua ta Mawsi nata Arawna chô liata, “Abeipa phopi chyhsazy nama thie” tahpa ta paphôh ei ta.

MALUHREINA 21:5

Zawpizy ta Khazohpa nata Mawsi chakhiapa ta bie reih ei ta, “Khazia râhchawhpa liata thi awpa ta Izi râh tawhta miah namâ kaw chhi papua? Viahchhâ y va, ti chhao y va, he pati pasichhihpa he miah a ai tu ha bâ,” tah ei ta.

HMOTAOPAZY 26:29

Pawla ta, “Buakha chhôh ta tlyma, bohpi tlyma rai châ sala, nâ dei châ leipa ta, tanoh ta ei bie a theipa zydua heta, he bâliazy he na tah leipa ta cha, keima hawhta y awpa ta Khazohpa lâta ei hiah,” tah ta.

1 KAWRINI 4:8

Namâ ngiahpazy nama hnei khai haw! Nama vaw hneirôh haw! Keimo a hlao leipa ta beizy nama vaw châ haw! Beizy châ hmeiseih u la, keimo chhao nama hnohta a bei hra sih la ei tah kaw dia!

2 KAWRINI 11:1

Ei vaw hru pâ hapa chhao ta eina chhyh thai awpa ei chi ei khoh kaw. Rie na chhyh thai muh vy!

RYHPACHANEINA 28:67

Nama palôh liata chichhihna nata na mo ta a hmôpazy vâta, my ta, ‘Zâlâ a châ bâ mawh sala,’ tah aw ei chi ta, zâlâ ta, ‘My a châ bâ mawh sala,’ nama tah aw.

RYHPACHANEINA 8:3

Chyhsapa he viahchhâ dei ta hroh leipa ta, Abeipa pakah tawhta a puapa bie to ta tlao a hroh tahpa nama pahno thei nawpa ta, cha panawh ei ta, nodipa ta a cha paysa ei. Chatanachata nama pahno beih leipa, châ pathlatuhpazy chhao ta ama pahno beih leipa mânâ ta a cha pasa ei.

ZAWSUA 7:7

Zawsua ta, “Hy Abeipa Zehôvâh, Amawri mo ku liata miah hlâ ta thie awpa ta ma, he phopi he Zawdâh miah na vaw chakakhei? Zawdâh haosâ liata pahrâ awpa ta palôh a vaw patlâh thlâh ha sih la a pha via awpa tlai.