PUASAINA 16:23 - Mara Bible RV (BSI)

²³ Mawsi ta, “He he Abeipa biepiepa a châ: ‘Mylâ cha a pahâna noh, noh ziehpa, Abeipa châta Pahânoh pathaihpa a châ aw. Chavâta pakâh awpazy cha pakâh u la, chho awpazy chhoh u la, a laibâhpa zydua mylâ châta namâ so aw,’” tah ta.

PUASAINA 16:23 ပူးပေါင်းရင်းမြစ်များ

NEHEMIAH 9:13

Sinai Tlâh liata za chô chi ta, avâ tawhta âmo cha bie a chho chi ta, ryureina dopa, ryhpa dopa, bieraopa nata biepiepa phapazy na pie ei.

NEHEMIAH 9:14

Na Pahânoh pathaihpa thâtih âmo pahnosa chi ta, châ chakaotuhpa Mawsi hmâpa ta biepiepazy, bieraopazy nata ryhpazy na pie ei.

PUASAINA 16:19

Mawsi ta ama hnohta, “Ahy hmahta mylâ châta a khai khuh vy,” tah ta.

PUASAINA 23:12

“Noh charu chhôh na rai hria aw chi ta, a noh sarina noh deikua cha, nâ pahâ tyh awpa a châ. Chatanachata na viahchao tôhpa nata alâ zy chhao a pahâ aw ei ta, na o liata a pihpa sei nata na hnohta a ypa chihropa zy ama tha a dâh hra aw.

PUASAINA 31:15

Noh charu chhôh rai hria aw ei chi ta, a noh sarina noh cha a pahâ nawpa Pahânoh zachhihpa châ ta, Abeipa châta noh pathaihpa a châ. Ahy rai Pahânoh ta rai a hriapa cha thie thlyu awpa a châ.

ZEREMIAH 17:22

Pahânoh ta nama o tawhta hmo phao nama puakhei awpa châ leipa ta, rai nama hria awpa châ hra vei. Châ pathlatuhpazy hnohta bie ei piepa hawhta, Pahânoh cha nama pathaihsa awpa a châ.

THEIHTHAINA 23:3

“Noh charu chhôh rai hria awpa châ ta, a noh sarina noh deikua cha apahâna zachhihpa Pahânoh, pakhypi pathaihpa noh a châ aw. Khâpa rai hmah nama hria awpa châ vei. Cha cha nama pahrâna maih liata Abeipa châta Pahânoh a châ.

MALUHREINA 11:7

Mânâ cha sysadi chi hawhta y ta, â lânazie cha kre thei chawhpa a lyu.

MALUHREINA 11:8

Cha cha zawpi ta a huah ei ta, charona liata charopa ta, sôkhaoh liata daih ei ta, cha khai tawhta beih liata chhoh ei ta, viahchhâ ta ama tao. A pahânazie cha viahdie sathaw pahlaopa ta taopa viahchhâ hawhta a châ.

LUKA 23:56

O lâ a di ei ta, ropahâhpa nata sathawzy a chhuanoh ei ta. Pahânoh cha biepiepa hawhta a pahâ ei ta.

RYHPACHANEINA 5:12

“Abeipa na Khazohpa ta bie a cha piepa hawhta, Pahânoh pathaisa aw chi ta, na chay awpa a châ.

BIEPHUAH 1:10

Abeipa noh liata Thlahpa ta vaw y na ta, chatawhcha ei hnôhky lâta chiahmie pyu hawhta ao paro ngaitapa thei na ta, ao chata,