PUASAINA 16:2 - Mara Bible RV (BSI)

² Râhchawhpa liana chata Izarei zawpi zydua ta Mawsi nata Arawna chô liata paphôh ei ta.

PUASAINA 16:2 ပူးပေါင်းရင်းမြစ်များ

ÂTHAONA 19:4

Amâ zia hlâta, khihpi chyhsa, Sawdawmâ khihsawzy ta o cha vaw dôh ei ta. Vaih to tawhta satliapa nata pawhrâhpazy amâ vaw ki khai haw.

HLAZY 106:13

Châhrasala a hmotaopazy cha thlai my ei ta, A ryhraona hâ khao veih ei.

HLAZY 106:25

Ama poh ozy liata paphôh ei ta, Abeipa ao nathlie khoh veih ei.

HLAZY 106:7

Miah pathlatuhpazy Izi râh liata ama y no kha, Na hmotao noâhpazy pachâ veih ei; Na kyhpachâna rônahpa a thei leipa ei ta, Tilaipi liata cha chakhia ei ta, Tilaipi Saihpa liata ama cha chakhia.

PUASAINA 14:11

Mawsi hnohta, “Izi râh liata thlâ a y leipa vâta ma, râhchawhpa liata thi awpa ta miah nâ vaw chhi? Khazia he hawhta miah tao awpa ta Izi râh tawhta miah na vaw puakhei?

PUASAINA 15:24

Zawpi ta, “Khâpa ma eima doh aw?” tahpa ta, Mawsi chô liata paphôh ei ta.

PUASAINA 17:3

Zawpizy cha ama dâhphi ngaita ta, Mawsi chô liata paphôh ei ta, a hnohta, “Khazia keimo nata eima sawzy nata eima sahrohzy he dâhphipa ta miah thie awpa ta Izi râh tawhta miah nâ kaw chhi papua?” tah ei ta.

PUASAINA 5:21

ama hnohta, “Abeipa ta cha moh ei sala, cha pachia mawh ei sy. Phiraoh nata a chakaotuhpazy mohmô liata roh chhiepa ta miah tao ei chi ta, miah thie awpa ta ama ku liata zaozi nama chabasa ha hih,” tah ei ta.

MALUHREINA 14:22

Izi râh nata râhchawhpa liata ei rônahna nata ei hmonoâhpa taopazy hmô ha ei ta, chatana chôta ei bie a zyh leipa chyhsa zydua heta, ei hrawh tlai na pasia ei ta, ei ao nathlie veih ei.

1 KAWRINI 10:10

Ama hry liata thokha ta paphôh ei ta, pahleipadiatuhpa ta a pahleipadia hapa hawhna ei khata, keimo la paphôh khah ei suh u.