PUASAINA 16:15 - Mara Bible RV (BSI)

¹⁵ Cha cha Izarei sawzy ta ama hmô nahta, khâpa ma a châ tahpa ama pahno leipa vâta, “He he khâpa ma a châ tly?” tahpa ta âmo nata âmo a hiahri ei ta. Mawsi ta ama hnohta, “He he viahchhâ a châ, Abeipa ta nama nie awpa a cha piepa ei a châ hih.

PUASAINA 16:15 ပူးပေါင်းရင်းမြစ်များ

NEHEMIAH 9:15

Ama nodi nota avâ tawhta viahchhâ pie chi ta, ama dâhphi nota lôpanô tawhta ti papua chi ta, âmo pie awpa ta na bâh avâ lâ pazawhpa ta bie nâ taihpa râh a ngia ta, hnei awpa ta na chho ei.

NEHEMIAH 9:20

Âmo pachu awpa ta na Thlahpa phapa pie chi ta, na mânâ ama pakah lâ a ngia awpa pakhâ leipa chi ta, ama dâhphi nota do awpa ti na pie tyh ei.

HLAZY 105:40

Hiah ei ta, mamozy vaw patlasa ta, Avâ tawhta viahchhâ hluhpi a pie ei.

HLAZY 78:24

Ama nie awpa mânâ ama chô liata za pasuasa ta, Vârâh sâh a pie ei.

PUASAINA 16:31

Izarei pathlazy ta viahchhâ cha a moh mânâ bi ei ta. Mânâ cha sysadi chi hawhta dieh ta, a pahânazie cha kheihti pahlaopa viahchhâ hawhta a châ.

PUASAINA 16:33

Chatawhcha Mawsi ta Arawna hnohta, “Beih miakha la la, mânâ khôna saikhua kha a chhôh liata khô la, nama chhâ zydua ta chhy lymâ awpa ta Abeipa hmiakô liata soh mah y,” tah ta.

PUASAINA 16:4

Abeipa ta Mawsi hnohta, “Pachâ teh, nama châta avâ tawhta viahchhâ pasuasa aw na ta, zawpizy pua aw ei ta, noh kha châta ama tovyuh a daihpa ta noh chareih amâ huah lymâ aw. Cha liana chata ei ryhpa ama zyh ma, zyh vei ma tahpa ei pasia aw ei.

BIESOZY 9:5

“A vy la, ei viahchhâ nie la, Ei kresawhti pahlao chiehpa he doh mah y.

MALUHREINA 21:5

Zawpizy ta Khazohpa nata Mawsi chakhiapa ta bie reih ei ta, “Khazia râhchawhpa liata thi awpa ta Izi râh tawhta miah namâ kaw chhi papua? Viahchhâ y va, ti chhao y va, he pati pasichhihpa he miah a ai tu ha bâ,” tah ei ta.

LUKA 12:30

Khizaw phopi to ta cha hmozy cha ama tlua tyh. Chazy cha namâ ngiah tahpa nama Paw ta a pahno.

ZAWHÂNA 6:49

Châ pathlatuhpazy kha râhchawhpa liata mânâ ama nie tyh, châhrasala ama thi pyly.

ZAWHÂNA 6:58

He he vârâh tawhta viahchhâ za chôpa a châ. Pathlatuhpazy ta nie ei ta, ama thi pylypa viahchhâ hawhpa kha châ vei. He viahchhâ a niepa cha chhâzaw ta a hroh aw,” tah ta.

1 KAWRINI 10:3

Ama zydua ta thlahpa pati miakha nie ei ta,

RYHPACHANEINA 8:16

Châ pathlatuhpazy ta ama pahno beih leipa mânâ ta cha pasa ei ta, a chhâna liata nama pha nawpa ta, cha panawh ei ta, a cha pasia ei.

RYHPACHANEINA 8:3

Chyhsapa he viahchhâ dei ta hroh leipa ta, Abeipa pakah tawhta a puapa bie to ta tlao a hroh tahpa nama pahno thei nawpa ta, cha panawh ei ta, nodipa ta a cha paysa ei. Chatanachata nama pahno beih leipa, châ pathlatuhpazy chhao ta ama pahno beih leipa mânâ ta a cha pasa ei.

HEBRAI 9:4

Cha liata ropahâhpa raona ngôh maisâh nata ngôh ta pahupa biehrai byh y ta, biehrai byh chhôh liata mânâ yna ngôh beih, Arawna chôchahrei chhyh thaopa nata biehrai lôphiazy a y.

ZAWSUA 5:12

Râh liata a papuapa ama nie noh a mylâ tawhta cha, mânâ tla khao leipa ta, Izarei sawzy châta mânâ y khao vei. Cha kô tawhta cha Kâna râh chhaohlei thei ama nie pathao haw.

BIEPHUAH 2:17

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa hnohta mânâ nyupa pie aw na ta, lô ngyuhpa chhao ei pie aw. Cha alô chô liata moh thiehpa ropa châ ta, cha cha a totuhpa dei leipa ta cha ahy hmahta pahno veih ei,’ a tah na,” tahpa ta.